fríggjadagur 30. mars 2012síða 39

39 Fríggjadagur 30. mars 2012 · Nr. 39 Sosialurin Hugskot og viðmerkingar – send sms til 225000 Ítróttur effo deildin upptakt Meistararnir í B36 vístu fyri viku síðani styrkina, sum oftast er eyðkend fyri topplið. Tað gekk einki serligt ímóti uppflytarunum í FC Suðuroy, men í evstu løtu glapp tað, og øll stigini komu til høldar. Sunnudagin verður B36 á útivølli, men hagtølini siga, at tað ikki nýtist at vera til serligan ampa. B36 skal til Klaksvíkar, har árstalsfelagið, sum í vikuni fylti 76 ár, seinastu tjúgu árini bara er farið fýra ferðir tóm­ hent av vøllinum. Í fjør vann B36 2-0 og 3-0 í Klaksvík. Síðstu KÍ heimasigrarnir á meistarunum vóru í 2008, tá ið úrs­litini vóru 2-1 og 2-0. Tað kemur væl við hjá B36, at tað eru nógvir skikkaðir um boðini til miðvallarplássini. Ingi Højsted er orsaka av skaða ikki førur fyri at spæla næstu vikurnar, og Atli Danielsen er eisini skaðaplágaður. Fyrr í ár var tað bruni í stórutá, sum órógvaði. Leygardagin var tað trupul­leiki í rygginum, sum helt Atla burtur frá møguleikanum at vera millum teir fyrstu ellivu, og tað er sami trupulleiki, sum í hesi vikuni hevur hildið honum burtur frá venj­ingunum saman við lið­ feløg­unum. Í Klaksvík er lagið gott, og tað er ikki frítt, at tað hevur sást aftur í áhugaðum kring vøllin venj­ingar­ kvøldini, at úrslitið í Streym­nesi sunnudagin var 1-1 ímóti heima­ vallar­favorittunum. Útskiftingarnar hjá Pálli Guðlaugsson sunnudagin bendu á, at tað er stór kapping um plássini, og tað er positivur trupulleiki. Ein­ asti maður, sum síðsta sunnudag var burtur frá orsaka av skaða, var vongverjin Rudold Eliasen, sum framvegis er skaðaplágaður. Dagfinn Forná verður 23. maður í Klaksvík, har fyrsta bríkslið verður sunnudagin klokkan 15. joannes@sosialurin.fo Uppflytararnir í TB fara sunnu­ dagin fyri aðru ferð í ár á vøllin við Løkin í Runavík. Fyrru ferðina eydnaðist tað væl, tí tvøramenn vunnu venjingar­ dystin 2-1, eftir at teir høvdu víst avrik, ið bendi á meiri enn stríð um at sleppa undan niður­flyting. Felags fyri bæði NSÍ og TB er, at einki stig er í posanum eftir fyrsta umfar. Tað er eisini felags fyri liðini, at tey hava fleiri á liðnum, sum ikki hava royndir í bestu deildini, og at tað á liðunum eru spælarar við rættuliga nógvum roynd­ um. Í NSÍ leguni kendu teir seg vera óhepnar, at tað ikki eydnaðist at vinna stig í Fugla­ firði sunnudagin. TB hevði málmøguleikar ímóti Víkingi, men kortini ásannaðu tvøra­ menn, at mótstsøðan var rættu­liga stór. TB málverjin, Ivan Stojkovic, noyddist skaddur av vøllinum sunnudagin. Óli Johannesen vardi síðstu løtuna TB málið. Tað er greitt, at Ivan Stojkovic verður í TB málinum í Runavík. Tað er langt síðani, at tvøra­ menn eru farnir úr Runavík við øllum stigunum. Seinasti TB sigurin við Løkin er dagfestur 21. mai 1995 ella fyri seytjan árum síðani. Tann dagin var 2. umfar á skránni, og TB vann 3-2. Seinni hetta árið flutti NSÍ niður. Sunnudagin verður 2. umfar 2012 á skránni! Fyrsta bríkslið verður klokkan 15.00, og 23. maður á vøllinum verður Petur Reinert. joannes@sosialurin.fo Tað er gamla lag í HB. Eyð­ mýkingin og marran frá síðsta kappingarári eru kámað, og eftir sannførandi avrik og trivaligan sigur ímóti B68 fara Sigfríður