mikudagur 4. apríl 2012síða 31

31 Mikudagur 4. apríl 2012 · Nr. 41 Sosialurin Hugskot og viðmerkingar – send sms til 225000 Ítróttur Tað hevur higartil ikki gingið soleiðis, sum teir í EB/Streymi høvdu vónað. Gamla sjúkan, at úrtøkan er soltin fyrsta partin av kappingini, hevur vitjað aftur í Sundalagnum. Heðin Askam, venjarin hjá EB/Streymi, heldur ikki, at marginalirnir hava verið við teimum: – Leikliga yvirvágin átti at havt borið fulla úrtøku við sær ímóti KÍ, og ímóti Víkingi var tað rættuliga tætt. Spurningurin er, hvussu tað hevði tikið seg upp, um Geza Turi ikki hevði framt so framúr bjargingar beinanvegin, tá ið Arnbjørn og Hans Pauli vóru leysir frammanfyri honum. Nú er setingurin TB á heimavølli. EB/Streymur verður roknað at vera favorittur, og tað veit venjarin: – TB vísti dygdir í Runavík, og talan verður um stóra avbjóðing hjá okkum, men sjálvandi eiga vit at spæla fyri fullari úrtøku á heima­ vølli, sigur EB/Streyma venjarin. Pætur Dam Jacobsen noyddist skaddur av vøllinum eftir ein lítlan hálvan tíma í Sarpugerði fríggja­ kvøldið. Hann verður ikki tøkur í morgin. Levi Hanssen er komin heim úr Bretlandi, har hann er undir út­búgv­ing. Tað er møguleiki fyri, at hann verður við í morgin, og tað verð­ur roknað við, at Pauli G. Hansen nú er førur fyri at spæla meiri, enn hann higartil hevur gjørt. Milan Kuljic og TB eiga framvegis fyrsta stigið til góða. Kortini sigur TB venjarin seg vera væl nøgdan við avrikið ímóti NSÍ. – Eftir dystarlok segði eg spæl­ ar­unum, at eg var stoltur av av­rik­ inum, sum teir høvdu víst, og eg iðr­ aði meg saman við teimum um, at tað ikki hevði eydnast at fáa úrtøku burtur úr møguleikunum. Tað var stong út í staðin fyri stong inn. Tað verður torført í Streymnesi, tí teir har norðuri eru neyvan nøgdir við eitt stig eftir tveir dystir, men vit fara at royna, sigur Milan Kuljic. Miðvallarin Jón Magnusarson er ikki tøkur hesa ferð. Hann koykti fótin undir venjing fyrr í vikuni og er ikki førur fyri at spæla. – Vit venja framvegis í Vági, men nú gleða vit okkum av álvara til nýggi vøllurin í Trongisvági verður tøkur. Tað verður hann eina ferð í næstu viku, um tað veit væl við í veðr­inum, og arbeiðið harvið kann gerast liðugt, sigur TB venjarin. Stong út hjá báðum pørtum Fokus er á lands­kapp­ingar­dyst­ unum í morgin, meðan steypa­ dystirnir mánadagin ikki fáa rúm fyrr­enn dagurin í morgin er liðugur. Í morgin er triðja umfar í lands­kappingini á skránni. Fyrra partin av vikuni hevur tað verið hvítt, og mánakvøldið vóru venj­ingar­nar í onkrum feløgum órógv­aðar av kava. Týskvøldið bilti ikki, og hóast tað ikki verð­ur fyrrenn fram ímóti viku­skift­inum, at tað verður lýggjari, so er tað einki, sum bendir á, at tað ikki fer at bera til at spæla fót­bólt Skírisdag. Mánadagin er 1. umfar í steypa­kappingini á skránni, men í feløgunum verður í løt­ uni lítið hugsað um ta av­bjóð­ ingina. B68 eigur 2. páskadag heima­vøll ímóti 07 Vestur. Pauli Poulsen, venjari á Toftum, sigur seg í løtuni hugsa lítið um tann dystin,. – Vit fokusera á lands­kapp­ ingar­dystin Skírisdag. Tað verður ikki fyrrenn tann dyst­ urin er av, at vit fara at fyrireika okkum til steypadystin, sigur B68 venjarin, og soleiðis tykist hugburðurin av vera kring alt landið Átta dystir eru á skránni mána­dagin í steypakappingini: B68-07 Vestur, Undrið FF-B71, ÍF-EB/Streymur, FC Suðuroy- Skála, TB-HB, Víkingur-B36, KÍ-NSÍ og AB-Giza/Hoyvík. Hugsa ikki um steypið EFFo Deildin upptakt Gamli klassikarin millum KÍ og HB verður í Klaksvík í morgin. Klaksvíkingar løgdu sunnudagin rygg til 2-0 tap ímóti hinum havnar­ felagnum. Í KÍ vísa teir á, at ein møguleiki at síggja upp á tingini er, at teir ímóti EB/Streymi og B36 hava vunnið eitt stig, meðan teir í fjør einki fingu í hesum uppgerðunum. Men so er takið at vinna