mikudagur 28. mars 2012síða 16

Mikudagur 28. mars 2012 · Nr. 38 16 Sosialurin Hugskot og viðmerkingar – send sms til 225000 Sólarmyrkingar-eldhugað gera seg klárar til 2015 SÓLARMYRKING 20. mars í 2015 verður løtan har Føroyar veruliga verða kendar kring allan heimin. Tí júst tann dagin verður full sólarmyrking í Føroyum. Longu nú gera amerikansk sólarmyrkingar- eldhugað seg klár at koma til Føroya í hópatali í mars 2015 Heri Simonsen Paul Swart úr deilríkinum Oregon og Aram Kaprelian úr deil­ríkinum, Arizona í USA vóru við einum fleiri­ tjóða ferðaliði, sum vitjaði í Føroyum farna vikuskiftið. Kent Christensen frá 62 Norður hevur verið ferða­ leiðari hjá hesum serliga ferða­lið­num av sólar­myrk­ ingar-entusiastum, sum vilja tryggja sær, at alt er væl fyri­reikað og klárt, tá teir koma aftur til Føroya í mars 2015, fyri at síggja ta fullu sólar­myrkingina, sum kann upplivast í Føroyum tann 20. mars í 2015. Aram Kaprelian greiðir soleiðis frá í Rásarúminum í Miðlahúsinum: – Um trý ár verður talan um eina fulla sólarmyrking, sum tað ber til at uppliva kring allar Føroyar. Vit í ferða­lagnum eru her í Før­ oy­um í góðum samstarvi við okk­ara góðu vinir í 62 Norður, Kent og Mariu, sum hava tikið sær so væl av okkum. Kent og Maria hjálpa okkum at gera ymiskar kanningar í samband við, at vit hava ætlanir um at fáa eitt stórt ferðalið av fólki úr øllum heiminum til Føroya, sum vilja sleppa at uppliva ta fullu sólarmyrkingina í 2015, greiðir Aram Kaprelian frá. »Eclipse-chasers« er heitið, Aram Kaprelian brúkar um seg sjálvan og øll hini, sum koma til Føroya at uppliva ta fullu sólarmyrkingina. – Talan er um fólk, sum ferðast kring allan heimin fyri at uppliva sólar­myrk­ ingar. Tey koma tó ikki bara fyri at uppliva sólar­myrk­ ingar. Tey ferðast eisini til tey ymisku londini, har sólar­ myrkingarnar henda, fyri veru­liga at uppliva hesi lond­ ini. Vit hava verið í Turka­ landi, Suður-Afrika, libysku oyði­mørkini, og nú fara vit so til eitt stað, sum nevnist Før­oyar, fyri at uppliva eina fulla sólarmyrking um trý ár, sigur Aram Kaprelian. Full sólarmyrking ger Føroyar kendar Spurdur um hann hevði hoyrt um Føroyar, áðrenn ta fullu sólarmyrkingina, svarar Aram Kaprelian: – Tað er møguligt, at eg havi hoyrt um Føroyar áður, men tað hevur verið ógvuliga lítið. Paul Swart staðfestir, at tann fulla sólarmyrkingin fer at gera Føroyar kendar kring heimin. – Tann fulla sólar­myrk­ ingin kann eisini upplivast á Svalbard, so tað verða bert tvey støð, har hon kann upp­ livast, nevnliga Svalbard og Føroyar. Vit í ferðalagnum eru ógvuliga hugtiknir bæði av Føroyum og av Svalbard. Vit meta, at vit kunnu bera so í bandi, at fleiri hundrað fólk koma til Føroya, fyri at uppliva sólarmyrkingina. Við í ferðalagnum hjá okk­ um hesaferð er ein japanari, sum væntandi fer at standa á odda fyri einum japonskum ferðaliði, sum kemur higar í mars 2015. Vit hava fólk úr Evropa, Avstralia, snøgt sagt úr øllum heiminum, sum eru áhugað at koma til Før­oya, fyri at síggja ta fullu sólar­ myrk­ingina. Byggja nakað upp rundanum hendingina Í tíðarmáli kemur tann fulla sólarmyrkingin einans at vara hálvantriðja minutt. – Fólk skipa fyri slíkum ferð­um fyri at uppliva eina ser­staka hending, sum bert varir hálvantriðja minutt, men vit ætla at byggja nakað upp rundan um teir hálvu­ triðu minuttirnar, sum tann fulla sólarmyrkingin kemur at vara. Vit ætla sanniliga at uppliva náttúruna og ment­ an­ina í Føroyum. Vit ætla at fara ein túr á rossabaki, vit ætla at fara fjalltúrar, og vit ætla at síggja øll tey vøkru støðini, sum Kent frá 62 Norður hevur víst okkum. So hetta er ein eina­stand­ andi møguleiki at upp­liva heimin á ein nýggjan hátt. Talan verður ikki um eina van­liga turistferð, staðfestir Aram Kaprelian. heris@sosialurin.fo Amerikonsku sólarmyrkingar-fjepparar, Paul Swart og Aram Kaprelian í Ras2