mikudagur 28. mars 2012síða 22

Mikudagur 28. mars 2012 · Nr. 38 22 Sosialurin Hugskot og viðmerkingar – send sms til 225000 Kjak Politisku feløgini í Sand­ oynni hava sent út eina yvirlýsing um Sand­ oyar­tunnilin, sum tey, av skiljandi orsøkum, vilja hava í eina fasta legu. Sandoyingar hava væl grundaða orsøk til at vænta sær og ótoln­ast eftir einum tunli, tí hetta hevur verið teimum lovað, síð­ani Løgtingið í 2007 sam­tykti verklags­ lóg um undir­sjóvar­tunn­ ilin. Hesa lóg tók und­an­ farna ABC sam­gonga av, hóast tey í sam­gongu­ skjalinum greitt høvdu ásett, at farast skuldi undir tunn­ilin í 2011. Politisku feløgini vilja hava, at pengar nú verða játtaðir til P/F Sand­oyar­tunnilin. Hetta gevur høvi at minna á leistin, sum undirritaða sum landsstýriskvinna í samferðslumálum í 2008, saman við øðrum góðum kreftum í táverandi sam­ gongu, arbeiddu fyri. Sonevnda tunnils­ nevndin legði fyri løg­ mann eitt tilmæli, har tað í stuttum varð mælt til at tunlarnir báðir, Sand­oyar- og Skála­ fjarðar­tunnilin, vórðu gjørd­ir í almennum høpi og eftir einum leisti, har til bar at hava fulla stýring á fíggjarliga eins væl og tøkniliga váð­an­ um. Nevndin mælti somu­ leiðis til, at 50 milliónir kr árliga vórðu settar í eitt P/F Sandoyartunnil soleiðis, at ein fíggjarlig trygd varð løgd undir verkætlanina, áðrenn farið varð at bora. Høvdu eftirfylgjandi samgongur fylgt hesum leisti, so stóðu í dag einar 200 mio kr á bók, sum ein byrjunarkapitalur til Sandoyartunnilin. Og dagurin, har borurin kundi setast í, hevði verið munandi nærri. Viðmerking til yvirlýsing um Sandoyar­tunnil Bjørt Samuelsen tingkvinna fyri Tjóðveldi Brúk fyri øllum Eyðgunn Samuelsen tingkvinna fyri Javnaðarflokkin Í hesum døgum hevur hópurin av ungdómi søkt inn á okkara miðnámsútbúgvingar. Løg­ tingið viðgjørdi í farnu viku trý ymisk umfatandi upp­skot, ið snúgva seg um útbúgv­ing: Nýggju mið­náms­skúla­skip­ anina, nýggja eindarskipan fyri SIT og Yrkisútbúgvingar og uppskot um at skipa ein arbeiðsmarknaðardepil, ið m.a skal gera eina skipan, har tað er møguligt fyri ófaklærd at útbúgva seg. Útbúgving ein mannarættur Øll, ið søkja inn á eina út­ búgv­ing, taka tað sum eina sjálvfylgju at lúka tey treytirnar, so sleppa tey at nema sær ta útbúgving, ið tey hava søkt inn á. Tíverri er hesin sjálvsagdi rættur ikki galdandi fyri øll í okkara samfelag og tað er ikki í lagi. Vit eiga at skipa so fyri, at útbúgving veruliga gerst ein mannarættur - eitt tilboð ið stendur øllum í samfelagnum í boðið. Tey, ið ikki lúka treytirnar Hvørt ár er ein bólkur av ungum, ið ikki lúka treytirnar at koma inn á miðnám, t.d tí tey eru lesiveik. Í dag er ongin skipan, ið tekur hond um hesi, tá ið tey fáa noktandi svar frá miðnámsskúlanum. Tey mugu sjálvi royna at leita eftir um okkurt annað tilboð er, ið hóskar til teirra tørv. Í dag er tað soleiðis, at finna tey onki útbúgvingartilboð, so er tað teirra trupulleiki. Tað er snøgt sagt ikki gott nokk og slíkt kunnu vit ikki bjóða í einum nýmótans sam­felagi. Tí eiga vit at seta okkum fyri, at øll ið ynskja eina útbúgving fáa møgu­ leikan. Útbúgving lykil til arbeiði Framvegis eru meira enn 1800 fólk arbeiðsleys. Týdn­ ing­armiklasta málið er at skipa so fyri, at hesar tómu hendur aftur sleppa inn á arbeiðsmarknaðin. Gongdin í samfelagnum er, at tørvurin á ófaklærdari arbeiðsmegi minkar og tí er ikki nokk, bert at útvega