somu úr­ tøku sum í fjør ímóti HB. Tá vann KÍ tvær ferðir í Gundadali, og í Klaks­vík endaði klassikarin 2-2. Einasta ivamálið í Klaksvík er nýggi høgri vongverjin Gunnar Christiansen, sum hevur verið sjúk­ ur fyrra partin av vikuni. Um hann ikki verður førur fyri at spæla, er Álvur F. Christiansen, sum í fjør stóð seg rættuliga væl, ein møgu­ leiki á vongverjanum. Hóast HB hevur vunnið tvær ferðir, so heldur venjarin, Sigfríður Clementsen, at tað ikki er fyrr enn nú, at tað fer at vísa seg, um hansara lið er búgvið at kappast millum tey fremstu. – Vit hava vunnið ímóti B68, sum higartil hevur havt stórar trupul­ leikar, og ímóti uppflyt­ar­unum í FC Suðuroy. Eg havi áður sagt, at um ungu menninir spæla upp til sítt besta, so kunnu vit røkka langt, men tað er ein spurningur um at vera støðugir. Tað hava teir ver­ið higartil, men nú standa KÍ, Víkingur, NSÍ og B36 fyri framman. Vit fáa at síggja, hvussu tað fer at spæla av, men vit fegnast sjálvandi um gongd­ina higartil, sigur HB venjarin. Allir HB spælararnir eru tøkir, eisini Fróði Benjaminsen sum var leikbannaður í Vági. – KÍ hevur spennandi lið. Teir hava 8-9 evnaríkar spælarar til tey fýra framrættaðu plássini. Í verjuni eru teir eisini evnaríkir, men har kennist tað ivaleyst meinari, at tað bara er Heðin á Lakjuni, sum hevur drúgvar royndir. Fleags fyri teirra og okkara lið er, at tað eru nógvir ungir menn á liðnum, so hetta verður ein spennandi avbjóðing, heldur Sigfríður Clementsen. joannes@sosialurin.fo Sigfríður togar í bremsuna Fótbóltur Bæði í EB/Streymi og TB vóna teir, at tað hesa ferð skal bera til at bøta um tað, sum teir higartil kenna seg vera óhepnar at hava mist Fótbóltur Hóast fulla úrtøku í fyrstu umførunum so heldur HB venjarin, at tað er ikki fyrr enn næstu vikurnar, at tað fæst at síggja, hvør dugur er í hansara liði Tað verður oyggjauppgerð í Sarpu­gerði í Norðragøtu í morgin. Fyri aðru ferð í fimm dagar skal B68 royna seg ímóti Eystur­oyar liði. Eftir 4-0 tap í Gunda­dali ímóti HB og 2-0 tap á heimavølli ímóti ÍF er Víkingur næsta avbjóðingin hjá B68 og Paula Poulsen: – Vit eru allir samdir í, at avrikið í Gundadali var undir alt lágmark. Hugburðurin var als ikki tann, sum vit eiga at vísa. Ímóti ÍF var tað væl fræg­ari, og hóast vit taptu og ikki skoraðu, so haldi eg, at vit kunnu brúka tann dystin sum útgangs­støði undan avbjóð­ ingini ímóti Víkingi, heldur Pauli Poulsen, sum staðfestir, at gongdin ímóti ÌF átti at havt borið betri úrslit við sær: – Eftir málleysan 1. hálvleik vóru vit oman á fyrstu løtuna eftir steðgin, og tað var stórt spell, at tað vóru teir, sum fingu mál. Munurin var tann, at teir skoraðu upp á sínar møguleikar, meðan vit ikki megnaðu at fáa mál. Tað arbeiða vit miðvíst við at betra. Toftamenn eru illa plágaðir av skaðum. Keita og Camara eru langtíðar skaddir, Emanuel Ukpei, Jónleif Højgaard og Jann Ingi Petersen vera helst uttanfyri eitt ella tvey umfør aftrat, Dánjal Pauli Højgaard nyddist skaddur út ímóti ÍF, og nú hevur André Olsen brotið eitt rivjabein og verður tískil ikki við næsta lítla mánaðin. Í Víkingi er lagið gott. Full úrtøka í tveimum teimum fyrstu umførunum økir um sjálvs­álitið, og tað er kapping um plássini. Hóast hansara lið hevur funnið fulla úrtøku og gestirnir einki hava fingið burturúr, so roknar Jógvan Martin Olsen við torførari uppgávu í morgin: – B68 hevur ofta staðið seg væl í Gøtu, og talan er um svangt lið, sum sjálvandi er ógvuliga uppsett at vaska soltnu byrjanina av sær, og tí skulu vit vera fullkomuliga fokuseraðir, staðfestir Víkinga venjarin, sum hevur allar spæl­ ararnar tøkar undan oyggja­ uppgerðini. joannes@sosialurin.fo B68 er illa skaðaplágað Fótbóltur Víkinga venjarin roknar við stórari avbjóðing, hóast tofta­ menn higartil ikki hava megnað at skjóta mál og vinna stig