mánadagur 2. apríl 2012síða 18

Mánadagur 2. apríl 2012 · Nr. 40 18 Sosialurin Hugskot og viðmerkingar – send sms til 225000 Ítróttarblaðið Tað er gott fótbóltslag í Fuglafirði, har tey í løtuni kenna seg hava marginalirnar á sínari síðu. Eftir sera tepra heima­sigurin á NSÍ, tá sigurs­ málið varð skorað í síðstu løtu, eydnaðist tað aftur leygar­ dagin at vinna á teimum á Skála­fjørðinum. Hesa ferð var tað 2-0 á útivølli ímóti B68, og aftur hesa ferð vórðu málini skorað fram ímóti dystarenda. Simon Skibsted er komin úr Danmark at skora mál fyri ÍF, og tað er ikki so undarligt, at hann er væl nøgdur, nú hann hevur skorað í báðum teimum fyrstu dystunum: – Sjálvandi er tað hugaligt, at tað hevur eydnast so mik­ið væl. Eg kenni meg væl í Fugla­ firði, og eg haldi, at vit eru á rættari kós. Spælistílurin er øðrvísi, enn eg eri vanur við í Danmark. Har er tað meiri tilvitað taktiskt, meðan tað her er meiri við longum sendingum fram til okkum í álopinum. Clayton Soares og eg royna at finna út av tí, og felags faranarevnini fara heilt víst at styrkjast, sum kappingin gongur, segði málskjúttin í kuldanum eftir dystarlok. ÍF var leikliga omaná í ikki serliga væl spælda 1. hálvleiki. Eyðsýnt var tað í høgra borði, at tað eydnaðist at bróta ígjøgnum, men tað kom einki burturúr, hóast fleiri innlegg tóktust vandamikil. Eftir steðgin var heimaliðið meiri ágangandi og betri skipað, og tað lá í luftini, at B68 var nærri máli enn gest­irnir. Christian Høgni Jacobsen var einsamallur við ÍF málverjanum, men Jákup Mikkelsen vann tvídystin, og løtu seinni var tvørtræið ikki i parti við heimamonnunum, tá ið innskifti Oddur Højgaard stýrdi hornasparksinnleggi á træverkið. Og so var tað ÍF, sum av­ gjørdi: Fyrst skoraði Simon Skibsted, eftir at Nenad Saric hevði lagt innfyri úr vinstru, og lítla løtu seinni var tað innskifti Jákup Johansen, sum eftir langa framlegging lyfti bóltin upp um málverjan. Heimamenninir vóru sjálvandi vónbrotnir. Lands­ kapp­ingin er 180 minuttir gomul. Enn hevur tað ikki eydn­ast B68 at skora mál, og mót­støðumenninir hava skorað seks ferðir: – Tað er ikki annað at gera enn at dríva á. Vit eru sera illa plágaðir av skaðum í fram­ rættaða partinum. Tað kunnu vit ikki hugsa so nógv um, nú vit skulu inn til Gøtu. Tað ræður um at hava fokus á næstu avbjóðingini, uttan at hugsa um tað, sum er farið, og tað gera vit! Tá ið tað verður talt saman, so gongur tað upp við marginalum fyri og ímóti, plagar at verða tikið til. Nú kappingin er tvey umfør gomul, kunnu teir í NSÍ skriva undir uppá, at higartil er javnvág í hjá teimum. Í Fuglafirði kendu teir seg snýttar fyri trý ella í hvussu so er eitt stig. Í gjár stórfegnaðust teir um sigurin á TB, og tað var lætt at skilja. Veteranurin í miðverjuni, Helgi L. Petersen, var nøgdur: – Tað var kanska ikki altíð so vakurt, men vit sýndu góðan hug­ burð, og vit stríddu okkum til fulla úrtøku. Um vit sammeta henda dystin við tann í Fuglafirði, so kendu vit okkum hesa ferð meiri kroystar, enn vit gjørdu í Fuglafirði. Tað er undarligt, tí TB er framvegis stigaleyst, og ÍF hevur seks stig. Eg vænti, at vit fara at megna at stríða okkum til fleiri stig, og eg vænti eisini, at TB fer at vinna úrtøku heilt skjótt, men so mugu teir vera neyvari frammanfyri mót­ støðumálinum, staðfesti væl nøgdi Helgi L. Petersen. Hann var í miðverjuni saman við Jens Joensen. Men í 33. minutti varð Jens skiftur út, og í hansara stað kom Pál Mohr Joensen. Jens sá gult longu í 21. minutti. Lítla løtu seinni bríkslaði Petur Reinert aftur fyri frísparki, og tað sást á kropsburðinum hjá dóm­aranum, at nú var tjóðrið stutt hjá mið­verj­ anum. Tí var tað, at Kári Reynheim skifti út. Tá hevði heimaliðið júst lagt seg á odda, og bæði í hesum førinum, og tá ið økt varð um leiðsluna, so sást tað, at TB hevur trupulleikar í miðverjuni: Árni Frederiksberg stakk úr vinstru bóltin inn um tungu TB miðverjuna, og Magnus Olsen, sum var í fremstu røð, rann frá verjuni og skoraði. Tíðliga í 2. hálvleiki var Magnus aftur upp á spæl, tá ið NSÍ økti um leiðsluna. Hann spældi inn um til Klæmint A. Olsen, sum rann frá verjuni og skoraði, og harvið var brekkan ógvuliga brøtt hjá TB. Tvøramenn iðra seg av røttum um, at tað ikki eydnaðist teimum at vinna fyrstu úrtøkuna í ár. Teir vóru sera uppsettir og arbeiðssamir, og teir megnaðu at spæla seg til fleiri góðar málmøguleikar. Tað verður altíð ein hypotetiskur spurningur, hvussu tað hevði tørnað út, um væl upplagdi Bojan Timic eftir fimm minuttir hevði havt marginalirnar í sínum parti, men bólturin brast í stólpan, og Rógvi Joensen og Aron Sørensen iðra seg eisini av røttum. Síðstu løtuna spenti Milan Kuljic álopsbogan uppaftur meiri. Teir høvdu nógv fólk frammarlaga, og Óli Johannesen varð settur inn í álopið, men tað segði tað sama. Kári Reynheim og hansara menn fegnaðust, og Milan Kuljic og hansara vóru vónbrotnir. Hósdagin verður nýggjur møguleiki, tá ið NSÍ aftur fær vitjan úr Suðuroy, og TB aftur skal í víggj í torførum útidysti. Tvøramenn skulu norður til Margáir. Spurningurin er, um teir tá fara at finna vegin til meskarnar! Full ferð á fuglfirðingum Fótbóltur Toftamenn, sum eru illa sperdir av skaðum, eiga framvegis fyrsta stigið til góða, og teir hava heldur ikki enn funnið vegin til meskarnar TB finnur ikki meskarnar Fótbóltur NSÍ sektaði tungu TB verjuna, og í hinum endanum vóru tvøramenn ikki nóg neyvir, tá ið teir spældu seg til góðar møguleikar