fríggjadagur 18. mai 2012síða 13

13 Fríggjadagur 18. mai 2012 · Nr. 57 Sosialurin Hugskot og viðmerkingar – send sms til 225000 nøvn Tað eru sunnudagin liðin 110 ár, síðani Kuba tók loysing frá USA og gjørdist sjálvstøðugt land. Kamerounski fótbóltsspælarin Roger Milla fyllir sunnudagin 60 ár. Hann var stóra hetjan hjá Kameroun í HM-endaspælinum í Italia í 1990. Nú er Hans aftur ein glaður maður, ongin pína onki stríð og strev, nú er tú heima hjá teimum kæru sum undan tær eru farin. Ikki vardi tað meg, at tú skuldi fara so bráðliga, men eg veit eisini, at Gud hevur spart teg, og tað er ein uggi fyri okkum, sum eftir sita, nú tú fór um sýnina. Tú var mær ein góður mammubeiggi, altíð klárur at hjálpa mær, eg skuldi bara nevna tað fyri tær, sjálvt um eg visti, at tú ikki altíð timdi/ orkaði so væl, segði tú ikki nei. Teir allar fyrstu barna­ skógv­arnar sleit tú upp sam­an við syskjum tínum á Langa­sandi, so fluttu tit suð­ ur til Skálavíkar, tá var tú bert 8 ára gamal. Skjótt bleiv tú Skálvíks maður og var skál­ víksjingur um ein háls, vinir hjá tær ringdu ofta niður til tín, meðan tú var staddur á sjúkrahúsinum hesa tíðina, og aftan á óðnarveðrið, sum herjaði um oyggjarnar í no­ vemb­ermánaði, visti tú betri enn eg, hvat var farið og ikki, tí at tínir góðu vinir vildu, at tú skuldi fylgja við, hvat hendi har heima. Ungur var tú, tá tú fór úr at sigla, tað tær dámdi allar­ best, hóast nógv seta teg í sam­band bilin á Mølini, sum tú koyrdi í fleiri ár. Tú kom illa til skaða í beininum við fleiri brotum, men tú yvirtók bilin og hevði hann sjálvur í nøkur ár. Síðani fór tú so út aftur at sigla, tú sigldi í fleiri ár við Skansatanga, til tú í 90’unum gavst at sigla. Helst er tað tá, tað byrjaði at bila við heilsuni hjá tær. Tað handaliga lá sanni­ liga ikki eftir teg, var tað ein umvæling av einum hvørj­um slagi, dugdi tú, ikki bara at gera tað, men eis­ ini at forklára, hvussu onn­ ur skuldu gera, eisini ung­ dómurin flokkaðist inni hjá tær, har teir dámdu væl. Eg eri ótrúliga glað fyri, at eg kundi verða saman við tær teir síðstu dagarnar á Ríkissjúkrahusinum, tað var deiligt at síggja teg aft­ur, tú sá so fittur út tá tú stóð og bíð­aði, til eg kom á sjúkra­ húsið tann dagin, eg kom niður. Vit høvdu nakrar hugna­ ligar dagar har, dagin fyri tú fór, vóru vit ein túr niðri í for­ høllini, men nógvi vind­urin gjørdi, at vit ikki hætt­aðu okkum útum. Hesir hugna­ ligu dagar flugu avstað, men vit fingu prátað, flent, og tú fekk fortalt um alt byggjaríið, sum var farið fram rundan um har, meðan tú hevði verið har. Allatíðina helt tú vónini uppi hjá okkum, at nú gekk frammá, sjálv nú tá tú hevði fingið at vita, at tú skuldi missa beinið, fortaldi tú fyri mær um mannin, sum fór til útróðrar bert við einum beinið. Nakrar ferðir hava vit bæði verið í Danmark í sjúkra­ørindum. Sjálvt um tað hevur verið álvarsamt hjá tær, hava vit hugnað okk­um, eisini tá vit vóru á kanal­fart og eg sum vanligt fekk sjó­verk, og tú flenti at mær, tí har kundi eg ikki fáa sjóverk . Eg vil takka fyri nógvar góðar løtur saman, takk fyri at tú var tú, takk fyri tað tú hevur verið fyri okkum, vit síggjast aftur handan támið, saknurin er stórur og minnini rík . Við hesum fáu orðum vil eg lýsa frið yvir minnið um mammubeiggja mín Hans í Gøtuni Marjun Hans Djurhuus, f. 26.09 1946 d. 29.11 2011 Hans í Gøtuni Takk Um tú starvast har á sjógvi ella landi Um tú leitar tær heilt burt í onnur lond Kærleika til heimstað tín tú altíð hevur Og í sinninum har bíðar heima strond Hann gekk her í millum dunnurnar og seyðin Hann varð glaður fyri lívið hvønn ein dag Vinir hittu hann so mangann har í túni Men nú er farin hann í ein annan stað Hann var fróður tá í vinirnar hann hitti Og í dreymi silgdu manga vanda ferð Nú í køkinum har valdar friður Tí nú sigld er yvir havi sístu ferð Friðarliga gekk tey sístu ár í túni Altíð klárur til at geva hjálpar hond Nú í lítla fari sínum har hann liggur Ferðin gongur heim til føgru himna strond Nú farvæl til hendan mann vit vilja siga Nú í lívsins tráður slitin er á fold Og á kirkjubrík hann vilja vit nú minnast Nú hann lagdur verður friðarligt í mold Hans Djurhuus f. 26-09-1946 d. 29-11-2011 Vit takka hjartaliga fyri sýnda samkenslu, tá okkara kæri beiggi, mammu- og pápabeiggi, ommu- og abbabeiggi Hans Djurhuus (Hans í Gøtuni) andaðist og varð jarðaður. Takk til tykkum, sum vóru í kirkjuni tá vit komu suður. Takk til Jákup Reinert Hansen prest. Takk til tykkum mongu, sum fylgdu Hans á síni síðstu ferð. Takk til sangarar og berarar, takk fyri blómur og kakur og fyri alla hjálp yvirhøvur hesar dagarnar. Takk til O. O. fyri sangin, sum lýsti Hans so væl. Systkini www.sosialurin.fo www.sosialurin.fo www.sosialurin.fo