mánadagur 7. mai 2012síða 18

Mánadagur 7. mai 2012 · Nr. 52 18 Sosialurin Hugskot og viðmerkingar – send sms til 225000 Ítróttarblaðið EFFO deildin 7. umfar Pætur Albinus FC Suðuroy hevði undan dystinum ímóti grannunum av Tvøroyri ikki megnað at skorað eitt einasta mál í Effodeildini, og einans eitt stig var komið á kontuna. Tískil var týdn­ ingurin av einum sigri til heima­ liðið sera stórur, meðan TB kanska ikki høvdu eins stórt trýst á sær, givið teirra toluligu byrjan á kapp­ ingar­árið. Høvdu knívin á barkanum Dysturin ímóti grannunum av Tvør­ oyri, var ein dystur, ið FC Suðuroy helst mátti vinna, fyri at teir ikki skuldu dragna ov nógv frá hinum liðunum í botninum. Tað tóktist eisini, sum vóru heimamenn fullgreiðir yvir hetta, og løgdu teir eitt stórt trýst á gestirnar alt fyri eitt. Stóra trýstið gav eisini úrslit eftir bert fýra minuttum, tá afturvendi málkongurin, Jón Krosslá Poulsen, kom at standa leysur í TB-brotsteiginum. Frí­ sparkið frá Poul N. Poulsen fall heppið fyri føturnar á Jón, sum lang­aði til. Heppið fyri hann og heima­liðið, so forðaði onkur skot­ inum, og Ivan Stojkovic í TB-mál­ inum kundi síðani bert hyggja at, meðan bólturin smeyg sær í einum bleytum boga upp um hann og niður við tvørtrænum. Frøðin var, sum vera man, sera stór, tí nú var loksins eydnast FC Suðuroy at fáa hol á málskjótingina, og so ímóti TB av øllum liðum! Skaði broytti dystin TB hevði tað trupult við at steðga ágrýtnu FC Suðuroy-leikarunum, sum høvdu leikliga yvirvág allan fyrra hálvleik, ella rættari, teir gúpp­aðu í minni mun burtur, enn gest­ir­nar gjørdu. Flótandi fótbólts­ pæli var lítið av á Eiðinum. Tá ið fimm minuttir írestaðu av fyrra hálvleiki, máttu FC Suðuroy skifta ganesiska David Asare út, og skaðin var somikið álvarsligur, at hann í skundi varð fluttur á Suður­ oyar Sjúkrahús. Asare varð tó út­ skrivaður sunnudagin, og hevur tað eftir umstøðunum gott. At missa ein so góðan leikara, sum Asare, tóktist at nerva heima­ liðið nógv, men 1-0 støðan helt sær tó til hálvleiks. Í seinna hálvleiki trekti FC Suður­oy seg eitt sindur longur aftur og dúvaðu á mótálop, meðan tvøra­ menn komu meira við í dystin. Sum heild var annar hálvleikur merktur av nógvum skeivum av­ leveringum og fríspørkum, og júst slíkt var uppleggið til útjavnandi málið hjá TB smáar tíggju minuttir inn í seinna hálvleik. Ónøgd við fríspark Frísparkið smekkaði Bojan Timic innfyri, og fremstur og hægstur var Martin Tausen, sum hegnisliga stútaði aldursforsetan á javnt til stórt vónbrot fyri heima­áskoðar­ ar­nar, sum greitt hildu, at Igor Grkajac hjá TB hevði blakað seg til frí­sparkið. Ikki tykkum at siga, var hinvegin ovurhondstór gleði á nógvu TB-fjepparunum. Hóast nakrar málmøguleikar afturat til FC Suðuroy, og onkran til TB seint í dystinum, so komu ikki fleiri mál á Eiðinum leygardagin, og tað úrslitið eru tvøramenn uttan iva fegnari um, enn grannarnir fyri sunn­an. FC Suðuroy hevur nú skorað sítt fyrsta Effodeildarmál, so kanska tað fer at ganga lættari fram­yvir hjá teimum. albinus@sosialurin.fo Javnt suðuroyarbrak Fótbóltur FC Suðuroy og TB samdust leygardagin um 1-1 javnleik, men so var tað ikki meira, ið liðini samdust um. Dysturin fer neyvan í søguna fyri gott fótbóltspæl, men hvat spenningi og intensiteti viðvíkur, har væntaði avgjørt einki Mynd: Áki Bertholdsen