Clementsen og hans­ ara menn við øktum sjálvs­ áliti til Vágs. Tað hevur gingið væl í venjingar­dystunum, og ímóti B68 var tað kærkomið, at allir framrættaðu trumfirnir - Christian R. Mouritsen, Andrew av Fløtum, Fróði Benjaminsen og Símun Samuelsen – komu á talv­una. Tað er longu greitt, at Fróði Benjaminsen ikki verður millum málskjúttarnar sunnu­ dagin. HB liðformaðurin sá tvær ferðir gult og varð harvið vístur av vøllinum sunnudagin. Tað ber leikbann í 2. umfari við sær. HB spælararnir vóru síðsta leygardag eygnavitni til, at uppflytararnir í FC Suður­oy ikki eru kanónføði. Tað eydn­ aðist teimum í meiri enn 95 minuttir at halda tætt ímóti meistarunum, og suður­oy­ing­ arnir kundu havt verið farnir við øllum, um teir høvdu kent sína vitjunartíð. Ímóti B36 var Jón Krosslá Poulsen ikki við frá byrjan. Hann varð settur á vøllin eftir steðgin, og tað verður roknað við, at hann verður við frá fyrsta bríksli ímóti HB, sum hann í fjør umboðaði. Ímóti B68 var HB á heima­ vølli sera framrættað, meðan FC Suðuroy var rættuliga verju­kent á útivølli ímóti B36. Nú fæst at síggja, hvussu tað fer at taka seg upp, tá ið FC Suður­oy verður á heimavølli ímóti HB, sum altso verður á úti­vølli. Dysturin í Vági verður sunnu­dagin klokkan 14.45, og Alex Troleis verður dómari. Fyrsti dysturin í øðrum umfari er á skránni longu í kvøld, tá ið Víkingur í Sarpugerði fær vitjan av EB/Streymi. Meðan Víkingur við ikki so ógvuliga sannførandi leikligum avriki megnaði trý stig á Vágseiði ímóti TB, so kendist tað hjá EB/ Streymi sum vónbrot, at úrslitið á heimavølli ímóti KÍ var 1-1. EB/ Streyma venjarin, Heðin Askham, segði seg vera væl nøgdan við leikliga avrikið – serliga í 1. hálv­ leiki. Toppskjútti hjá EB/Streymi sein­ astu árini hevur verið Arnbjørn Hansen, og ímóti KÍ var tað hann, sum skoraði, hóast hann alla tíðina var ógvuliga væl ansaður. Danski Lasse Qvist er keyptur at lyfta arvin í Víkinga álopinum eftir Finn Justinussen. Tað vóru verjuspælararnir Atli Gregersen og Bárður Hansen, sum skoraðu í Vági. Í Sasrpugerði vóna teir, at tað skjótt fer at eydnast nýggja álops­ spælaranum at fáa hol á. Í fjør vóru allar uppgerðirnar ímillum EB/Streym, sum vann silvur, og Víking, sum vann bronsu, tættar og spennandi. EB/Streymur vann 2-1 á heimavølli, Víkingur vann 3-1 á heimavølli, og tað var serliga undirhaldandi, tá ið tað við Margáir í 25. umfari endaði 3-3, eftir at Víkingur hevði verið frammanfyri bæði 2-0 og 3-1. Fyrsta bríkslið í Sarpugerði verður klokkan 17.30 í kvøld, og Eiler Rasmussen verður dómari. joannes@sosialurin.fo Lasse og Arnbjørn skulu vísa máltev Fótbóltur Silvurvinnararnir vóru í fjør partur av sera undirhaldandi uppgerðum ímóti bronsuvinnarunum, sum í kvøld eiga heimavøll í Sarpugerði B36 hevur takið í Klasksvík Fótbóltur Nógvu tey seinastu árini hevur tað verið rættuliga langt millum heimasigrarnar, tá ið klaksvíkingar hava havt vitjan av B36 Sundalagsmenn fingu bert 1-1 javnleik á heimavølli móti KÍ í fyrsta umfari Stór avbjóðing bíðar HB Fótbóltur Margfalda meistaraliðið varð leygardagin mint á, at upp­ flyt­ararnir í FC Suðuroy kunnu standa seg ímóti favorittum Posin er tómur Fótbóltur NSÍ og TB hava tað í felag, at tey eru stigaleys, og at tað á liðnum eru fleiri ungir og óroyndir spælarar