fríggjadagur 30. mars 2012síða 50

nr. 39 · 30. mars 2012 10 VIKUSKIFTI Nýtt innan ferðing Ferðavinnuráðstevnan TUR í Gøteborg er størsta ráðstevna í Norðanlondum innan ferðing. 700 framsýnarar vóru til staðar á teimum 300 básunum, og nógv nýtt var at frætta. Vit vóru við á stevnuni og loddaðu dýpið Rulla ígjøgnum býin Segway er eitt heilt nýtt slag av akfari, ið hevur verið eitt sindur at sæð seinastu árini, men sum nógv vænta fer at vera tað heilt stóra komandi ár. Vit á Vikuskiftinum royndu Segway, og tað var bæði stuttligt og lætt. Man koyrir ferð á við at lena seg fram og bremsar við at lena seg afturá. At keypa ein egnan Segway kostar nakrar túsund krónur, men tað ber til at leiga teir, um man vitjar í til dømis einum stórbýi. Polen vil hava betri umdømi Póland er troytt av at verða sæð sum eitt grátt og óáhugavert land. Við tí størsta básinum á messuni, merktist Póland á heilt annan hátt enn hini londini. EM í fótbólti verður í summar í Pólandi og Ukraina, og tað er eisini ein av orsøkunum til, at Póland vil síggjast. Vit hittu Malgorzata Hudyma, sum starvast á pólsku ferðavinnustovuni og hevur norðurlond undir sær. – Fótbólturin gevur okkum møguleikan at vísa tað broytta, modernaða Póland, ið er stuttligt og áhugavert at vitja. Men hvat er tað sum er so áhugavert í Pólandi? – Vit hava langar sandstrendur, fjøll, góðan mat, mentan, søgu, design, shopping, opin fólk - ja, tað er so nógv! Svalbard og Grønland nógv at síggja Bæði Svalbard og Grønland høvdu egnar básir á messuni! Grønland reklameraði nógv um cruiseferðir og gongutúrar. Svalbard vísti sum vanligt ísbjørnina fram og reklameraði eisini við cruiseferðum. Tað einasta, sum var at síggja til Føroyar, var í básinum hjá Grønlandi, har ferðasamskiparin »Grønlandsresor« eisini skipar fyri ferðum til Føroya. Við ljósa­reyðum bussum um allan heim Eitt tað mest hugtakandi á messuni eru »Rosa bussarna«. Tað eru bussar, ið ferðast kring allan heim við teimum, sum ikki krevja so nógva komfort á ferðini. Man bæði býr, etur og ferðast í bussinum. Og ferðirnar eru oftani fleiri mánaðir langar. Far inn á www. rosabussarna. com, um hetta hevur tín áhuga. Sokkar at ferðast í Fleiri av básunum høvdu teir so kallaðu stuðulssokkarnir. Tað eru sokkar, ið fáa gongd í blóðrenslið, og eru teir ser­liga góðir at vera í, tá ein ferðast leingi í flog­ fari ella aðrastaðni, har ein situr stillur leingi. lagt til rættis: Inna Törnroos Segway er bæði stuttligt og lætt Vikuskifti leitaði bæði væl og leingi eftir Føroyum á ráðstevnuni og einasta vit funnu var hetta skylti