mikudagur 7. mars 2012síða 30

Mikudagur 7. mars 2012 · Nr. 29 30 Sosialurin Hugskot og viðmerkingar – send sms til 225000 Ítróttur Pætur Albinus Tað hoyrir til undantakið meiri enn regulin, at stríðsval er um for­ mans­sessin í einum føroyskum fót­bóltsfelag. Í so máta var mána­ kvøldið eindømi í skjótt 83 ára gomlu søguni hjá ÍF Føroyum. Tveir mans bjóðaðu seg fram sum for­menn. Talan var um 32 ára gamla fugl­firðingin Birgar Larsen, og 29 ára gamla Ingibjørn Johannesen úr Sandavági. Ingibjørn var frammanundan partur av nevndini hjá ÍF Føroyum og hevði virkað sum formaður, meiri ella minni, seinasta árið. Tí var tað púra natúrligt, at hann bjóð­ aði seg til at taka yvir eftir Petur Niclasen, sum ikki hevur stundir at røkja formanssessin long­ur. Hesum boðaði Ingibjørn frá á ársfundi felagsins í januar. Á sama fundi boðaði Birgar Larsen frá, at hann eisini gjarna vildi røkja for­mans­ sessin og soleiðis var lagt upp til stríðsval í felagnum fyri føroyskar fótbóltsútisetar, sum telur umleið 100 limir. Á aðalfundinum mánakvøldið var tó lítil ivi. Ingibjørn fekk tær allar flestu atkvøðurnar og varð so­leiðis formelt valdur til formann í fótbóltsdeildini hjá ÍF Føroyum hetta kvøldið. Fegin formaður Ingibjørn Johannesen fegnast sjálv­sagt, nú hann er formaður í ÍF Føroyum. – Seinasta árið ella so havi eg røkt fleiri av formansuppgávunum. Hesa tíðina hevur nevndin verið ógvuliga væl skipað, vit hava havt eitt skilagott arbeiðsstev og eitt greitt uppgávubýti. Tí fegnist eg av sonnum um álitið limir okkara hava víst mær og okkum í nevndini, soleiðis at vit sleppa at halda áfram við arbeiðinum og ætlanunum, vit hava, greiðir Ingibjørn frá. Arbeiðið, Ingibjørn sipar til, er fyrst og fremst at skaffa felagnum fleiri stuðlar, soleiðis at tað hvílir betri fíggjarliga. ÍF Føroyar hevur svørt tøl á botnlinjuni, men, sum formaðurin tekur til, so skal hvør einasta króna vendast. – Hetta hevur nevndin dugað ómetaliga væl seinasta árið. Men felagið er framvegis tengt at hvørj­ um einasta stuðli, og tí skal stórur partur av okkara orku nýtast her, greiðir Ingibjørn Johannesen frá. Fokus á samskifti Men kreftir skulu eisini nýtast á øðrum frontum. Nevndin ynskir at styrkja um samskifti hjá felagnum, bæði samskiftið innanhýsis og úteftir. – Seinasta árið eru vit vorðin meiri sjónlig í føroyskum fjøl­miðl­ um. Vit merkja ein stóran áhuga fyri felagnum úr Føroyum, og her ynskja vit at verða uppaftur betri. Somuleiðis ynskja vit eis­ini at styrkja samskifti millum nevnd­ ina, venjarar og limirnar, soleiðis at eingin ivast í ynskjunum og ar­beið­ inum, vit hvør í sínum lagi leggja í felagið, sigur nývaldi formaðurin. Eitt felag í framgongd Tað er ikki bara nevndin og nýggi for­maðurin, sum fara undir eitt nýtt kappingarár. Um ikki so langa tíð fara liðini, ÍF Føroyar fevnir um, øll í eldin. – Vit hava seks lið, sum er eitt meiri enn í fjør. Hesi hava øll staðið seg væl ítróttarliga, og tað fegnast vit sjálvsagt um. Flestu venj­ararnir frá í fjør halda eisini áfram, og tí bæði vóna og vænta vit, at ítróttarliga menningin heldur áfram, sigur Ingibjørn Johannesen at enda. albinus@sosialurin.fo Fótbóltur Ingibjørn Johannesen er nýggjur formaður í føroyska fótbóltsfelagnum í Keypmannahavn. Sum formaður er hansara aðalmál at virka fyri, at felagið hvílir fíggjarliga og størri dentur verður lagdur á samskifti Útisetafelag í framgongd ÍF Føroyar er framvegis tengt at hvørjum einasta stuðli. Tí fer nevndin at brúka nógva orku til at tryggja felagið fíggjarliga Góðar kreftir ÍF Føroyar telur nógvar góðar mans. Her er fyrrverandi B36- leikarin Jóhan V. Gunnarsson í dysti fyri útisetafelagið Leikandi formaður Umframt at vera formaður er Ingibjørn Johannesen eisini virkin í verjupartinum á vøllinum Myndir: Rólant Waag Dam