fríggjadagur 3. februar 2012síða 30

Fríggjadagur 3. februar 2012 · Nr. 15 30 Sosialurin Hugskot og viðmerkingar – send sms til 225000 Ítróttur Jóannes Hansen Síðsta landsliðsvenjingin, áðrenn gjørt verður av, hvørjir 20 skulu við til La Manga á venjingarlegu um mánaðarskiftið, verður mikudagin í komandi viku. Landsliðsvenjarin hevur sent boð eftir 21 spælarum, og millum teirra eru málverjin Jákup Mikkelsen og Fróði Benjaminsen, sum hevur verið liðformaður á landsliðnum, síðani Jákup segði landsliðnum farvæl fyri skjótt hálvum øðrum ári síðani. Jóannes Jakobsen, sum er hjálparvenjari hjá Lars Olsen landsliðsvenjara, sigur, at báðir veteranarnir hava játtað at taka eitt tørn aftrat á landsliðnum: - Eg havi tosað við teir báðar, og teir siga seg vera sinnaðar at halda fram, um tað er brúk fyri teimum. Tá ið síðsti landsdysturin varð spældur síðsta heyst, dugdi Fróði Benjaminsen ikki at siga, um hann fór at halda fram á landsliðnum. Hann ætlaði at hugsa seg um í vetur, og nú hevur hann gjørt av at halda fram. Í fjør varð heitt á Jákup Mikkelsen um at traðka til aftur, tá ið avloysarin, Gunnar Nielsen, varð skaddur. Ætlanin var, at Jákup skuldi spæla allar dystirnar síðsta ár, men eftir summarsteðgin var hann so mikið skaðaplágaður, at hann ikki var førur fyri at spæla, og tí var tað René Tórgarð, sum vardi føroyska málið í seinastu undankappingardystunum. Gunnar Nielsen er framvegis skaddur. Enn er ikki greitt, nær hann aftur verður førur fyri at venja og spæla. Kanska verður tað undan summarsteðginum, men tað er óvist. Tað var í heyst ivasamt, um Jákup Mikkelsen fór at halda fram at spæla fótbólt á hægsta støði. Í samrøðu við Sosialin undan ársskiftinum segði hann tó, at hann nú var so væl fyri, sum hann ongantíð var tað í fjør, og tí hevði hann gjørt av at halda fram í ÍF. Eisini Fróði Benjaminsen var darvaður av skaðum síðsta kappingarár. HB var jú í sera tungum sjógvi, og tí spældi Fróði mest sum hvørja ferð, hóast hann ivaleyst viðhvørt hevði havt gott av at hvílt frá fótbóltinum. Nú hevur hann hildið frí frá fótbóltinum í nakrar mánaðir. Fróði hevur verið í Grønlandi og smíðað. Hann er nú aftur í HB, har hann fyrireikar seg til nýggja kappingarárið, og mikudagin fer hann – millum annað saman við Jákupi Mikkelsen – fyri fyrstu ferð at venja saman við nýggja landsliðsvenjaranum Lars Olsen. Teir 21, sum hava fingið boð at møta mikudagin, eru hesir: Kristian Joensen, 07 Vestur, Atli Danielsen, Meinhardt Joensen og Súni Olsen, B36, Jann Ingi Petersen, B68, Arnbjørn Hansen og Hans Pauli Samuelsen, EB/ Pætur Albinus Tað var undan kappingarárinum í fjør, at Pól Jóhannus Justinussen skifti úr B68 til íslendska felagið Valur, har hann var liðfelagi við teir báðar føroysku landsliðsleikararnar, Christian R. Mouritsen og Jónas Tór Næs. Felagið lá leingi og lúrdi eftir meistaraheitinum, men eftir at hava ligið á odda í nøkur umfør, máttu teir at enda taka til takkar við einum fimta plássi. Felagið kom í eina fíggjarliga kreppu og loystu føroysku leikarar­ nar úr sáttmálum sínum. Navnframir venjarar Pól Jóhannus Justinussen, sum hevur verið fastur fúsur á lands­ lið­num seinastu dystirnar, kann spæla nógva­staðni á vøllinum. Fyri tað mesta hevur hann verið í mið­ verj­uni, men vinstrabeintur kann hann eisini spæla vinstri bakkur og vinstri vongur. Í leitanini eftir nýggjum fel­agi hevur hann hevur verið til royndar­ venjingar í eitt nú norska meistara­ felagnum Molde FK og í svenska Landskrona BoIS. Í Molde var tað fyrrverandi Manchester United- framherjin, Ole Gunnar Solskjær, ið var venjari, meðan tað í Landskrona BoIS var – somuleiðis fyrrverandi Manchester United-framherjin – Henrik »Henke« Larsson, ið var venjari. Hetta eru navnframir venjarar, ið hann hevur havt, men teir valdu ikki at geva Pól Jóhannusi sáttmála, og vóru grundgevingarnar m.a. tær óhepnu, at felagið í táverandi