mikudagur 15. februar 2012síða 17

17 Mikudagur 15. februar 2012 · Nr. 20 Sosialurin Hugskot og viðmerkingar – send sms til 225000 Ítróttur Pætur Albinus Í gjárkvøldið dystaðust oddaliðið KÍF og væl smurda maskinan hjá Kyndli, sum hevði vunnið tveir dystir á rað ímóti ávikavist Neist­ anum og StÍF. Kollfirðingar høvdu sterku skjúttarnar, Niklas Reginsson og Andrias Nielsen, uttan­fyri við skaðum, og tað merktist. Í einum rótutum, tó jøvn­um, fyrra hálvleiki hevði KÍF sjáld­sama soltna úrtøku og fekk bara níggju mál teir fyrstu 30 minuttirnar. Kyndil dróg á fyrsta sinni frá eftir javnleik 9-9 og slapp til hálv­ leiks á odda 11-9. KÍF vendi øllum Tað skuldu bara ganga fáir minuttir av seinna hálvleiki, tá ið KÍF vísti styrki og vann seg inn aftur á Kyndil. Serliga var tað avloysarin á vinstra bakki, Hans Eli Sigurðbjørnson, sum langaði nógvar bóltar í netið. Tá ið 10 minuttir vóru eftir av dystinum var KÍF á fyrsta sinni á odda við fýra málum, nevniliga 21- 17, og tá var dysturin í veruleikanum avgjørdur. KÍF vann dystin 23-21. Hvørgin málmaður stóð væl og høvdu teir so frægt sum bara staðið nøktandi, so høvdu enn færri mál komið. Úrslitið er eitt gott prógv um, at spælið var illa skipað og rótut. KÍF er nú við 28 stigum ikki færri enn 12 stig frammanfyri Neistan og VÍF á øðrum plássi. Kyndil er fram­ vegis aftast við tveimum stigum upp til Team Klaksvík og StÍF, sum bæði tó hava leikt ein dyst færri. albinus@sosialurin.fo KÍF: Hans Eli Sigurðbjørnson (8) Pætur Johannesen (4) Hans Áki Dal-Christiansen (3) Teitur Joensen (3) Rúni Joensen (1) Ási Dam (1) Nicklas Selvig (1) Búgvi Johannesen (1) Jákup Trygvason (1) Útvísingar: 3 x 2min. Kyndil: Miroslav Vladkov (8) Julian Johansen (5) Andrias Sólsker (2) Ludvík Súnason (2) Høgni Klein Olsen (2) Hans Arni Thomsen (1) Rógvi Dal- Christiansen (1) Útvísingar: 3 x 2min. Pætur Albinus Vantandi breiddin á Tjaldursliðnum er ikki at fara skeivur av, og teir níggju leikarar teirra á dómara­ seðlinum í gjárkvøldið runnu inn í enn eitt stórtap – hesaferð ímóti Kyndli. Tjaldur hevur ofta stór­ar trupulleikar í byrjanini, og sama søgan var hesaferð. Eftir bara smáum tíggju minuttum var Kyndil á odda 7-1, men sigast má, at heima­ liðið síðani reisti seg av álvara aftur og fekk minkað niður í 9-7. Tá kom aftur lív í Kyndil, sum fekk fimm mál á rað og at enda slapp til hálvleiks við 15-10-leiðlsu. Kyndil avgjørdi Sigurin hjá Kyndli var ongantíð í vanda og í seinna hálvleiki bygdu tær bara upp á frammanundan tryggu leiðsluna. Seinastu tíggju minuttirnar skeyt Ásleyg Súna­ dóttir heili fimm mál og var hon við til at sláa ein rimmar fastan 38-22-stórsigur á talvuna. Hóast dysturin var heldur harð­liga leiktur við ikki færri enn 11 út­vísingum, so var álopsspælið gott. Kyndil hevur nú vunnið tveir á rað og otar seg frá botnliðunum. Tær hava nú 15 stig og eru sjey stig frá einum FM-finalugevandi 2. plássi. Tjaldur hevur tað einsligt á aftasta pláss, har tær í 16 dystum bara hava vunnið sær eitt stig. albinus@sosialurin.fo Tjaldur: Adina Petrea (8) Sólfríða Pattinson (4) Dania S. Poulsen (3) Ansy Sevdal (3) Alina Olaru (2) Rannvá Jacobsen (1) Birita Absalonsen (1) Útvísingar: 5 x 2min. Kyndil: Turið Arge Samuelsen (6) Anja Heinadóttir (6) Ásleyg Súnadóttir (5) Anna Brimnes (5) Randi Wardum (4) Annika Sigurðsdóttir (3) Jórun Ludvig (2) Súsanna Petersen (2) Birita Mortansdóttir (2) Bjarta O. Johansen (1) Bára K. Hansen (1) Benadikta Johannesen (1) Útvísingar: 6 x 2min. Tjaldur aftur avhølvað Hondbóltur Kyndil hevði ongar trupulleikar í Runavík í gjárkvøldið og við 38-22-stórsigri ota tær seg nú frá botnliðunum Tjaldur - Kyndil 22-38 (10-15) KÍF - Kyndil 23-21 (9-11) Kyndil argaði til fánýtis Hondbóltur Kyndil við vindi í seglunum var um at koppa oddaliðnum KÍF í gjárkvøldið, men kollfirðingar vendu gongdini í seinna hálvleiki og við 23-21-sigri halda teir rimmar fast um oddasessin