mikudagur 28. mars 2012síða 20

Mikudagur 28. mars 2012 · Nr. 38 20 Sosialurin Hugskot og viðmerkingar – send sms til 225000 Vit berjast móti 8 ára hugsjónarloysi og høgrapolitikki – og sanniliga er seiggj í andstøðuni! Høgni Hoydal Jóannes Eidesgaard eftir­lýs­ ir í tíðargrein meira buld­ur og hugsjónarligt víggj frá andstøðuni, og saman­ber undirritaða og Aksel V. Jo­ hannesen við sunnu­dags­ skúladreingir. Stuttligt at síggja Jó­ann­ es í meira skemtiliga leik­ lutinum aftur. Eftir mín­ um tykki er onki galið við sunnudagsskúlum. Men vit kunnu taka táttin upp og spyrja, um ikki Jóannes hevur verið fyrstilærari í einum skúla, har hansara næmingar – Kaj Leo og Jørg­in – nú eru útlærdir og fremja tað, teir hava fingið í beinið frá Jóannesi? Eg haldi, at hann skuldi havt sett teir í skammi­krók, heldur enn at geva teimum stjørnur og vald. Lat meg geva Jóannesi rætt í tí, at hugsjónarligt orða­skifti og politikkur, eig­ ur at mynda okkara arbeiði upp aftur meira, og at vit sum andstøðuleiðarar sjálv­ sagt eiga at vera í broddi fylk­ingar. Men tað er harmiligt, at Jóannes nú roynir at spinna eina mýtu um, at andstøðan ikki er virkin, ágangandi og hugsjónarlig. Tjóðveldi hev­ ur undanfarin ár verið ser­ stakliga virkið í andstøðu. Nú hava allir tríggir and­støðu­ flokkar samstarvað sera væl og tikið allar dystirnar við samgonguna. Og allir ting­ limir í andstøðu hava tikið sera virknan lut – ikki bert formenninir. Orðaskiftini fyri jól um skatt, pensjónsskatting og fíggjar­lóg, vóru bæði hart­ sláandi, prinsippiell og hug­ sjónarlig. Ja, eg havi ikki upp­livað eitt so miðvíst og prin­sippielt orðaskifti á tingi, síð­ani orðaskiftið um Cara­gata-álitið, og tá skatta­ politikkur og tjóðskaparligu afturstigini vórðu framd undir ABC-landsstýrinum. Andstøðan hevur eisini verið serstakliga virkin á øðr­um mótum seinasta hálva árið. Vit hava í felag skipað fyri stórum mótmælistiltaki. Samstarvað og samskift við fakfeløg, vinnufeløg og ung­dómsfeløg. Og vit hava skipað fyri eini serstakliga væl­eydnaðari ráðstevnu um fiskivinnupolitikk og fólk­sins ogn. Vit hava gjørt alternativ uppskot til bæði skatta­politikk og pensjóns­ málið. Vit hava lagt alterna­ tiva fíggjarlóg fram í felag. Og vit hava lagt stór og prin­sippiell mál fram á ting um øll týðandi samfelags­ viðurskifti. Tað er tó ómetaliga trupult at skapa yvirskrivtirnar og fáa áhugan hjá pressuni, tá tú ert í dysti við samgongufólk, sum als onga hugsjón bera fram, men tigandi byggja sítt grundarlag á egingirndina hjá nøkrum fáum. Har tað bert eru leiðararnir í flokk­ unum, sum onkuntíð svara við uppáhaldum og uttan- umtosi, ið kundu staðið á ein­um Gajol-pakka. Vóni eisini, at nú Jóannes eftirlýsir hugsjónarligum stríði mótvegis hesum grova høgra­politikki, at hann tekur í egnan barm. Tá fyrsta ABC-sam­gong­ an setti seg við heima­stýr­ isradiatorarnar í Tinga­nesi við Jóannesi sum løg­manni, siteraði eg Olof Palme, sum segði: “Í somu løtu teir sonevndu “prakt­isku” menninir vísa øllum hug­ sjón­um og málum burtur av politiska pallinum, er rot­ið og forfallið byrjað í folka­ ræðinum”. Hetta vísti seg í ólukkumát. Tað hugsjónarloysið og tann “pragmatiska” egin­ girndin, sum Fólkaflokkurin nú trumfar ígjøgnum við stuðli frá Sambandinum, Mið­flokkinum og Gamla Sjálv­stýrinum, er beinleiðis avleiðing av 8 ára stillstøðu og høgrapolitikki undir ABC- landsstýrinum. – Har tað var formaður javn­aðarfloksins sum av­ blásti stættastríðið. – Stóð