mánadagur 12. mars 2012síða 10

Mánadagur 12. mars 2012 · Nr. 31 10 Sosialurin Hugskot og viðmerkingar – send sms til 225000 Nøvn Fríggjadagin 16. mars 2012 fyll­ir pápi okkara, Terje Vest­ er­gaard 70 ár. Pabba er føddur og upp­ vaksin í Hørg í Sumba, Son­ ur Dánjal Johan og Onnu Sofíu Vestergaard í Hørg. Pabba er næstelstur í ein­ um systkinaflokki av 5, hini systkini eru Brynjolf, Ing­ vard, Páll og Eybjørg Í 1960 møtti pabba mammu okkara, Emly, dóttir Mart­in og Elsebeth Olsen í Vági. Tey giftust í 1963 og fingu fyrstu dóttrina, Joan. At lívið ikki altíð lagar seg sum ein ætlar, fingu pabba og mamma skjótt at sanna, tá Joan andaðist stutta tíð eftir at hon var fødd. Hetta tók tó ikki mótið frá teimum, og 21 mánaðir seinni man gleðin hava verið stór, tá tit aftur fingu eina Joan. Tit búsettust síðani í Kerinum í Sumba, í barnaheiminum hjá ommuni, Onnu Sofíu, og fingu tvíburðarnir Eydnu og Anniku og seinni sonin Terja.   Í stóru andaligu vekingini í seinnu helvt av 70’árunum, komu pabba og mamma til per­sónliga trúgv á Jesus, og fekk hetta ein avgerandi týdning og ávirkan á fram­tíð teirra og okkara. Tey gjørd­ ust íðin í arbeiðinum í missi­ ónshúsinum í Sumba, og gekk pabba m.a. á odda fyri at seta kjallaran í missiónshúsinum í stand, og gjørdist seinni eis­ ini formaður í missións­hús­ inum. Tá Pabba og mamma í 1989 fluttu inn á Skála­fjørðin, gjørdust tey ein partur av samkomuni Keld­uni í Skála­ firði. Vit børn og barnabørn teirra hava eisini fylgt teim­ um eftir, og eru eisini virkin innan trúarlívið bæði her heima, og í útlondunum, so ikki kann sigast annað, enn at træið hevur borið miklan ávøkst.  Pabba var eisini íðin limur í Framburðsflokkinum, og var virkin har øll árini, líka til Kristiligi Fólkaflokkurin datt niður fyri. Pabba var eisini íðin í stríð­num fyri at fáa berghol til Sumbiar. Hetta var serliga aftan á ræðandi hendingina, har skúlabussurin fullur av skúlabørnum, var tikin av vindi sumbiarmegin Hestin, á veg til Vágs skúla.    Barnaárini hjá pabba í Sumba, vóru sum hjá dreingj­ um flest tá á døgum, merkt av stórfingnu náttúruni, hav­ inum, bjørgunum, haganum osfr. og hevur hetta altíð verið ein týðandi partur av lívi hansara.   Í 1956 fór pabba til sjós fyri fyrstu ferð, einans 14 ára gamal. Hetta var við Vágs sluppini, Maritanu, ella vanliga nevnd Martena. Hesin fyrsti túrurin gekk til Íslands at royna við snøri, men longu árið eftir fekk Maritana, sum eitt av fyrstu skipunum í Føroyum, snellur umborð. Hetta, fyrst at up­ pliva endan á slupptíðini, og síðani at verða við til eitt av stóru frambrotunum í føroysku fiskivinnuni, má metast at vera forkunnugt. Í 1959 skuldi okkurt ann­ að roynast, og fór pabba til Vestmannaoyggjarnar at royna við gørnum, við ís­ lendskum garnabáti. Seinni sama ár, var hann eisini við týskum sildabáti í Norð­ sjónum, og tá hesin túrurin var liðugur, endaði hann árið, sum portørur á Nørre hospital á Nørrebrúgv í Keypmannahavn. Tað var tó havið sum dró, og fyrst í 60’unum fór pabba aftur til Íslands at royna við gørnum, hesaferð  út frá Sandgerði. Hetta árið var pabba eisini onkran túrin við Norska línubátinum Mels­ horn undir Grønlandi. Í fyrru helvt av 60’unum, var Pabba eisini við Vágs skipunum Magnusi á Gørðunum og Óla Horn. Millum túrarnar lá pabba heldur ikki á latu síðuni, men fekst nógv við útróður, og sigst hann at hava fiskað størstu kalvaflundru, sum fingin er í Sumba, hon vá 248 pund og var fiskað við snellu á Sumbiargrynnuni. Í Seinnu helvt av 60’un­ um, fór Pabba upp á land at arbeiða, har hann m.a. ar­ beiddi hjá Danberg og Sør­ ensen, og var við til at byggja stásiliga flakavirkið í Vági, Polarfrost.  