fríggjadagur 30. mars 2012síða 51

nr. 39 · 30. mars 2012 11 VIKUSKIFTI Ferðast vinarliga At nógv ferðavinna slítur uppá londini er ongin loyna. Tí vóru faldarar deildir út á ráðstevnuni, har mint var á ymisk ting. – Vís virðing fyri mentanini og fólkinum, har tú ferðast – Vel heldur minni hotell, so at pengarnir enda í lummunum hjá fólkinum í landinum og ikki hjá altjóða hotellketum – Sig frá, um tú sær kvinnur ella børn vera kynsliga misnýtt – Keyp ikki vørur frá djórum, ið eru í vanda at vera útruddað – Nýt so lítið av vatni sum gjørligt. Vatn er oftani ein mangulvøra í heitum londum. Tropiskur hiti í Berlin Trúgv tí ella ei, men í einum risastórum hangari 60 km norðan fyri Berlin, eru tað 26 hitastig alt árið. Hangarurin var upprunaligani bygdur til at byggja flogfør í. Men tá fyritøkan fór á húsagang, tók »Tropical Island« yvir og skapti ein tropiskan heim við strondum, skógi, lagunu, og teltum, ið ein kann búgva í um náttina. Vitja Pippi í summar Heimbygdin hjá Astrid Lindgren hevur bygt eitt heilt mini-land við íblástri úr bókunum hjá henni. Har kann tú vitja Pippi, Emil, Ronju og Karlsson á Takinum. Sjónleikarar spæla teir ymisku leiklutirnar, og húsini eru bygd í natúrligum støddum. Ein frálík vitjan hjá barnafamiljunum. Polen hevði størsta básin á ráðstevnuni. Grøna gólvið er nokk fyri at minna á fótbólts EM, sum í summar verður í Polen og Ukraina. Pippi og vinir hennara. 26 hitastig alt árið. Kanska eitt hugskot at byggja í Føroyum?