fríggjadagur 27. apríl 2012síða 36

Fríggjadagur 27. apríl 2012 · Nr. 48 36 Sosialurin Hugskot og viðmerkingar – send sms til 225000 kjak Pínliga flaggdagsferð løgmans T að finnast ikki orð fyri hvussu pínlig flagg­dagsferð løg­ mans til London er. Og full­ komi­liga óskiljandi er tað, at landsins leiðari ikki eigur so frætt av gefühl, at hann ikki ístaðin heldir seg langt burtur. Havandi í huga, at hann júst hevur gjørt av, at stongja sendistovuna í einum av heimsins størstu og týdningarmestu høv­uðs­ staðum. Heldur áttu vit at sett okkum visjónir og mál um at víðka og útbyggja sam­ starvið við Stóra Bretland.   Nei, hann velur heldur, am­bráður, at bjóða til veitslu! Og henda veitsla - sum í veru­leik­an­um er eitt ervi - skal haldast inni undir skjúrtufaldinum á donsku sendikvinnuni, har føroyingar í London kanska sleppa innum. Um tey altso hava minst til at tekna seg, so tey fáa eina innbjóðing. Merkið skal hátíðarhaldast, og spennandi verður at sjá um tað blánar í einum horni í stovuni, har Dannebrog og danska skjaldramerkið sjálvsagt eiga heiðursplássið. Vit kunnu íhvussu er vera viss um at tað rodnar. Er onki mark fyri undirbrotligheitini og manglandi pli-kensluni hjá okkara fremsta leiðara? Eg skilji hetta ikki, men kanska finst ein frágreiðing. Tað hevði sømt seg, um løgmaður gevur Føroya fólki eina grundgeving, ið kann kasta ljós á endamálið við ferðini? Eg øvundi ikki støðuna hjá røðuskrivandi embætisfólkinum, sum helst kýtir seg fyri at pynta uppá og rættvísgera tann absurda sjónleikin, sum gestirnir verða vitni til. Heldur átti landsstýrið at satsa stórt uppá Bretland. Fyrst og fremst við at tora at stuðla eini flogrutu til London minst tvær ferðir um vikuna í eitt 3-5 ára skeið, fyri at leggja lunnar undir at hendan ruta við tíðini kann hvíla í sær sjálvum. Og í øðrum lagi við at víðka sendistovuna við at skipa eina útflutningsstovu. Útflutningsstovan skal hjálpa og vegleiða føroyska vinnulívinum at knýta røttu sambondini, so Føroyar kann fáa handilsligt gagn av hesum veldiga marknaði. Fyri ikki at tala um síðuvinningar av øllum hugsandi slagi innan mentan, ítrótt, útbúgving og á mongum øðrum økjum. Um vit tordu at satsa uppá at styrkja samband og samvinnu við Stóra Bretland, er ivaleyst, at serliga ferðavinnan hevði upplivað eitt kvantum-lop. Við regluligum ferðasambandi hevði tað eisini verðið gjørligt at pendla millum heimstað í Føroyum og arbeiði í London ella øvugt. Hetta hevði verið eitt stig á leiðini til fólkavøkstur, tí á henda hátt fáa vit knýtt føroyingar, ið eru búsitandi og lesandi í Stóra Bretlandi tættari til føroyska samfelagið. Bara hugflogið setir mørk fyri øllum vakstrarmøguleikunum, ið liggja í styrktum sambandi við Bretland. Men samgongan velur heldur at vinda Merkið í stong fyri at hátíðarhalda, at vit pakka saman og avbyrgja okkum frá umheiminum. Congratulations, well done. Gunnvør Balle Tingkvinna fyri Tjóðveldi Kvett ikki Merkið, harra løgmaður! F laggdagur er, og Merk­ ið er vundið hún­ar­ hátt. “Har ið merk­ini veittra, veittri