fríggjadagur 27. januar 2012síða 9

9 Fríggjadagur 27. januar 2012 · Nr. 12 Sosialurin Hugskot og viðmerkingar – send sms til 225000 Kreppuhjálp til Kaj leo Avtak sjómannafrádráttin Sjómannafrádrátturin skal avtakast. Tað meta fleiri av okkara lesarum. Hetta hevði fyrst og fremst spart landskassanum 81 milliónir krónur , men førdi Føroya Arbeiðsgevarafelag eisini fram, at frádrátturin skuldi verið avtikin, tí hann ger tað trupult hjá øðrum vinnum at kappast við sjóvinnuna um arbeiðsmegi. Sel Fiskivinnuskúlan í Vestmanna Fiskivinnuskúlin í Vestmanna stendur fjórða árið á rað, uttan at verða brúktur til nakað og uttan at vera seldur. Tí heitir ein lesari okkara á Kaj Leo Holm Johannesen, um at syrgja fyri, at selja skúlan og soleiðis vinna tað í landskassan, sum fiskivinnuskúlin kostar. Her er minst ein millión at heinta, metir ein lesari. Niðurlegg Kringvarpið Kringvarp Føroya, tað vil siga Útvarpið og Sjónvarpið, fáa umframt lýsingarinntøkur kringvarpsgjald. 3600 krónur rindar hvørt húski, umframt feløg, fyritøkur og stovnar. Í 2011 fekk Kringvarp Føroya umleið 45 milliónir krónur inn á henda hátt. Hesir pengarnir, sum tú og eg, arbeiðspláss okkara og onnur rinda fyri, høvdu farið betri, um teir fóru beint í landskassan, eru tað fleiri okkara lesarar, sum meta. Einskil Landsverk - Landsverk byggir land er ein meinaleys frasa, sum skuldi verið strikað alt fyri eitt. Samstundis skuldi alt Landsverk, meiri ella minni, verið einskilt so privatar fyritøkur kundu gjørt tað arbeiði, Landsverk ger í dag, sigur ein lesari okkara. Bara í viðlíkahald av vegum og øðrum kostar væl omanfyri 300 milliónir krónur. Tí sigur lesarin: - Privatiserað Landsverk, harra løgmaður! Tvungna loðstænastu Flest onnur lond hava sokallaða tvungna loðstænastu, tað vil siga, at øll fremmand skip, sum koma í havn, skulu brúka loðs. Hetta er ikki galdandi fyri fremmand skip, sum skulu í føroyska havn. Tí skjýtur ein lesari upp at skipa eina tvungna loðstænastu. – Tað hevði so skapað nøkur arbeiðspláss og skaffað nakrar inntøkur, sigur hann. Øðrvísi sjúkrahússkipan At hava trý fullmannað og fultútgjørd sjúkrahús til stívliga 48.000 fólk, meta fleiri lesarar. Onkur heldur, at tað í Klaksvík og Suðuroynni skulu avtakast og bara hava Landssjúkrahúsið eftir, meðan onnur hella til eina optimering og rationalisering av verandi sjúkrahúsverki, so at virksemið økist og verður meiri støðugt í øllum sjúkrahúsverkinum – og at alt tilfeingi, fíggjarligt, fakligt og fysiskt, verður gagnnýtt best møguligt. Minki almennu bilaparkina Sera nógvir lesarar hava víst á, at almenna bilaparkin er alt ov stór og alt ov dýr. – Taks nýtist ikki fleiri Landrover jeepar og Fiskiveiðueftirlitið hevur ikki tørv á Ford jeepar í hundraðtúsundkrónumklassanum. Citroen Berlingo ella okkurt líknandi er munandi bíligari og gera somu nyttu, sigur ein lesari, meðan aðrir reksa upp aðrar almennar stovnar við nógvum og dýrum bilum. Vón­andi tekur løgmaður líka væl í móti spari upp­skot­ unum, sum lesarar hava tikið í móti átakinum