mánadagur 26. mars 2012síða 22

Mánadagur 26. mars 2012 · Nr. 37 22 Sosialurin Hugskot og viðmerkingar – send sms til 225000 Ítróttarblaðið Uni Holm Johannesen Tað var í seinastu minuttunum, at H71 staðfesti munin millum oddaliðið og botnliðið í høllini á Hálsi í gjár. Treisku heimamenninir úr Kyndil vóru knáir, men orkan gekk undan eftir steðgin, og tá struku gestirnir úr Hoyvík avstað. Í H71 vóna tey, at endaspurturin upp á landskappingina fer at hilnast eins væl sum í gjár. KÍF, VÍF og StÍF. Tað eru liðini, sum hoyvíkingar skulu royna at basa næstu vikurnar. Treytirnar eru í øllum førum greiðar. Eydnast tað, so skulu hoyvíkingar spæla finalurnar um føroyameistaraheitið móti kollfirðingum. Tann mest umráðandi dysturin, sum H71 hevur illa ráð at tapa, er í Vestmanna móti VÍF tann 5. apríl. Vestmenningar eru á øðrum plássi við sama stigatali sum hoyvíkingar. Vunnu greitt Men ein dyst í senn. Tað er mest sum høvuðsreglan í ítrótti, um tú skal trúgva ítróttarfólkunum, sum bera síni sjónarmið fram í fjølmiðlunum. Hesaferð var Kyndil, sum hevur havt soltna stigaúrtøku í hesum kappingarárinum, mótstøðuliðið. Grønlittu havnarmenninir hava enn ikki fingið stig móti teimum ovastu liðunum, og avrikið í gjár vísti eisini, at tað restar nakað í, áðrenn Kyndil kann bjóða landsins bestu av. H71 hevði neyðuga yvirskotið í seinna hálvleiki, og tá var lítið um heimamenninar. Hoyvíkingar vunnu við sjey málum, 29-22. Tað var serliga Dánjal Tórgarð, sum skaraði framúr í álopsspælinum hjá H71. Hann gekk undan við sínum níggju málum. Tað var serliga fyri hvíldina, at Tórgarð stóð seg væl. Nakað, sum var neyðugt, fyri at varðveita tepru leiðsluna. 11 dagar Bæði H71 og VÍF skulu spæla móti KÍF í næstum. Kollfirðingar kunnu sostatt eiga virkan lut í tætta stríð­ num um hitt finaluplássið. Tapir KÍF fyri øðrum av liðunum, so fær tað vinnandi liðið ein stóran fyrimun. Øll stig eru kærkomin. Um seks dagar, tann 1. apríl, vitja kollfirðingar í Hoyvík. Men tað er fýra dagar seinni, tann 5. apríl, at VÍF og H71 bresta saman. Tá verður stóra brakið í Vestmanna. Hondbóltur H71 greiddi sín setning hesaferð og vann við sjey málum á botnproppinum Kyndil. Nú eru bara trý umfør eftir at spæla. Tað verður tó serliga ein landskappingardystur í Vestmanna tann 5. apríl, sum verður avgerandi fyri vestmenningar og hoyvíkingar Stóra brakið verður tann 5. apríl Sjey stig skiltu Kyndil og H71 tá avtornaði. Hoyvíkingar hótta framvegis VÍF, sum er nummar tvey. Liðini eru ájøvn í stigum Uni Holm Johannesen KÍF hevur verið stórspælandi alt kappingarárið, og tað eru nú nakrar vikur síðani, at liðið vann sær sæti í finalunum um føroyameistara­ heitið. Jan Ottesen, venjari, hevur tískil brúkt tíðina at fyrireika liðið til avgerandi dystirnar um gullið. Eftir dystinum í gjár at døma, so eru kollfirðingar komnir væl áleiðir. Teir vundu burturúr StÍF við at vinna við heili 22 málum, 40-18. Skrædnaði móti endanum Kollfirðingar vunnu sær greiða leiðslu beinanvegin, og spurningurin var allatíð, hvussu trivaligur sigurin fór at vera. Hans Eli Sigurbjørnson gjørdi sítt fyri, at heimaliðið skuldu vinna størsta sigurin í hesum kapp­ ingarárinum. Hann stóð fyri 10 av málunum. Munurin øktist støð­ugt millum liðini, men tað var ikki fyrr enn miðskeiðis í seinna hálvleiki, at tað av álvara skrædnaði millum liðini. KÍF fekk 17 mál hesa løtuna, og gestirnir fingu bara seks mál. Kunnu ávirka Tað verður annaðhvørt VÍF ella H71, sum skal spæla finalurnar móti KÍF. Og kollfirðingar standa ikki heilt uttan ávirkan, nú mótstøðu­ liðið skal finnast. KÍF skal spæla móti báðum liðunum næstu vikur­ nar. Bæði vestmenningar og hoy­ víkingar hava stóran tørv á hesum stigunum. Hondbóltur Tað var lítið hugaligt at vera StÍF-viðhaldsmaður í Kollafirði í gjár, tá StÍF varð bukað av KÍF. Kollafirðingar vunnu við heili 22 málum í gjár. Tað var størsti sigurin í hesum kappingarárinum Kollfirðingar eyðmýktu StÍF Kyndil – H71 22-29 (13-14) Kyndil: Ken Zachariasen 5, Høgni Klein Olsen 4, Ludvík Súnason 4, Andrias Sólsker 3, Julian Jónsson Johansen 2, Frank Askildsen 2, Torvald Abrahamsen 1, Kristoffur Kristoffersen 1. H71: Dánjal Tórgarð 9, Bogdan Florea 7, Rógvi Sørensen 4, Rúni Højgaard 4, Hans Kári Hansen 2, Sigmundur Nolsø 2, Sigmundur Dahl 1. KÍF – StÍF 40-18 (16-6) KÍF: Hans Eli Sigurbjørnson 10, Nicklas Selvig 7, Jákup Trygvason 6, Ási Dam 4, Andrias Nielsen 3, Teitur Joensen 3, Poul Finnur Egholm 3, Rógvi Weyhe 2. StÍF: Allan Norðberg 9, Steinar Prestá 2, Jørmund Joensen 2, Fríði R. Djurhuus 1, Pætur Joensen 1, Jógvan G. Joensen 1, Remus Petrea 1, Marius Joensen 1.