løtu ikki manglaði spælara á júst á tí plássinum, hann spældi á. Í AaB eydnaðist tað Stutt eftir nýggjár setti danska super­ligufelagið AaB seg í samband við Pól Jóhannus. Teir vildu hava hann til royndarvenjingar. Hetta var ikki fyrstu ferð teir gjørdu tað, tí í novembur í fjør var hann til royndar­venjingar í júst AaB, og hevði hann tá staðið seg somikið væl, at felagið nú aftur vildi síggja hann – hesaferð við einum sáttmála fyri eygað. AaB hevur í vetur veitrað far­ væl við tríggjar verjuleikarar, og høvdu teir tískil tørv á av­loys­ ara. Pól Jóhannus spældi allar 90 min­uttirnar í báðum venjingar­ dyst­unum ímóti Blokhus FC og Viborg FF, har hann varð brúktur í miðverjuni undir liðini á fyrrverandi danska landsliðsleikaranum, Thomas Augustinussen, umframt at enn ein fyrrverandi danskur lands­liðs­leikari, Kasper Bøgelund, spældi á høgra bakki. Tað gekk eftir øllum at døma Pól Jóhannusi somikið væl hesar dystirnar, at AaB, stutt undan flyt­ ingar­vindeygað lat aftur, royndi alt hvat tað var ment at skriva sátt­ mála við hann. Og tað eydnaðist. Glyvramaðurin fekk ein sáttmála fram til kappingarársenda. – Eg eri sjálvandi væl nøgdur við at fáa ein sáttmála við AaB. Tað kundi ikki blivi betri, sigur Pól Jóhannus. Ivaðist ikki Pól Jóhannus hevur verið til royndar­venjingar í AaB í góðar tvær vikur tilsamans, men hann metir tað vera venjingardystirnir, ið hava gjørt útslagið. – Tað gekk væl til venjing, men heg haldi tað var serliga í dysti, at eg gjørdi mítt inntrykk galdandi, metir hann. AaB er eitt sigursvant felag, sum fyri bara fýra árum síðani gjørdist Danmarksmeistari. Tað er eisini kensla hansara, at hetta er eitt stórt felag. – Hetta er eitt professionelt felag við góðum venjarum og góðum spæl­arum. Umstøðurnar eru eisini sera góðar, vísir Pól Jóhannus á og staðfestir, at tað var uttan himpr, at hann tók av tilboðnum. – Tá eitt so stórt felag vil hava meg at spæla fyri seg, so ivaðist eg ikki eina løtu. Hetta er jú tað, sum eg eri farin eftir. Fer eftir spælitíð Fyri fáum árum síðani royndu Jón Rói Jacobsen og Súni Olsen seg júst í AaB. Teir fingu fitt av leiktíð, men gliðu at enda av liðnum. Pól Jóhannus hevur sjálvsagt sett sær nøkur mál við tilveruni í AaB. – Mítt persónliga mál her er at menna meg sum fótbóltsleikara og sjálvandi fáa so nógva spælitíð sum tilber, sigur Pól Jóhannus. AaB er sum nevnt eitt stórt og sigursvant felag í Danmark, og er hann tískil eisini greiður yvir, at tað skalt hart arbeiði til at fáa pláss á liðnum. – Men nú eri eg so komin inn um dyrnar og kjansurin er har. Tað verður trupult at vinna sær pláss á lið­num, nú spælararnir eru somikið góðir. Men tað fer tíðin at vísa, um eg sleppi á liðið, sigur Pól Jóhannus Justinussen at enda. AaB spælir sín fyrsta dyst hetta hálvárið 4. mars, tá ið oddaliðið FCK kemur á vitjan. Lynge væl nøgdur Navnframi ítróttarstjórin í AaB, Lynge Jakobsen, er væl nøgdur við at hava fingið Pól Jóhannus við í hópin. – Hann hevur gjørt tað gott og vakt okkara áhuga undir royndar­ venjingini, og við hesum fonginum hava vit enn størri breidd í verjuni, sigur hann við heimasíðu felagsins, og heldur fram: – Í fyrstu atløgu vildu vit gjarna skriva ein sáttmála fram til í summar, og at hann vildi velja AaB, hevur hann greidliga víst okkum undir samráðingunum, staðfestir Lynge Jakobsen. albinus@sosialurin.fo Fróði og Jákup taka eitt tørn aftrat Fótbóltur Veteranarnir eru stevndir til landsliðsvenjingar í næstu viku, og Jóannes Jakobsen veit at siga, at teir hava báðir játtað at vera tøkir hjá Lars Olsen Pól Jóhannus Justinussen í AaB: Málið er at fáa leiktíð Fótbóltur 23 ára gamli føroyski landsliðsleikarin, Pól Jóhannus Justinussen, sum í fjør spældi við íslendska Valur, skal næsta hálva árið spæla við danska superligufelagnum AaB. – Hetta er tað, sum eg eri farin eftir, sigur hann væl nøgdur um nýggja sáttmálan