mikudagur 16. mai 2012síða 8

Mikudagur 16. mai 2012 · Nr. 56 8 Sosialurin Hugskot og viðmerkingar – send sms til 225000 Fámará festið til sølu Ævintýrið í Fámará hjá Johan í Kollafirði syngur sítt seinasta ørindi. Festið er sett til sølu, og tá keypari er funnin, yvirtekur hann festið við hartil hoyrandi bygningum Leo Poulsen »Hervið verður festið í Fámará vegna Bún­aðar­ stovuna lýst leyst til sølu til hægstbjóðandi. Á festi­ brævinum er: Mart.nr. 648 a, Vágur, 4 merkur, 9 gyllir og 10 1/3 skinn. Á festinum eru festi­ bygn­ingar og sethús. Gjørt verður vart við, at bygn­ing­ ar­nir eru í ógvuliga vána­ lig­um standi, og at teimum tørv­ar munandi ábøtur«. Soleiðis byrjar lýsingin hjá Búnaðarstovuni, sum set­ur festið við Fámará til sølu. Bjørn Patursson, leiðari á Búnaðarstovuni, leggur tó dent á, at talan er ikki um at selja jørðina hjá landi­ num, men bara sjálvt festið. Fámará hevur ligið festara­leyst, síðani seinasti fest­arin, Arni Brattaberg, legði festið frá sær. Síðani tá hava nógvar ymisk­a­r verkætlanir verið uppi og vent. Ætlanir um at gera festið um til eftirskúla og viðgerðarheim hava ver­ið umrødd, men einki er komið burtur úr hesum ætla­num. Avtala varð gjørd við ein suðuroying um at hava eygu­ni eftir festinum, so leingi eingin festari er, og meðan verkætlanir um alternativt brúk av festi­ num verða viðgjørdar. Allar aðrar ætlanir eru nú sleptar, og tí er avgerð tik­in um at lýsa festið leyst til sølu. Johan út Bjørn Patursson, stjóri á Bún­aðarstovuni, sigur, at avtalan við Johan í Kolla­ firði einki hevur við Bún­ aðar­stovuna at gera. - Tað er uppisitarin av festi­num, sum hevur gjørt eina avtalu við Johan í Kolla­firði, og tað hevur als einki við Búnaðarstovuna at gera. Hinvegin er tað so, at ein nýggjur festari yvir­ tekur allar bygningar, ið hoyra til festið, íroknað set­ hús­ini, sigur Bjørn Paturs­ son. Hetta merkir, at tá nýggjur festari er stað­fest­ ur, yvirtekur viðkomandi eisini sethúsini, har Johan í Kollafirði býr í dag, og so má Johan finna sær annan bú­stað. Tað er heldur ikki hvør sum helst, ið kann keypa eitt festið, tí eftir nýggju lóg­ini um landsjørð er ein treyt, at »Festarin skal hava í minsta lagi tvey ára royndir frá arbeiði inn­ an landbúnað umframt í minsta lagi hálvt á á land­ búnað­ar­skúla ella góðkent kvøld­skúla­skeið innan land­búnað«, sum tað stend­ ur í lýsingini. Ein onnur treyt er, at »Fest­arin skal í hesum føri hava fastan bústað í Suðuroy. Víst verður ann­ ars til kunngerð nr. 95 frá 23. oktober 2007 um um­ siting av landsjørð«. Nærri avtala Tað er ikki víst á nakra tíðar­freist fyri at bjóða upp á festið, og tað er heldur eing­in áseting um, nær fest­ið verður yvirtikið. Dentur verður lagdur á, at tað er festibrævið, sum er til sølu, og ikki land­s­jørð­ in sjálv. Festibrævið virkar á sama hátt sum eitt skjeyti hjá einum ognara. Tá ein ognari selur sína ogn, verð­ ur skeytið lagað til. Sama er galdandi fyri eitt festibræv. Í lýsingini stendur, at »Tá bjóð­að verður, skal tann, sum bjóðar, prógva, at hann lýkur treytirnar um royndir og jarðbrúkskunnleika. Har­um­framt skal váttan frá pen­inga­stovni um fígg­ ing fylgja við boðnum. Yvir­ tøk­an fer fram eftir nærri av­talu«. Tað er sjáldan at festi verð­ur handlað á hendan hátt, og tí dugir Bjørn Paturs­son illa at siga, í hvørj­ari príslegu boðini fara at liggja. - Eg kundi hugsað mær, at eitt slíkt festi sum Fámar­á kundi havt áhuga mill­um suðuroyingar. Nú tosað verður so nógv um vinnumøguleikar í Suður­ oynni, kundi eitt slíkt festi verið kombinerað við ferða­ vinnu til dømis, sigur Bjørn Paturs­son. Fámará hevur ligið uttan festgara síðani Arni Brattaberg segði tað frá sær fyri nøkrum árum síðani