mánadagur 30. apríl 2012síða 16

Mánadagur 30. apríl 2012 · Nr. 49 16 Sosialurin Hugskot og viðmerkingar – send sms til 225000 Ítróttarblaðið EFFO deildin 6. umfar 1. deild Pætur Albinus Tað hevur ikki verið tað sama um B36, sum tað var meistaraár teirra í fjør. Teir borðreiða við góðum fót­ bólti, men á síðsta triðinginum á vøll­inum eru teir nakað tannleysur og verjan hevur afturvendandi heila­bløðingar. Hetta sama var støð­an sunnudagin, tá ið eitt væl skipað og effektivt B68-lið kom, sá og sigraði. B68 væl skipað Tað var B36, sum var omaná fyrstu løtuna, men B68 stóð ógvuliga væl á vøllinum og heimaliðið hevði trupul­leikar við at spæla seg ígjøgnum. Hinvegin vóru toftamenn meiri avgjørdir, tá ið teir vunnu sær bóltin og settu ferð á frameftir. Bæði liðini høvdu nakrar smá­ vegis málmøguleikar og í 26. minutti bragdaði hjá B68. André Olsen legði bóltin væl innfyri, har Ndende setti høvdið á bóltin og umvegis Jonas Flindt Rasmussen fór hann í málið til 1-0 til B68. B36 varð tvungið til at finna eitt aftursvar, men vegna ógvuliga ivasamt spæl bar hetta als ikki til í fyrra hálvleiki, og kundi B68 tískil fara til hálvleiks á odda 1-0. Revsaðu meistararnar Í seinna hálvleiki legði B36 bragdliga fyri og uppskriftin var greið. Teir høvdu sett beina kós ímóti mál­ inum, men verjuskipanin hjá B68 helt framvegis tætt og beindi alt, sum fyri kom, av vandaleið. B68 lúrdi eftir skjótálopum, og umvegis einum av hesum var Christian Høgni Jacobsen um repp­ ið at avgera dystin, tá ið hann varð spældur púra leysur. Hann var tó óheppin og rakti á stongina. Í somu støðu stoytti Christian Høgni saman við B36-málverjanum, Meinhardti Joensen, sum gjørdist skaddur og mátti avloysast av bara 17 ára gamla Jákupi Højgaard. B36 legði eitt alsamt størri trýst á B68 og í 70. minutti bragdaði. Róaldur Jakobsen tók sakina í egnar hendur, setti tveir mans av og við brotsteigarmarkið beindi hann bóltin eftir jørð í netið til 1-1, Ímóti dystarenda hevði B36 eitt risa stórt trýst og var tætt við at avgera dystin – eitt nú skeyt Súni Olsen á tvørtræið. Tað, at B36 vágaði so nógv, kom at kosta teimum. Eftir ein verju­ brølara slapp Christian Høgni Jacobsen at renna púra leysur, hann sneiddi málverjan av og beindi bólt­ in í málið til 2-1 til B68, sum eisini gjørdist endaliga úrslitið. B36 hevur nú tapt tveir dystir á rað í tykist dragna í oddastríðnum, meðan B68 við triðja sigrinum á rað hevur otað seg upp á eitt deilt fimta pláss. albinus@sosialurin.fo Meistararnir snávaðu aftur Fótbóltur B36 stríðist framvegis við at finna stevið, sum gjørdi teir til meistarar í fjør. Tað funnu teir eiheldur sunnudagin, tá ið teir annað vikuskiftið á rað taptu á heimavølli – hesaferð 1-2 ímóti B68 Myndir: Álvur Haraldsen Jóannes Hansen Tað eru 22 umfør eftir at spæla í næstbestu fótbóltsdeildini. Eftir fimm umfør tykist tað rættu­liga greitt, hvørji tey bæði feløg­ini verða, sum næsta ár skulu avloysa tey bæði, ið fara at flyta niður úr Effodeildini. 