fríggjadagur 30. mars 2012síða 6

Fríggjadagur 30. mars 2012 · Nr. 39 6 Sosialurin Hugskot og viðmerkingar – send sms til 225000 Arbeiðsfólk við lágari løn eru best nøgd VERKAFÓLK OG NØGDSEMI Tað eru arbeiðsfólkini við lágari løn, sum eru best nøgd við síni viðurskifti. Tað vísir ein kanning, sum Samtak hevur gjørt. Kanningin vísir eisini, at tey, sum eru mest ónøgd, eru tilkomnir menn við góðari løn Áki Bertholdsen Tað er ikki altíð, at góð løn og lukka fylgist. Tað vísir ein kanning, sum Sonja Jógvansdóttir, sam­skipari í Samtaki hevur gjørt, har 782 limir í Føroya Ar­beiðara­felag hava svarað spurn­ingum um nøgdsemi og onnur viðurskifti. Kanningin vísir, at sum heild eru arbeiðsfólk nøgd við síni arbeiðspláss. Men tað er eisini staðfest, at lutfalsliga fá hava setanar­ skriv, álitisfólk og trygdar­ umboð, hóas tað er lógar­ kravt. Sum tað sæst á myndini »Inntøka«, er stórur munur á inntøkuviðurskiftum hjá kvinnum og monnum. Tann stórsti parturin av kvinnum hevur minni enn 200.000 krónur í løn um árið. Størsti bólkurin av kvinn­ unum, ella 33%, hava ímillum 100.000 og 150.000 krónur í inntøku, men størsti inn­tøku­ bólkurin, ella 28%, hjá mann­ fólki liggur ímillum 200.000 og upp í 250.000 krónur um árið. – Næstan fjórðahvørt mann­fólk hevur eina inntøku oman­fyri 300.000 krónur um árið, men tað bara er ein kvinna av hvørjum 50, sum for­vinn­ur meiri enn 300.000 krón­ur um árið. Fleiri viðbøtur til menn Sonja Jógvansdóttir held­ur, at tað partvís eru lønar­sátt­ málarnir sum gera, at mun­ urin ímillum kynini er so stórir, hóast líkaløn formliga var innførd í 1980. – Tað eru fleiri viðbøtur til mannfólkayrkini. Tað eru eis­ini í størri mun kvinnur, sum arbeiða í yrkjum, sum ikki hava eins nógva yvirtíð. Kvinn­urnar eru oftari av arbeiðs­marknaðinum í samband við barnsburð og sjúku hjá børnum. Kvinn­ur arbeiða í størri mun niður­ setta tíð. – Hóast vit vita nøkur viður­skifti, um hví lønin er y misk hjá kynunum, er tørv­ur á at gera fleiri út­grein­ingar fyri, hví so er, og hví mun­urin millum inntøkurnar veksur bæði í krónum og oyrum, men eisini í %, heldur sam­ skip­arin í Samtaki. Kanningin vísir eisini, at í flest øllum vinnugreinum hjá Føroya Arbeiðarafelag hava arbeiðsfólk ikki hava fingið setanarskriv, hóast hetta hevur staðið í sáttmálunum í áravís, og hevur verið ein løgtingslóg síðani 2008. – Innan dagrøktina eru tað flest setanarskriv og álitis­ fólk, men eisini í fiskivinnuni eru tað lutfalsliga nógv álitis­fólk, men har haltar við setanar­skrivunum. – Har sum ringast stendur til, er í matstovuyrkinum. Sigast skal tó, at tølini vóru ser lítil, tískil kunna hesa tøl takast við fyrivarni. Sum heild er rúm fyri betringum, hvat álitisfólki, trygdar­um­ boð­um og setanarskrivum við­víkur. Somuleiðis vísir kann­ ingin, at 37% av arbeiðsfólki hava verið á aðalfundi hjá lokala arbeiðarafelagnum í bygdini og 69% vita, hvør er for­maður í felagnum. Hin­ vegin vita bara 47%, hvørjir nevndar­limirnir eru Hinvegin veit størsti part­ urin av limunum eitt sind­ ur um lokalfelagið og tær skipanir, ið fakfelagið hevur, og tey eru væl nøgd við trygg­ ingarnar og eftirlønar­skip­an­ ina, sum felagið hevur. Myndirnar um eftirløn og trygg­ing vísa greitt, at Før­ oya Arbeiðarafelag hevur rakt væl, tá ið tey settu nýggju tryggingina í verk. Sama kann sigast um eftir­ lønar­skipanina, sum flest øll kenna og eru nøgd við. Somuleiðis halda flestu limirnir, at Føroya Arbeiðara­ felag umboðar teir hampuliga væl í ymsum viðurskiftum. Menn mest ónøgdir Men verður hugt at teimum, sum eru ónøgd við Føroya Ar­beiðarafelag, síggjast nøk­ ur týðilig mynstur. Næstan fjórðahvørt mannfólk hevur eina inntøku omanfyri 300.000 krónur um árið, men tað bara er ein kvinna av hvørjum 50, sum forvinnur meiri enn 300.000 krónur um árið Har sum ringast stendur til, er í matstovuyrkinum