fríggjadagur 27. januar 2012síða 21

21 Fríggjadagur 27. januar 2012 · Nr. 12 Sosialurin Hugskot og viðmerkingar – send sms til 225000 Ítróttur ferð, sigur hann og setur eina vatn­ fløsku á undirvørruna. Stóri dreym­ urin er at vinna seg upp í League Two, sum er fjórðbesta deildina, og felagið er á rættari kós. Wrexham er oddalið í deildini. Adrian Cieslewicz, sum var knýtt­ur at ungdómsdeildini í Man­ chester City í trý ár, hevur spælt yrkisfótbólt seinastu fimm árini. Conference er nøktandi fyri hann júst nú, heldur hann. 18 ára gamal flutti hann til Wrexham. – Eg spæli fleiri og fleiri dystir fyri hvørt kappingarár. Um tað eydnast okkum at flyta upp, skal eg spæla í League Two sum 22 ára gamal, og tað er nøktandi, heldur hann fyri. Cieslewicz hevur sáttmála við Wrexham, sum fer úr gildi um eitt ár. Hann vil enn ikki siga nógv um framtíðina. Hann og Jákup í Stóru­ stovu, sum er umboðsmaður hans­ ara, finna eina loysn, tá tað kemur hartil. Hevur satsað alt Tað krevur nógv at gerast yrkis­ fót­bóltsleikari. Tað tykist Adrian vera fullgreiður yvir. Eftir átta ár í Før­oyum fór hann 16 ára gamal at royna eydnuna í Manchester City. Tað hevur ikki altíð verið lætt, men Adrian er fegin um ta avgerðina í dag. – Eg byrjaði at spæla fótbólt sum sjey ára gamal og endamálið hevur altíð verið at gerast yrkisleikari. Eg geri tað, eg elski og fái samstundis løn fyri tað. Tað er perfekt. Nú skal eg bara halda fram við at stríðast, og tíðin fer at vísa, hvussu langt tað røkkur. Eg ætli mær heilt upp á tindin, men teinurin er ómetaliga langur og strævin, sigur Adrian, og held­ur fram. – Um fimm ár eri eg 26 ár. Tá skal yrkisleiðin sum fótbóltsleikari helst hava tikið dik á seg, men sum eg havi sagt so ofta, so taki eg bara ein dyst í senn. Eg royni at halda høvdið kalt og ikki hugsa tápuligar tankar, at alt kemur av sær sjálvum. Eg vil stríðast til hvørja venjing og hvønn tann einasta dyst. Vónandi varnast onkur meg, sigur Adrian Cieslewicz. Stóribeiggi Adrian, Lukasz Cieslewicz, spælur við B36. Hann átti virknan lut í føroya­meistara­ heitinum hjá felagnum síðsta kapp­ ingarár, og framherjin var eisini kosin ársins spælari í føroyskum fótbólti í 2011. Lítlibeiggin er sera errin av stórabeiggjanum, men Adrian hevur hinvegin ongar ætl­ anir at royna seg í føroysku lands­ kappingini. – Tú veit ongantíð, hvussu fót­ bóltsleiðin lagar seg, men eg hugsi bara um Wrexham nú, sigur Adrian, meðan fýra ungir viðhaldsmenn ganga framvið. Pólskur føroyingur Adrian er føddur í Poznan í Póllandi. Hann flutti sum smádrongur til Før­oya, tá ÍF sendi boð eftir pápa hansara, Robert Cieslewicz, sum var vandamikil framherji. Størsta partin av teimum átta árunum í Føroyum hevur Adrian búð í Vági. Nú hevur hann eisini roynt at búð í Onglandi í fimm ár. Spurningurin er tí, hvør Adrian Cieslewicz er í roynd og veru. Hann smílist, marghugsar eina løtu, og svarar so. – Góður spurningurin. Eg eri póllendingur, sum mítt pass vísir. Eg havi hinvegin búð í Føroyum heili átta ár av mínum unga lívi, og eg eri sera fegin um tað. Eg havi búð 14 ár aðrastaðni. Tú kann siga, at eg eri ein blandingur av nógvum, svar­ ar hann grunandi. Árini í Føroyum geva honum møguleikan at spæla fyri føroyska landsliðið. Tað vónar Adrian Cieslewicz, at hann sleppur. Hann og beiggin Lukasz hava sagt alment, at teir taka fegin av, um møguleikin er har. Tað eru fleiri útlendingarnar, eitt nú Sorin Anghel og Alex José dos Santos, sum hava víst áhuga fyri at um­boða Føroyar í altjóða høpi, men enn hevur eingin teirra spælt ein dyst á føroyska landsliðnum. Tað hoyrist væl, at Adrian hev­ ur búð í Vági. Hann sigur frá, at Christian R. Mouritsen, sum eisini var knýttur at ungdómsdeildini í Man­chester City nøkur ár, royndi at fáa hann at tosa havnarmál, men suður­oyardialektin situr kortini rimm­ar føst. Hann tosar føroyskt allatíð, við­hvørt við enskum orðingum. Í einkult­um førum steðgar hann á og leit­ar eftir føroyska orðinum. – Eg royni at lesa føroysku portal­arnar og lurta eftir fót­bólts­ frá­søgunum, tá Lukasz spælir. Vónandi fari eg ongantíð at gloyma tað føroyska málið, sigur hann á suðuroyarmáli. Tað er púra greitt, at Adrian Cieslewicz hevur bæði beinini á jørðini. Hann er sinnaður at arbeiða fyri at røkka sínum málum, hóast fótbólturin í fimtbestu deildini er ikki tað, ein fótbóltsspælari við ambi­tión­um strembar eftir. Veg­ ur­in til Premier League byrjar tó onku­staðni. Hví ikki í Poznan sum í Vági? trondur@sosialurin.fo – Eg royni at lesa føroysku portalarnar og lurta eftir fótbóltsfrásøgunum, tá Lukasz (høgrumeðin) spælir – Eg spæli fleiri og fleiri dystir fyri hvørt kappingarár. Um tað eydnast okkum at flyta upp, skal eg spæla í League Two sum 22 ára gamal, og tað er nøktandi Mynd: Polfoto