fríggjadagur 23. mars 2012síða 30

Fríggjadagur 23. mars 2012 · Nr. 36 30 Sosialurin Hugskot og viðmerkingar – send sms til 225000 Ítróttur Fríggjadagin fer føroyska mans­ landsliðið í borðtennis til Dortmund í Týsklandi, har tað í døgunum 25. mars til 1. apríl skal luttaka í HM fyri lið. Teir tríggir, sum manna før­ oyska landsliðið, eru Fróði Fríðason Jensen, Pætur Albinus og Hallur Thorsteinsson. Teir spæla allir við borð­tennisfelagnum Tór í Havn. Venjarin vil vinna Hetta er fyrsta ferðin í næstan 30 ár, at føroyska landsliðið luttekur í HM fyri lið. Teir spæla tískil í aftasta bólkinum, sum er hin fimti. Lands­liðsvenjarin hjá føroyska landsliðnum, svenski Jan Berner, hev­ur góðar vónir um at fáa eitt gott úrs­lit við sær heim úr Týsklandi. – HM fyri lið er tann størsta og besta kappingin, vit kunnu luttaka í. Vit fáa nógvar liðdystir ímóti liðum á sama støði sum vit, so hetta er ein umráðandi kapping fyri okk­ um. Eitt gott mál er at vinna hesa fimtbestu deildina. Um ikki í ár, so næstu­ferð, sigur hann. Fyrireikingin í lagi Teir tríggir føroysku landsliðs­leik­ ararnir hava fyrireikað seg til hesa kappingina við at hava luttikið í næstbestu deildini í Noregi. Har er sama skipanin sum í HM og hava teir tískil fyrireikað seg væl sum eitt lið. – Støðið á teimum aftastu lið­ unum verður betri og betri og øll liðini kunnu spæla væl. Stóri munurin er í servu- og mót­tøku­ spælinum, og fyri at hesin parturin av spælinum skal vera í lagi, er tað umráðandi at spæla nógv uttan­ lands ímóti øðrum leikarum, sigur føroyski landsliðsvenjarin um fyri­ reikingarnar, liðið hevur havt. Pætur Albinus Tað var H71, sum frá dystar­ byrjan var best og við kvikum álopsspæli flutti tungu verjuna hjá Neistanum runt. Teir løgdu seg á odda 3-0 áðrenn Neistin á fyrsta sinni eftir seks minutt­ um kom á máltalvuna. H71 hevur fleiri leikarar, ið eru lættir á fótum, og hesum høvdu teir úr Neistanum trupul­leikar við. Tað høvdu teir eisini av Bogdan Flrorea, sum eins og van­ligt er langaði fleiri lang­ skot í netið. Tað var ikki fyrr enn Neistin valdi at mansverja Bogdan, at teir gjørdu seg inn á flogið hjá H71, komu inn aftur í dystin og javnaðu til 6-6. H71 skuldi tó bara brúka eina løtu at finna seg sjálvar aftur og komu teir skjótt á odda 10-7. Neistin hevði stórar trupul­ leikar við at fáa álopsspælið á glið. Stuðulsleikararnir tóku ikki ábyrgd og verjan hjá hoy­ víkingum stóð stinn. Løtuna til hálvleiks dovnaði H71 nakað, samstundis sum Neistin fekk álopsspælið at koyra og javnaðu teir til 12-12, áðr­enn H71 aftur fekk seinasta orðið í fyrra hálvleiki og slapp til hálv­leiks við 13-12-leiðslu. Neistin vendi Í seinna hálvleiki fekk Neistin fyrsta málið og fylgdust liðini til 17-17, tá ið Bartal T. Kamban í málinum hjá Neistanum tók alt og loyvdi liðfeløgum sínum á odda heili 22-17. H71-venjarin var illa nøgdur og tók eitt time- out, sum munaði væl. Løtu seinni høvdu teir nevniliga mink­að niður í 22-23 og vunnu teir enntá tveir munittir í undir­tali við 2-0. H71 helt seg allatíð eitt mál aftanfyri Neistan, men at enda helt ikki longur og Neistin vann dystin 31-28. Við sigrinum verður H71 verandi tvey stig aftanfyri VÍF, men hevur sunnudagin møgu­ leikan at leggja seg ájavnt við tær, tá ið teir skulu á vitjan hjá Kyndli. Neistin er nú bara tvey stig