mánadagur 16. apríl 2012síða 18

Mánadagur 16. apríl 2012 · Nr. 44 18 Sosialurin Hugskot og viðmerkingar – send sms til 225000 Ítróttarblaðið Dystaðust í felags FM-tiltaki Badminton, borðtennis, judo Felags FM-finalutiltakið í badminton, borðtennis og judo var í høllini á Hálsi leygardagin, og við hópin av góðum og spennandi finalum góvu tær smærru ítróttargreinarnar sær sjálvum eitt gott umdømi Pætur Albinus Leygardagin varð skipað fyri árliga FM-finalutiltakinum hjá bad­ minton, borðtennis og judo. Hesi ítróttar­sambondini, sum seinnu ár­ini hava gingið hond í hond um at skapa teir bestu karmarnar um at avgreiða sínar finalur, megnaðu tað aftur til fulnar hesaferð. Nógvir áskoð­arar vóru komnir saman á høllini á Hálsi at síggja finalurnar, sum í fleiri førum gjørdust tættar og spennandi. Borðtennis stílaði fyri Tað var serliga í borðtennis, at final­ ur­nar gjørdust tættar. Í kvinnu­ finaluni hittust tvær ungar gentur úr TBF á Tvøroyri, nevniliga 14 ára gamla Anna Mikkjalsdóttir og 15 ára gamla Lív Øster. Lív Øster legði bragdliga fyri og vann tvey tey fyrstu settini, men júst sum hon skuldi avgera dystin, fann Anna Mikkjalsdóttir sítt góða spæl fram og gjørdi hon ikki matari enn at vinna trý tey næstu settini og harvið dystin 3-2. Eitt sera gott comeback og eitt gott avrik frá bara 14 ára gomlu tvøragentuni, sum eis­ ini gjørdist føroyameistari hjá ung­ lingum. Hjá monnunum var eisini stór­ur spenningur, har 15-faldaði føroya­ meistarin, Peter H. Niclasen, hitti ein av sínum lærusveinum, 19 ára gamla Fróða F. Jensen, í finaluni. Dysturin var javnur allan vegin, men tá ið Peter H. Niclasen var á odda 3-2, tók dysturin eina vend. Fróði vann nevniliga eitt tætt sætta sett og javnaði til 3-3, áðrenn hann í avgerandi setti spældi yvirlegið og nú – eftir at hava tapt í hálvfinaluni trý ár á rað – kann kalla seg føroya­ meistara. Rannvá, Rannvá, Rannvá Hóast Rannvá D. Carlsson hevur verið undir drúgvari upp­venj­ing eftir at í fjør hava slitið kross­ bandið, og bara vant í nakrar fáar vikur undan FM, megnaði hon at vinna heili trý meistaraheiti á finalu­degnum. Nevniliga í bland­ aðum tvímansleiki, tvímansleiki og einmansleiki. Í blandaðum tví­ mansleiki vann hon saman við Akseli Poulsen á Niclasi Eysturoy og Guri Poulsen, meðan hon í tví­ mansleiki saman við Guri Poulsen vann á mammu sínari, Bjørg Djur­ huus, og Honnu Elisu Arge. Í einmansleiki vant hon burturúr Guri Poulsen og vann bæði settini sannførandi 21-7, 21-10. Hjá monnunum vóru tað tveir leikarar búsitandi í Danmark, sum myndaðu finaluna. Nevniliga Niclas Eysturoy, sum býr í Århus, og Benjamin Gunnarstein, sum býr í Middel­fart. Niclas Eysturoy er við at spæla seg upp í tær hæddirnar, hann var í áðrenn álvarsliga skaðan, og hetta prógvaði hann eisini á finaludegnum við at vinna 2-0 í finaluni. Hann gjørdist eisini føroya­ meistari í tvímansleiki, har hann saman við Akseli Poulsen vann 2-0 á Gunnarstein-brøðurunum, Benjamin og Nikolai. Svarta beltið vann Judo hevði á finaludegnum seks finalur, og í trimum av teimum høvdu teir hesaferð loyvt ungum luttakarum upp í part. Hetta eydn­ aðist væl og var uttan iva eitt stórt upplivilsi hjá teimum minni royndu. Flestu eyguni vórðu vend mót­ vegis opna bólkinum, har luttakarar úr øllum vektklassum kundu melda seg. Í hesi finaluni dystaðust Petur Sigurð Johannesen úr Sunda Judo­ felag ímóti svarta beltinum hjá Áka Davidsen úr Havnar Judofelag. Dysturin bleiv ógvuliga hend­ ingar­ríkur, og í einum kasti hjá Áka Davidsen var tað stór ósemja ímill­um høvuðsdómaran og teir báðar hjálpardómararnar, hvussu nógv stig tað skuldi geva. Høvuðs­dómarin metti fyrst, at Áki Davidsen hevði vunnið dystin, men tað endaði við, at hann fekk 10 stig og teir fingu loyvi at dystast víðari. Petur Sigurð Johannesen hevði tá ov knappa tíð og megnaði einki at gera við Áka Davidsen, sum vardi borg og tryggjaði sær føroya­ meistaraheitið. Tey yngru í judo sluppu at royna seg á finaludegnum Mynd: Álvur Haraldsen