mánadagur 23. apríl 2012síða 22

Mánadagur 23. apríl 2012 · Nr. 47 22 Sosialurin Hugskot og viðmerkingar – send sms til 225000 Ítróttarblaðið premier league Nú er lagt upp til ársins brak Fótbóltur Manchester City kann nú aftur avgera um teir blíva enskir meistarar, eftir at Manchester United bara fekk javnleik á heimavølli í eini sannari málveitslu móti Everton. Mánakvøldið um eina viku bresta Manchester liðið saman í einum av størstu dystinum í Premier League søguni Tróndur Arge – Liverpool Tá sá leingi út til at Wayne Rooney enn eina ferð hevði tryggja Man­ chester United ein sigur, tá hann eftir gott samanspæl við Danny Welbeck legði heimaliðið á odda 4-2. Everton kom annars á odda í fyrra hálvleiki, men Wayne Rooney var skjótur at javna. Í seinna hálvleiki øktu Danny Welbeck og Nani, áðrenn Marouane Fellaini minkaði um munin til 3-2. Tey flestu mundu hugsa, at Wayne Rooney avgjørdi dystin við málinum til 4-2, men Everton gav ongantíð upp. Fyrst skoraði Nikica Jelavic sítt seinna mál og bara minuttir seinni javnaði Steven Pienaar fyri Everton til endaliga úrslitið 4-4. Tað líkjist ikki Manchester United at smida eina leiðslu upp á tvey mál á Old Trafford. Tað líkjist heldur ikki Manchester United at lata fýra mál ígjøgnum á heimavølli. Millum teir 75.522 áskoðararnar til dystin vóru 95 føroyingar, sum kom við flúgvara beinleiðis úr Vágum. City nærkast í hvørjum Manchester City er nú bara trý stig aftanfyri grannarnar. Roberto Mancini og hansara menn greiddu sína skyldu við at vinna 2-0 á nú niðurflutta Wolverhampton. Spæl­ ar­arnir hjá Manchester City vistu undan dystinum, at Manchester United hevði spælt javnleik á Old Trafford og teir aftur stóðu við avgerðini í egnum hondum. Sergio Aguero legði Manchester City á odda í fyrra hálvleiki, meðan Samir Nasri staðfesti sigurin í seinna hálvleiki. Manchester City tykist hava funnið góða spælið framaftur. Carlos Tevez var aftur við frá byrjan og tykist passa væl saman við Sergio Aguero í álop­ inum. Grannabrakið Um eina viku bresta so bæði Man­ chester liðini saman á Etihad leik­ vøllinum, har meistaraheitið helst verður avgjørt. Manchester United er trý stig frammanfyri Manchester City, sum tó hevur fyrimun av at hava betri málúrtøku, umframt at hava heimavølli í avgerandi brak­ inum. Venjarin hjá Manchester City, Roberto Mancini, niðurspælur tó møguleikarnar hjá hansara monn­um at vinna meistaraheitið. Spurdur um hvør er favorittur segði hann: – Manchester United. Teir hava trý stig fleiri enn vit og hava lætt­ ari dystir eftir, svaraði Roberto Mancini Sky Sports. Hetta kundi ljóða sum eitt tak­ tiskt úttalisi fyri at leggja trýst á Manchester United, men vedd­ ingar­fyritøkur sum eitt nú Sky Bet, meta somuleiðis at Manchester United framvegis er favorittur. Hetta kemst fyrst og fremst av Man­chester United sjálvlandi hevur ein møguleika at fáa okkurt burtur