fríggjadagur 23. mars 2012síða 38

nr. 36 · 23. mars 2012 6 VIKUSKIFTI TIPS FRÁ barbaru barbara@sosialurin.fo Lat teg forføra av tí etniska Make-Up Store er etniskt Ein av førandi smyrslhandlunum í Føroyum, Make-Up Store í Havn, hevur kunngjørt eina nýggja várkollektión, har tað etniska veruliga kemur til sín rætt. Kollektiónin inniheldur eitt nú ein ljósabláan eyelinara. Ein grønan, ein bláan og ein vínreyðan eygnaskugga. Eina knallreyða varrastift og lipgloss, og eina vínreyða lipgloss. Setur tú hesar litir saman, so fært tú avgjørt ein etniskan stíl. Grøni eygnaskuggin og vínreyða varrastiftin hóska seg ógvuliga væl til tey vøkru várkvøldini, meðan reyða lipglossin og blái eyelinari rigga væl til gerandisdagin. Set hesar litir saman sum tær lystir, tí allir hóska seg væl til vársins móta innan smyrsl. Várið er í hondum, og nú skulu vit hugsa etniskt! Serfrøðingarnir ráða okkum til at lata okkum forføra av tí etniska stílinum, og alt frá smyrsl til taskur er gjørt við íblástri úr latínamerikanska lookinum Blanda allar hugsandi litir Tað ber illa til at hugsa um etniskan stíl uttan nógvar litir. Og soleiðis er eisini hesaferð. Tú kanst seta allar hugsandi litir av smúkkum saman, og soleiðis skapa eitt etniskt look. Við stórum armbondum, ógvusligum hálsprýði, og ovurstórum oyralokkum kanst tú uppnáa ein fullkomnan etniskan stíl. Glimmur í miðbýnum í Havn hevur stórt úrval av smúkkum, og her kanst tú bíliga keypa tær smúkkur, sum hóska til vársins rák. Stórar taskur Stórar taskur hava verið á marknaðinum leingið, men í vár fáa taskurnar størri rúmd. Stórar, litríkar taskur, við frynsum og nógvum prentið hóska seg væl til vársins rák. Prent av alskyns slag Mest sum allir mótahandlar eru á tremur við klæðum í sterkum litum, og við nógvum prenti. Grønt, fersku, gult og blátt dominera, og tú kanst passandi seta fleiri litir saman í vár. Tummilfingur reglan er, at tú kanst seta tveir sterkir litir saman við svørtum, hvítum ella øðrum neutralum litum Flættur og toppar Hármótin er eisini merktur av etniska rákinum, og tí eru flættur og toppar nógv at síggja. Tú kanst flætta fleiri tilvildarligar flættur, ella seta hárið upp í ein topp høgt á høvdinum, og ert tú djørv, so kanst tú eisini nýta ymiskt prýði til hárið. Eitt nú eru harboylar við fjaðrum í nógv frammi. Haraftrat ber til at nýta eitt tunt turriklæði um høvdið, og soleiðis fáa etniska stílin í hárið eisini.