fríggjadagur 18. mai 2012síða 38

nr. 57 · 18. mai 2012 6 VIKUSKIFTI TIPS FRÁ eydnu eydna@sosialurin.fo Hóast várið hevur verið kalt, so eru rabarburnar farnar at vaksa. Smáu, nýkomnu rabarburnar kunnu saktans nýtast, og tær hava sera góðan smakk. Men tær enda ofta bara í hálvkeðiligum rabarbukøkum. Her eru nøkur øðrvísi hugskot til, hvussu vit kunnu njóta ársins fyrstu rabarbur Undirmettu rabarburnar... Rabarbusaft Rabarbusaft er frísk og svalandi, hevur vakran lit, er løtt at gera og hon smakkar so sera væl. Hon kann samstundis nýtast á nógvar ymsar hættir. 2 kg av rabarbum, 250 gr av sukri (møguliga meiri, tá tú smakkar til ), 1/2 litur av vatni, møguliga eina stong av vanilju, nakrar skivur av ingifer ella eitt sindur av sitrónsaft, alt eftir hvønn smakk tær lystir. Sker rabarburnar í bitar á 2 cm. Lat alt tilfarið í eina grýtu og lat tað smákóka í uml. 30 min. til rabarburnar næstan kóka sundur. Smakka til við meiri sukri ella sitrónsaft. Stoyt saftina ígjøgnum eina sílu ella eitt klæði, og stoyt so í reinar, turrar fløskur. Set kalt. Saftin heldur sær í fleiri mánaðir, um fløskan ikki verður latin upp alt ov ofta. Blanda saftina við vatni, tá hon skal drekkast. Prei: Tað, sum liggur eftir í síluni, tá saftin er runnin ígjøgnum, kann nýtast sum kompott afturvið t.d. kjøtrættum. Prei: Súrepli ella ymisk sløg av berum, sum skulu í køkur av øllum handa slagi, kunnu saktans skiftast um við rabarbur. Rabarbu-chutney Chutney kann nýtast afturvið mestum øllum rættum; bæði fiski, kjøti, pasta, ovnrættum og grýturættum. Tað gevur ein spennandi og øðrvísi smakk og er sera gott afturvið grillaðum mati. 500 gr av smáttskornum rabarbum, gular ella grønar rosinur, 1,5 dl av hvítvínseddiki, 3 dl av rørsukri, 2 súpsk. av rivnum ingifer, 2 tsk av sinnopspulvuri, salt, eitt dism av cayennupipari, 2 smáttskornir skalottuleykir. Ynskir tú ein sterkari smakk, lat so eitt smáttskorið chilipipar í eisini. Ynskir tú tað enn sterkari, lat so eisini chilifræini fara við í grýtuna. Lat alt tilfarið í eina grýtu og lat smákóka undir loki í 10 min. Rør, set hitan upp og lat tað kóka, meðan tú rørir í uml. 5 min – ella til tú metir, at tað er vorðið nóg tjúkt. Rabarbuhøsnarungi Við leyki, mandlum og kryddi. 4-6 fólk 1 stóran, góðan høsnarunga, 2 nevar av flustum mandlum, salt, 1/2 kg av rabarbum, 4 smáar reyðleykir, 3 fed av hvíttleyki, 12 cm av kanelstong, sum er brotin í 3-4 bitar, 10 heil fræ av allahanda, sum eru grovt knúst, 3 heilar nelikar, 5 heil fræ av kardumummu, sum eru grovt knúst, 10 knúst piparkorn, 1 tsk av knústum korianderfræum, smør ella olju, 1 stóra appelsin, 4-6 súpsk av hunangi, smáttskornar, blandaðar kryddurtir, t.d. persillu, koriander, timian o.a. Sker høsnarungan í 12-14 bitar við at skera bringu, lør, veingir og rygg í smærri bitar. Stroy salt á høsnarungan og lat liggja, meðan restin verður riggað til. Set ovnin á 225 stig. Skola og sker rabarburnar í bitar á 3-4 cm. Flys hvíttleykin og sker hann í 1/4. Smyr eitt stórt, eldfast fat við smøri ella olju og legg rabarbur, leyk, hvíttleyk, mandlur, høsnarunga og kryddurtir í. Sker tvær álar av appelsinskali og legg í. Blanda saftina frá appelsinini við hunangi, salti og 2 dl av vatni. Dryppa vætuna yvir alt í fatinum og set í ovnin. Skrúva alt fyri eitt hitan niður á 175 stig og lat tað steikja í 1,5 tíma. Smakka soðið til, tá tíðin fer at nærkast, og smakka evt. til við meiri hunangi ella sukri, sum saftin er ov súr. Stroy kryddurtir yvir høsnarungafatið og borreið við rísi, salati og eitt sindur av jogurti. Rabarbufromasja 500 gr av rabarbum 200 gr av sukri 5 bløð av husblas 1 pk av róma   Blenda rabarburnar í hvirluni. Set tær útá at kóka. Stoyt sukri í. Rør í, til tað kókar upp. Slepp teimum bloyttu husblasbløðunum í – rør væl runt, so husblasi blandast væl uppí. Set hetta at kólna. Tá tað er heilt kalt og byrjar at stívna, skal tann pískaði rómin varisliga rørast í. Set aftur kalt til tað stívnar heilt. Rambarbufromagan kann antin etast saman við róma, leggjast á marengsbotnar ella leggjast ímillum lagkøkubotnar. (uppskrift úr Matur og Matgerð) Rabarbu­mojito Knús/blanda sukur, mynt og hvítt rom saman í glasinum, stoyt eitt sindur av rabarbusaft í, áðrenn tú fyllir glasið við knústum ísi og appolinaris. Rabarbusorbét Frystir tú saftina fært tú leskiligt rabarbusorbét. Prei: Til ber eisini at kóka saftina longri, soleiðis, at hon verður til sirop og kann nýstast afturvið køkum ella ísi.