eisini mítt; tað ber kvøðu frá landi mínum fagurt og frítt” yrkti skaldið mæta, og vit syngja av insta hjarta. Men undir vakra sang­inum skurrar ófrætta­ kent lag. Tí ímeðan vit øll savnast um Merkið, er løg­ maður farin at kvetta før­ oyska flaggið á sendistovu Før­oya í Stóra Bretlandi. Vit hoyra varðar rapa, so hvørt, sum samgongan tekur hornasteinarnar undan tí sjálvbjargni, ættarlið við tógv­ið stríð hava bygt upp. Samhaldsfesti verður um­býtt við sjálvsøkni. Sjálv­ bjargni við sterkari leinkj­ur til Danmarkar. Og fremsti­ maður samgongurnar held­ ur flaggdagsrøðu heima hjá donsku sendikvinnuni. Í London, har føroyska flaggið ikki longur skal vindast á stong. Dýrgoldin sparing Sendistova Føroya í Stóra Bretlandi, sum røkir sam­ bandið við Ong­land, Skot­ land, Wales, Norður­írland og Írland, verður stongd. Endamál? At spara 500 túsund krónur í 2014, eina millión í 2015, og nøkur smáoyru afturat seinni! Hvussu kunnu samgongulimirnir í Fólkaflokkinum, Mið­flokk­ inum og Sjálvstýris(!)flokk­ inum, sum hava hollan meiri­luta í samgonguni, góð­taka slíka ørsku? Fyri hesa minimalu løtusparing í køks­kassanum hjá løgmanni og fíggjar­málaráðharranum, missa vit eitt heilt týð­andi amboð at byggja upp sam­ bandið við ein risa­marknað, sum er okkara n æ s t i granni. Heldur enn at nið­ urleggja sendistovu Føroya í Stóra Bretlandi, átti hon at verið upp­raðfest. Sjálvandi. Við fólki, sum hava drúgvar roynd­ir úr vinnulívi og gjarna eisini politikki, sum kunnu knýta røttu sambondini, og byggja út samstarvið innan ferðavinnuna, oljuvinnuna, fiskivinnuna, mentanarliga og ikki minst í mun til út­ búgv­ingarmøguleikar hjá okk­ara ungu. Eyðsýndu møguleikarnir Vit tosa um ein marknað, sum telur fleiri enn 60 milli­ónir fólk, og sum eisini hev­ur fast tunnilssamband við restina av Evropa. Vit inn­flyta í dag 10 ferðir so nógvar vørur úr Danmark, sum úr Stóra Bretlandi, hóast tað er millum 30 og 40 % dýrari at keypa vørurnar í Danmark. Og vit tosa um eitt landaøki, sum hevur alt at bjóða í mun til útbúgvingar- og vinnu­ møgu­leikar. Júst av hesi orsøk legði undirritaða vegna Tjóðveldi fram løgtingsmál 153/2011 – upp­skot til samtyktar um at útbyggja handils- og ferða­sam­bandið við Stóra Bret­land. Málið verður í løtuni viðgjørt í Uttan­lands­ nevndini. Eingin ivi er um, at ein øktur samhandil við bretska meginlandið kundi givið grund­arlag fyri flogleið alt árið til ein av heimsins fremstu høvuðsstøðum, Lond­on, umframt til olju­ bý­in Aberdeen og skotska høvuðsstaðin og fíggjar­mið­ depilin, Edinburg. Men, í staðin fyri at seta ferð á seglini, verða tey repað, og sendistovan niðurløgd. Uttan annað endamál enn at spara nøkur fá oyru. Slíkt visjónsloysi breiðir myrkar skuggar yvir várið. Flaggdagurin minnir okk­um á, at einki kemur av ong­um. Hvørt einasta fet á sjálvbjargnisleið krevur stremban og kostar knoss. Men, tað gevur altíð fleirfalt aftur. Tí má løgmaður ikki sleppa at kvetta Merkið í Stóra Bretlandi! Á flaggdegnum 2012 Bjørt Samuelsen Tingkvinna fyri Tjóðveldi