Í 1970 keypti Pabba saman við brøðrunum 20 tonsaran, Havalduna, sum teir fyrstu tíðina nýttu til útróður, og seinni til brugduveiðu. Í seinnu helvt av 70’unum, fór Pabba at arbeiða upp á bilar, og arbeiddi fyrst á bilverkstaði í Vági í nøkur ár, og byrjaði fyrst í 80’unum egið lakk verkstað í Sumba. Í seinnu helvt av 80’unum, fór Pabba saman við øðrum sumbingum í gongd við at ala smolt í Víkabyrgi, og gjørdist alivinnan yrki hansara fram til dagin í dag.   Í 1989 flutti Pabba og mamma inn á Skálafjørðin, har hann kom í starv í aling­ini hjá Bakkafrost á Glyvrum. Í 2000 fekk Pabba boði arbeiði hjá danskari alifyri­ tøka í Holstebro í Danmark, har hann skuldi arbeiða í eitt hálvt ár, men væl man hava verið arbeitt, tað hálva árið gjørdist til 5 ár.  Afturkomin á klettarnar fekk Pabba starv á smolt­ støðini hjá Marine Harwest á Hellunum, har hann starvast enn og er hetta eitt starv, sum pabba hevur verið sera takksamur og glaður fyri. At Pabba er ein álitis­mað­ ur, sum í øllum hann fæst við vísur hegni og trúfesti, man fáur, sum hevur starv­ ast saman við honum ivast í. Eisini sæst hetta aft­ur í stásiligu húsunum í Skála­ firði, sum hann keypti og bygdi fullkomiliga um, tá tey fluttu aftur til Føroyar. Pabba hevur eitt stórt hjarta fyri øðrum menn­iskj­ um, og man hansara lætta og skemtingarsama lyndi, og hansara útrætta og hjálp­ sama hond, mangan hava verið øðrum til gleði og sign­ ing, og eru tey eisini mong, sum halda nógv av honum. At Pabba er sera familju­ kærur, er ongin av okkum sum ivast í og trívast abba­ børnini væl við hansara lið. Góði pabba, tú ert ein mað­ur, sum hevur stríðst og syrgt væl fyri okkum, og hevur æruna, saman við mammu, fyri at vit eru tey sum vit eru í dag. Fyri okkum og mammu hevur tú verið ein góður maður, pápi, abbi og nú eisini langabbi, og eru vit øll sera takksom fyri alt tú hevur verið og ert fyri okkum. Vit gleða okkum at halda dagin saman við tær og mammu , og vóna at vit fáa nógv góð og rík ár saman við tykkum framyvir. Føðingardagurin verður hildin í matstovuni í Kelduni í Skálafirði fríggjakvøldið 16 mars kl. 19.00, har øll eru hjartaliga vælkomin. Vónandi verða mong, sum nýta høvið at heiðra Pabba saman við okkum, og vóna vit at síggja fleiri av bygda og oyggjafólkum hansara eisini. Góði Pabba vit vilja ynskja tær hjartaliga tilluku við degnum, og heilsa tær við hesum lívgandi orðum úr Jesaja 46, 4  “Alt at ellisárum eri eg hin sami; eg beri tykkum, til hárini á tykkum grána; eg lyfti og fari undir tykkum, eg beri og bjargi tykkum.”   Børnini  Joan, Eydna, Annika og Terje v/familjum Terje Vestergaard 70 ár 16. mars Ein heilsan til pabba  Tøkk Øllum tykkum, ið sýndu samkenslu, tá ið okkara kæra og góða kona, mamma, vermamma, omma og langomma Brynhild Marie Næs andaðist og varð jarðað, senda vit bestu takk. Vit takka fyri ta tignarligu hátíðarløtuna í Fuglafjarðar kirkju á veg til Havnar og tann hátíðarliga dámin við sálmasangi og tónleiki jarðarferðardagin í Dómkirkjuni. Vit takka fyri minnisgávur til KFUK, blómur, samtalur, brøv, vitjanir og annars samkenslu á ymsan hátt. Takk øll, sum fylgdu henni og sum høvdu okkum í huga. Vegna tey avvarðandi Johannes Unna, Martin, Uni og Julianna Andlát Kunngjørt verður fyri ætt, vinum og kenningum, at kæra kona, mamma, vermamma, omma og langomma okkara Mathilda Poulsen Klaksvík andaðist í heiminum 9. mars, 89 ára gomul. Kistan fer úr kapellinum á Klaksvíkar sjúkrahúsi mánadagin kl. 18.00. Jarðarferðin verður úr Betesda (við Klaksvíksvegin) týsdagin kl. 13.00. Fríðrik, Maria, Jóhan og Dánjal við familju. tey, ið vilja minnast Mathildu, kunnu lata eina gávu til Zarepta, konta í peningastovnunum.