07 Vestur og AB hava eftir tvey tey fyrstu umførini fulla úrtøku. Tvey onnur feløg hava teo­retiskan møguleika at flyta upp. Tey eru Skála og B71. Skála hevur higartil vunnið ein, spæld tveir javnar og tapt tveir dystir, og B71 hevur vunn­ ið ein, spælt ein javnan og tapt tríggjar dystir. Tað eru tíggju stig frá Skála og fram til tey bæði fremstu, og tað eru ellivu stig frá B71 og fram til tey bæði fremstu. 07 Vestur hevði leygardagin vitjan av B71, og tað var einki at ivast í. Miðskeiðis í 1. hálvleiki var 3-0 til heimaliðið, og so var spurningurin bara, hvussu stór­ur heimasigurin fór at verða. 07 Vestur skoraði bara eina ferð aftrat og vann har­ við 4-0. AB hevði vitjan av teimum næstbestu hjá EB/Streymi, og eisini í hesum førinum varð talan um 4-0 heimasigur. Teir í Sunda­lagnum eiga framvegis fyrsta sigurin til góða, og teir eru aftastir í deildini. AB dúvar upp á teir, sum eru uppvaksnir í felagnum, og hesa ferð vóru allir málskjúttarnir hundrað prosent AB spælarar. Skála var í Klaksvík í gjár. Har var talan um tætta og spenn­andi uppgerð, og hóast Skála legði seg á odda í 1. hálv­ leiki, so eydnaðist tað teimum næstbestu hjá KÍ at vinna eitt stig burtur úr uppgerðini. Góða gongdin hjá Víkingi helt fram. Á Svangaskarði vunnu teir úr Eystur kommunu oyggja­uppgerðina millum teir næst­bestu á Toftum og í Gøtu/ Leirvík við 3-0. Eisini í Gundadali var talan um greiðan 4-0 heimasigur, tá ið teir næstbestu hjá HB høvdu vitjan av teimum næstbestu hjá NSÍ. Hetta var fyrsta ferðin í ár, at HB vann fulla úrtøku. joannes@sosialurin.fo 07V - B71 4-0 (3-0) 1-0: Holgar Djurhuus 12. 2-0: Tór-Ingar Akselsen 16. 3-0: Ásmund Hansen 24. 4-0: Tór-Ingar Akselsen 64 B68 - Vík. 0-3 (0-2) 0-1: Bergur Gregersen 32. 0-2: Per Gregersen 35. 0-3: Per Gregersen 89. AB - EB/S 4-0 (1-0) 1-0: Jónas Stenberg 28. 2-0: Jobin Drangastein 47. 3-0: Jónas Stenberg 50. 4-0: Dion B. Splidt 90. HB - NSÍ 4-0 (1-0) 1-0: Dávid R. Nolsøe 41. 2-0: Dávid R. Nolsøe 48. 3-0: Høgni Midjord 53. 4-0: Rói av Fløtum 76. KÍ - Skála 1-1 (0-1) 0-1: Sjúrður Djurhuus 14. 1-1: Oddmar Marsten 56. 6. umfar: AB - B68 Skála - EB/Streymur KÍ - HB B71 - NSÍ 07 Vestur - Víkingur Uppflytingin mest sum avgjørd Fótbóltur Tíggju stig eru frá teimum báðum fremstu og aftur til næsta liðið, ið hevur teoretiskan møguleika at flyta upp í Effodeildina 1. Deild menn nr. lið dystir vunni javnt tapt + mál - mál +/- stig 1 07 Vestur 5 5 0 0 19 1 +18 15 2 AB 5 5 0 0 17 3 +14 15 3 Víkingur II 5 4 0 1 17 6 +11 12 4 KÍ II 5 2 1 2 8 10 -2 7 5 Skála 5 1 2 2 7 9 -2 5 6 HB II 5 1 1 3 9 12 -3 4 7 B68 II 5 1 1 3 8 13 -5 4 8 B71 5 1 1 3 7 17 -10 4 9 NSÍ II 5 1 0 4 3 17 -14 3 10 EB/Streymur II 5 0 2 3 5 12 -7 2