mikudagur 2. mai 2012síða 8

Mikudagur 2. mai 2012 · Nr. 50 8 Sosialurin Hugskot og viðmerkingar – send sms til 225000 Tað heglaði við vanvirðing 1. mai dags hald Samgongan eigur at leggja frá sær og lata aðrar politikarar sleppa framat, so liviligt verður aftur í Føroyum. Hetta var høvuðsboðskapurin á 1. mai dags haldinum í Havn Randi Jacobsen Mangan hava bara nøkur fá tandur verið á Vaglinum til 1. mai dags hald, men í ár var uppmøtingin heilt góð. Nøkur hundrað fólk høvdu leitað sær í býin í góða veðr­ inum, um enn kalt var, tá ið sólin ikki sá. Tað var ikki so løgið, at so nógv fólk vóru har, tí misnøgdin millum fólk er sera stór við førda politikkin hjá samgonguni. Summi høvdu tí væntað, at Vaglið fór at vera stúgvandi fult sum á ólav­søku, men so var ikki. Tingfundurin steðgaði stutt fyri, at haldið byrjaði, og nøkur løgtingsfólk leitað sær út um, men tað vóru mest tingfólk úr andstøðuni, sum stóðu leingi og hoyrdu allar ákoyringarnar. Hetta kom eisini fram í øllum fimm røðunum, sum hildnar vórðu. Røðararnir vóru bersøgnir um vantandi virðing fyri sam­raðingarrættinum, um flat­skattin, stóra arbeiðs­ loysið, skattafríar ágóðar hjá politikarunum, um pen­sjón­ ir­nar, sum politikararnir fáa og ikki mugu gjalda til sjálvir. Um tey mongu væl útbúnu, sum ikki koma heim aftur, sum skilið er. Kaj Leo Johannesen, løg­maður, sum gav avboð til fund við fakfeløgini og í staðin fór á Facebook at láturlig­gera fakfeløgini, fekk toyggið. Jørgen Niclasen, landsstýrismaður í fíggjar­ málum, fekk sanniliga eisini sítt. Føroyingar eru friðardýr Maud Wang Hansen, for­ kvinna í Føroya Pedagogfelag endurgav onkran fyri at hava sagt, at samgongan eigur at vera fegin um, at føroyingar eru so friðarligt fólk. Tí hvat kundi ikki hent, um so ikki var? Hon hartaði fólk fyri at vera ov góð í sær og nóg illa møta til fyrsta mai dags hald. Hon reksaði upp allar teir samfelagsbólkar, sum rúm ikki er fyri í Føroyum. – Her er bert rúm fyri teim­um ráðaríku. Eli Brimsvík, formaður í Havnar Handverkarafelag var heldur ikki mjúkur í sín­ um orðum. Hann nevndi bæði ávísar politiskar avgerðir og nevndi eftir hansara tykki óbrúkiligar politikarar. Andstøðupolitikarin Gerhard Lognberg fór eisini illa við samgonguni, men fólk høvdu hug at smírast ella at rista á høvdinum, tí ið hann tosaði um, at vit gjalda ov nógv í skatti, og at summi hava góða pensjón. Røðararnir aftaná hildu fram við atfinningum mót lands­stýrinum, og seinasti røð­ar­in, sjónleikarin Bárður Persson var at annað enn spak­ur. Summi øtaðust, onn­ ur visti ikki, um tað var álvari ella sjónleikur. Ein kaldan 1. mai er nokk­ so nógv at hava fimm røðarar við horntónleiki og øðrum tónleiki ímillum. Tí minkaðin fjøldin, sum frá leið. randi@sosialurin.fo