aftanfyri H71 og kann – somuleiðis sum teir sjálvir vinna – dúva upp á at H71 og VÍF snáva. albinus@sosialurin.fo H71 - Neistin 28-31 (13-12) H71: Bogdan Florea (9) Dánjal Tórgarð (5) Poul Kjartan Dam (3) Rógvi Sørensen (2) Esbern Patursson (2) Bogi G. Davidsen (2) Sigmundur Nolsø (2) Rúni Højgaard (2) Útvísingar: 3x2min. Neistin: Josef Abrahamsen (8) Heini Hanusarson (6) Jugoslav Djumic (6) Finnur Hansson (3) Teitur Magnusson (3) Jákup Apol (2) Andras Joensen (2) Sjúrður Thomassen (1) Útvísingar: 3x2min. Pætur Albinus Tað stendur nógv upp á spæl, nú Pál Joensen hósdagin saman við restini av donsku OL-kandidatunum skal svimja Danish Open í Bellahøj Svømmestadion. Pál skal eitt nú royna at tryggja Danmark eitt lið í 4x200 frí við OL í summar. – Tað krevur eina rúgvu. Ikki bara av Páli, so tað verður spennandi at síggja, um tað gongur, sigur venjari hansara, Jón Bjarnason. OL-atgongumerkið Tað er somuleiðis í hesari kapp­ ingini, at Pál Joensen endaliga skal tryggja sær atgongumerkið til OL í London í summar. – Annars skal hann testa dystar­ formin. Hann er ikki heilt hvíldur, men rímiliga nógv, so hann eigur at kunna svimja nokk so skjótt. Per­ sónliga eri eg mest spentur upp á um hann svimur undir 15min. í 1500m sunnudagin. Annars skal hann »bara« svimja undir 15:25 fyri at endaliga tryggja sær sítt OL- pláss, vísir Jón Bjarnason á. Danish Open er viðurkend sum kvali­fikatiónskapping til OL av altjóða svimisambandinum, FINA, og er tað tískil ein sera týdn­ingar­ mikil kapping fyri allar svimjarar, ið skulu svimja seg til tær stóru kapp­ ingarnar uttanlands – harav eisini OL. Ikki færr enn 330 svimjarar úr 10 londum eru tilmeldaðir til kapp­ ingina. Magnus eisini við Við í kappingini er eisini 17 ára gamli havnardrongurin, Magnus Jákupsson. Hann er fyrst og fremst við fyri at svimja góðar tíðir undan EM fyri juniorar seinni í ár. – Alt byrjar við einum dreymi, og Magnus torir at droyma. Tað næsta er at ein hevur trúgv upp á egin evnir, og tað hevur Magnus eisini. OL hevur ikki fyrstu raðfesting, og tað er so 100% víst eitt mega bonus, um hann skuldi svomið so skjótt, men hetta er fyrst og fremst fyri at svimja nakrar góðar tíðir og gera seg kláran til EM fyri juniorar í summ­ar, sigur Jón Bjarnason. Tað eru nú liðin fýra ár síð­ani Føroyar vann síni fyrstu heiðurs­ merki til EM fyri juniorar, tá før­ oysku svimjararnir vunnu trý gull. Magnus kann vera tann, ið lyftir henda arvin. – Magnus er óivað besta boðið upp á ein, ið kann fáa heiðursmerki. Hann var í hálvfinaluni síðsta ár sum yngsti junior (ein er junior í tvey ár). Eg veit, at danir síggja øgiliga nógv í honum og venjari hans­ara, Mick Steen, rósar honum sera nógv, sigur Jón Bjarnason. albinus@sosialurin.fo Neistin er við aftur Hondbóltur H71 sá leingi út til at vinna sær tvey umráðandi stig í harða FM-stríðnum, men Neistin vendi øllum og er við 31-28-sigri á hoyvíkingum nú við at blanda seg upp í aftur Borðtennislandsliðið til HM fyri lið Borðtennis Hetta vikuskiftið og vikuna fram skal føroyska manslandsliðið í borðtennis luttaka í HM fyri lið í Dortmund, Týsklandi Pál skal bjarga Danmark Svimjing Um vikuskiftið luttekur Pál Joensen í Danish Open, har hann eitt nú skal royna at svimja eitt danskt landslið í 4x200m frí til OL. Eisini Magnus Jákupsson er við í kappingini