arbeiðspláss t.d í flakavinnuni, um vit skulu basa arbeiðsloysinum. Í fleiri førum kann út­búgv­ ing verða lykilin, ið letur dyr upp, so viðkomandi aft­ ur gerst partur av arbeiðs­ marknaðinum. Lívsins skúli skal eisini telja við Vanlig fatan er, at lívsins skúli verður ov lítið virdur og at tær royndir, ið fólk hava úr lívsins skúla eru nøktandi á arbeiðsmarknaðinum. Tí­ verri er hetta ikki so í dag. Ofta er tørvur á styttri vaksna­útbúgving, tí sið­ bundna arbeiðsplássið er horvið ella broytt. Tí eiga par­t­arnir á arbeiðs­markn­að­i­ num saman við tí al­menna at skipa útbúgving til ófak­lærd á ein hátt, at tær royndir, ið fólk hava nomið sær á ar­ beiðsmarknaðinum telja við sum partur av eini útbúgv­ ing. Líknandi skipanir við kompetansumetingum finn­ ast í okkara granna­lond­um. Brúk fyri øllum Eitt framkomið samfelag eigur at hava sum mál, at vit hava brúk fyri øllum. At tað stendur øllum í boði at nýta sínar førleikar og evnir. Tí eigur politiska skipanin og arbeiðsmarknaðurin at seta seg saman og gera semju um loysnir, ið gera tað møguligt at skipa viðkomandi útbúgv­ ingartilboð til ófaklærd. Mín vón er, at uppskotið um ar­ beiðsmarknaðardepil kann verða við til, at gongd kemur á hetta átrokandi mál. Svimjihøllin Tummas Pauli av Reyni Nú hevur verið frammi í fjølmiðlunum, at menta­ mála­nevndin hjá Tórshanar býráð hevur mælt til at gera eina svimjihøll við einum 50 metra longum svimjihyli. Um eg sjálvur skal siga tað, so meti eg hetta at vera eitt frálíkt hugskot Havnin hevur havt tørv á einum tílíkum svimjihyli í nógv ár, og eingin ivi skal vera um tað, at við einum altjóða góðkendum 50 metra longum svimjihyli kunnu okkara svimjarar menna seg enn meira og koma upp á eitt enn hægri støði, enn teir eru í dag. Men um talan er um eina nýggja svimjihøll fyri seg ella um núverandi svimjihøll skal umbyggjast, sigur søgan tó onki um. Núverandi svimjihøll í Gunda­dali er skjótt 30 ára gomul, og var henda svimji­ høll eitt stórt framstig, í mun til gamla svimjihylin, tá ið hon lat upp í sínari tíð. Øll hesi skjótt 30 árini hevur svimjihøllin verið eitt yndisstað fyri nógv, og er hon tað enn, men nú er tíðin komin til at taka stig til, um svimjihøllin skal dagførast úr einum enda í annan, ella um tað skal byggjast ein nýggj. Havnin hevur í áravís manglað eitt baðiland, har eitt nú barnafamiljur, ung sum eldri, tey við skerdum før­leika, barnagarðar og skúla­flokkar kundu brúkt til at stuttleika sær í. Tá ið endaliga verkætlanin um 50 metra langa svimji­ hylin, umbygging ella ný­ bygg­ing av svimjihøllini verð­ur løgd fram, so má alt hetta omanfyri nevnda tak­ ast við í ætlanina, tí tað má tryggjast, at Havnin ikki stend­ur aftan fyri nakran ann­an høvuðsstað. Tann full­fíggjaða loysnin hevði ver­ið, at alt var undir einum taki, men tó so at kapp­ingar­ hylurin og baði­landið vóru í hvør sínum høli. Eg vóni, at mentamála­ nevndin ikki mælir til eina hálvhjartaða og eina ov lítið viðgjørda loysn, men at tað verður miðjað ímóti tí fulla pakkanum, við øðrum orðum ein Go-Large loysn! Ein altjóða góðkendur kapp­ingarhylur og eitt ný­ mót­ans baðiland fara at hava stóran týdning fyri komm­ ununa og fyri trivnaðin hjá borgarunum í framtíðini. Eitt framkomið samfelag eigur at hava sum mál, at vit hava brúk fyri øllum. At tað stendur øllum í boði at nýta sínar førleikar og evnir. Útbúgving kann ofta verða lykilin.