mikudagur 8. februar 2012síða 27

27 Mikudagur 8. februar 2012 · Nr. 17 Sosialurin Hugskot og viðmerkingar – send sms til 225000 Ítróttur Hilmar Jan Hansen Serliga er trýstið á Mjølni stórt, tí liðið má og skal vinna dystin í Badmintonhøllini í Klaksvík í kvøld klokkan 20, fyri at varð­ veita vónina um at sleppa í FM-finaluna aftur í ár. Mjølnir hevur átta stig og er fýra stig aftan fyri SÍ og seks stig aftan fyri ÍF. Vinnur Mjølnir, eru bara tvey stig upp til SÍ og finalu­ plássið, men vinnur SÍ hin­ vegin, eru seks stig upp til bæði SÍ og ÍF, og so er eingin kapp­ing meira um at sleppa í FM-final­ ur­nar. ÍF vitjaði Fleyr í Gunda­ dalshøllini í Havn í gjárkvøldið, og har kundu fuglfirðingar vinna ein rímiliga tryggan 3-0 sig­ur á vertunum, sum høvdu minni og minni mótstøðu at geva fyri hvørt settið, ið fór. Sostatt greiddi ÍF sín setn­ ing og kann nú bara bíða eftir, hvat hendir í uppgerðini mill­ um kapp­ingarneytarnar í kvøld. Bæði SÍ og Mjølnir hava spælt tveir dystir færri enn ÍF, so ymsar forskjótingar kunnu framvegis henda á stiga­ talvuni. Aftan á dystin í kvøld eru fleiri innanhýsis uppgerðir eftir millum hesi trý fremstu, so enda­spurturin kann gerast spenn­andi. Og kanska burtur­ sæð frá dystunum ímóti Fleyr, kann alt henda í hesum dyst­ um. Fleyr - ÍF 0-3 (21-25, 15-25, 11-25) Tróndur Arge 20 ára gamli landsliðsspælarin, Jóan Símun Edmundsson, er í hes­ um døgum í Stavangur í Norra, har hann er til royndarvenjing við Viking, sum er ein møguligur nýggjur arbeiðsgevari, eftir at tofta­mað­urin síðst tvey árini hevur havt sátt­mála við enska stórfelagið, Newcastle. Eftir eitt heldur misjavnt ár í New­castle, leitar Jóan Símun Edmundsson nú eftir fyrsta­liðs­ fótbólti, tí hann hevur havt trupul­ leikar við at vunnið seg fastan á eykaliðið hjá Newcastle. Hinvegin skilst á lagnum, at tað fyri ein part eru júst avrikini á eykaliðnum, ið hava givið Viking hug til at fáa hann til Norra at royndarvenja. Venjari hjá Viking er fyrverandi norski landsliðsvenjarin, Åge Hareide, ið áður sum venjari eis­ini hevur vunnið svenska meistara­ heitið við Helsingborg og norska meistaraheitið við Rosenborg, um­ framt at hann hevur vant Molde í Norra og Brøndby í Danmark. Hann hevur góðar vónir til Jóan Símun: – Vit hava fylgt honum í eina tíð og nú vilja vit hyggja nærri at honum, sigur Åge Hareide við Aftenbladet. Sjálvur dylur Jóan Símun held­ ur ikki fyri, at Viking saktans kundi verið eitt gott boð upp á felagið, har hansara yrkisleið sum fót­bólts­ spælari kann halda fram: – Mær dámar væl felagið, sum hevur ein ungan spælarahóp, ið hevur tikið sera væl ímóti mær. Mær dámar fót­bóltin, sum lagt verður upp til her, og Viking sær út til at hava eina spæliætlan, ið hóskar mær væl, sigur hann við heimasíðuna hjá felag­num. Sáttmálin við Newcastle gong­ur út í summar og tað er ikki líkt til, at samstarvið heldur fram. Jóan Símun Edmundsson spældi ann­ ars fast á eykaliðnum, tá Peter Beardsley var venjari, men síðani Willie Donachie kom til, hevur tað ver­ið misjavnt við spælitíð. Jóan Símun til Norra Fótbóltur Jóan Símun Edmundsson, sum er til royndarvenjing í felagnum Viking í Stavanger, kennir seg væl móttiknan har og dámar væl spælistílin hjá liðnum VÆL MÓTTIKIN – Mær dámar væl felagið, sum hevur ein ungan spælarahóp, ið hevur tikið sera væl ímóti mær, sigur Jóan Símun Edmundsson um norska Viking, har hann í hesum døgum er til royndarvenjing Mynd: www.viking-fk.no ÍF gjørdi sítt Mansflogbóltur Við at vinna á Fleyr í gjárkvøldið, hava fuglfirðingar lagt stórt trýst á Mjølnir og SÍ, sum spæla í kvøld Um vikuskiftið eru teir báðir stóru steypafinaludagarnir í hondbólti, har tey vaksnu spæla sínar finalur leygardagin og tey yngru sunnudagin. Sostatt verður ítróttarhøllin á Hálsi í Havn karmur um tríggjar dystir tann fyrra dagin og ikki færri enn átta dystir tann seinna dagin. Sum vant, verða óivað nógvir áskoðarar til allar dystirnar, men eisini tey, ið ikki hava møguleika at vera á staðnum, kunnu fylgja við, tí dystirnir leygardagin verða bæði út- og sjónvarpaðir, og aftur í ár verða dystirnir seinna dagin sendir við livandi myndum á internetinum. Annars má sigast, at høvuðsstaðarfeløgini standa sterk í myndini, tá hugsað verður um, hvør hevur spælt seg í finalurnar. Serliga H71 og Kyndil við ávikavist sjey og seks liðum, eru sjónsk í so máta, og teimum á baki kemur Neistin við trimum liðum. Bygdirnar eiga seks av teimum tilsamans 22 liðunum, so VÍF og Stjørnan hava tvey lið í part við í steypafinalunum og VB og Tjaldur hvør sítt. hilmarjan@sosialurin.fo H71 og Kyndil eiga flestu liðini Leygardagin 11. februar 13.30 VB - Stjørnan . . . . . . . . kvinnur 16.00 Neistin - H71 . . . . . . . . . . menn 18.00 H71 - Kyndil . . . . . . dreingir 18 Sunnudagin 12. februar 12.50 VÍF - Kyndil . . . . . . . . gentur 10 13.35 Kyndil - H71 . . . . . . dreingir 10 14.20 H71 - Neistin . . . . . . gentur 12 15.15 H71 - Tjaldur . . . . . dreingir 12 16.10 Stjørnan - Kyndil . . . gentur 14 17.20 H71 - Kyndil . . . . . . dreingir 14 18.30 Neistin - Kyndil . . . . gentur 17 19.45 VÍF - H71 . . . . . . . . dreingir 16 Steypafinalurnar: Mynd: Álvur Haraldsen