fríggjadagur 30. mars 2012síða 46

nr. 39 · 30. mars 2012 6 VIKUSKIFTI TIPS FRÁ barbaru barbara@sosialurin.fo Fjøltáttaður summarmóti Gerandisdagurin skal pyntast við blómum, skógvarnir skulu vísa hælin, og armbondini skulu vera tjúkk og litrík. Hesi eru millum annað boðini frá kendum sniðgevum sum Louis Vuitton, Dolce&Gabbana, Valentino og Versace, sum hava givið sítt boð uppá, hvussu summarið skal síggja út. Hóast hesi merki kanska eru í dýrara lagið til føroyska summarið, so kanst tú kortini leita tær íblástur frá teimum ymsu mótagigantunum Pyntaður gerandisdagur Gerandisdagur í summar er alt annað enn keðiligur. Tú skalt pynta gerandisdagin við blondum, blómum, gjøgnumskygdum og satin, eru nýggjastu boðini frá heimsins mótapallum. Tá ið skalt velja tær júst tað rætta plaggið til hendan mótan, so er gott at hava í huga, at serstakliga hvítt, grátt og sokallaðir naknir litir hóska seg best til hendan mótan. Tjúkk armbond Fyri at uppdatera títt klædnaskáp til summarmótan, kanst tú lætt og einfalt fáa hendur á tjúkk armbond í sterkum litum, og seta tey saman við hóskandi summar klæðum. Tummilfingur reglan er, at tú kanst nýta fleiri litir saman. Eitt nú er ljósareytt og appilsingult nógv at síggja saman í summar. Klassiski ryggleysi skógvurin Tann klassiski ryggleysi skógvurin hevur funnið sín veg aftur í mótamyndina, og í ár er hann prýddur við nógvum ymiskum prýðum, so sum blómum, reimum og øðrum, sum fáa hann at hóska til rákið 2012. Náttklæðir um dagin Klæðir, sum mest av øllum minna um náttklæðir, eru nú at síggja á mótapallum kring heimin. Tað eru í høvuðsheitinum leystsitandi klæðir, sum hóska seg væl til gerandisdagin og til náttarlívið. Havsins ríki Havsins ríki gevur eisini íblástur til fleiri mótarák í summar, tá ið prent av ymsum slag sipa til heimin undir vatnskorpuni. Alt frá sandalum til taskur hevur latið seg inspirera av havinum í summar, og tú kanst her fáa íblástur frá Versace.