á odda fyri at stuðla høgravendum skattapolitikki og við lóggávu at eggja til lán og spekulasjón í virðis­brøv­ um. – Sum kom við upp­skot­ inum um at skatta pensjónir við inngjald. – Skjeyt upp og hartaði fakfeløgini fyri ikki at vilja bróta 4 ára sáttmálan við lands­stýrið og fara niður í løn. – Sum legði uppskot fram um æviga rullandi fiskiloyvir, ið bert ein árvakin andstøða fekk steðgað í evstu løtu, áðrenn 3. viðgerð. – Loyvdi bankunum at fara av landinum við øllum sín­um skipanum. – Tók allar heimildir frá Húsalánsgrunninum. – Atkvøddi ímóti upp­ skotinum hjá Tjóðveldi um at kanna, hvussu kostnaðar­ støðið kann minkast. – Sum valdi Kaj Leo Jo­ hannesen í løgmansstólin og Jørgin Niclasen í lands­ stýrið. – Og mangt annað, sum nú verður gjørt upp aft­ur ógvusligari í nýggja lands­ stýrinum. Tað krevur eitt øgiligt ar­ beiði og upptak hjá núverandi andstøðu at fáa vent hesi vanlukkugongd, sum byrjaði í 2004. Og vit eru ikki meira enn byrjað. Men tað fer at eydnast við hugsjónum, dirvi og samstarvi. Fleiri sparingar fremjast í uttanlandstænastuni Edmund Joensen fólkatingsmaður fyri Sambandsflokkin Tá løgmaður í morgin skal standa "skúlarætt" í utt­an­ landsnevndini, eigur hann at leggja upp til fleiri sparingar í uttanlands­tænastuni, ið er dýrkað meira enn 100 pro­ sent síðani ár 2000 Sparingar kasta langar skuggar yvir almennu Før­ oy­ar. Sum liður í neyðug­um spar­ingum á Løgmans-skriv­ stovuni hevur løgmaður fingið ákoyringar fyri skilagóðu avgerðina at nið­ ur­leggja sendistovuna í Lond­on og flyta virksemið til Brúss­el. Hóast ógrundaða kri­tikk­ in eigur løgmaður at gjøg­ num­føra avgerina Og meðan hann er í uttanlandsnevndini og stendur "skúlarætt", ið tey nevna tað, eigur hann at taka næsta stig: fremja fleiri sparingar í uttan­lands­ tænastuni. Tøl frá Løgmans­skriv­stov­ uni vísa, at síðani ár 2000 er uttanlandstænastan dýrkað meira 106 prosent. Gongdin sæst í flottum grafi, sum kann takast niður her og brúkast sum mynd/ illustratión. Meðan uttanlands­tæn­ astan í 2000 kostaði skatt­ gjald­arunum 15,9 mió. kr., kostaði hon í fjør 32,8 mió. kr. Mesti kostnaðurin var í 2010, tá ið skattgjaldararnir rindaðu 42 mió. kr. Í tølunum skal fyrivarni takast fyri, at Samvit er lagt saman við táverandi Utt­ an­ríkisráðnum. Kort­ini er myndin greið: uttan­lands­ tæn­astan er bólgnað. Sum skilst eru serliga tveir stórir útreiðslupostar: høgar lønir lønir og dýrar húsaleigur uttanlands. Tí mugu størv og sendistovur, skerast burtur, um spar­ing­ arnar skulu muna. Hetta er neyðugt at gera, um nakað munagott skal fáast burtur úr samanleggingini av Uttanríkisráðnum og Løg­ mans­skrivstovuni. Sum skjótast má finnast fram til, hvørjar uppsagnir skulu fremjast, tí fólk hava uppsagnartíð, og tað tekur tíð at effektuera sparingarnar. Viðvíkjandi niðurlegg­ ing­um av sendistovum er hósk­andi, at skrivstovan í Reykjavík verður niðurløgd. Tað er mest náttúrligt, at Føroyar lata seg umboða við sendistovum í Brússel og Keypmannahavn. Meira er ikki brúk fyri. Fámjinsskjalið frá 2005 ásetur, at Løgmans­skriv­ stov­an og danska Uttan­ ríkis­ráðið samstarva í ein­um Norðuratlantiskum Sekre­ tariati. Harumframt áset­ur skjalið, at Føroyar eru væl­ komnar at brúka danskar sendi­stovur kring allan knøtt­in. Um fíggjarligur fyri­ munur er at gera hetta, eigur tað at verða gjørt sum skjót­ ast. Alternativt ber eisini til at hava konsulát heldur enn sendistovur. Løgmaður má til arbeiðis. Kjak