fríggjadagur 18. mai 2012síða 39

nr. 57 · 18. mai 2012 7 VIKUSKIFTI Hvat fekk teg at fara upp í landspolitikk? Havi verið áhugað í politikki, frá tí eg var heilt ung. Altíð sæð tað sum spennandi at fylgt við tí sum rørir seg í samfelagnum, og serliga tað, sum framtíðin hevur at bjóða. Kann nevna, at eg havi verið virkin í Norðoya fólkafloksfelag í fleiri ár. Og eri býráðslimur. Hvørji eru tíni hjartamál? Havi stóran áhuga í vinnulívinum. Og ikki minni í tí sosiala økinum. Sum kommunupolitikari havi eg arbeitt ser­ liga nógv innan eldraøkið. Hvat hevði tú raðfest ovast í játtanarkarmunum? Siti sum forkvinna í rættarnevndini, tí mín áhugi er stórur fyri samferðslukervinum. At Viðareiðistunnil verður til veruleika fegnist eg um. Somuleiðis, sum tað, sum gjørdi meg serliga glaðan í játtanarkarminum er, at peningur er settur av til at byggja íbúðir til fólk við serligum tørvi í Eysturoynni og Norðoyggjum. Umframt aðar íløgur innan almannaøkið. Hvussu menna vit útjaðaran? Gott Samferðslukervi síggi eg sum neyðugt um útjaðarin skal hava lív laga. Gera útjaðaran spennandi fyri ferðavinnuna. Og sjálvandi fleiri arbeiðspláss. Hvussu heldur tú teg í form? Renni (á rennibandi) Gangi túrar. Svimji, men ov sjáldan fyri tíðina. Hvat ger tú í frítíðini? Hugni mær saman við familjuni, og ikki at forgloyma vinkonunum, sum eg eisini seti sera stóran prís uppá. Ferðast tú nógv í egnum landi? Plagi at vera við Gjógv, men tíverri ikki so ofta fyri tíðina. Men altíð glað fyri at koma til hesa bygd. Tá tú ferðast uttanlands, er tú til sól á strondini ella til aktiva feriu? Sól og strendur fyri tað mesta. Men eisini til tíðir til onkrar stórar býir. Hvat er tín lívrættur? Fiskur, og helst stokt fiskaflak. Hvørjum hyggur tú at í sjónvarpinum? Dagur og vika. Føroyskar sendingar. Dokumentar sendingar. Hvør bók liggur á náttborðinum? Bíblian. Orðatøkini lesi eg nógv oftast. Ein sera góður vegleiðari. Verður tú framvegis í politikki um tíggju ár? Tað er sjálvandi upp til veljaran at avgera. Men eg ætli mær at arbeiða tað, eg eri ment fyri mínum hjartamálum meðan eg siti á tingi. Eingin spurningur er so einfaldur, eingin spurningur er so býttur, eingin spurningur er so greiður, so itøkiligur, at ein politikari fær svarað honum ja ella nei. Bara ja ella bara nei. Ber til at fáa ein politikara at svara einum spurningi ja ella nei? Svara ja ella nei. Nú er hatta ein spurningur, sum ikki kann svarast ja ella nei, tí tað er ikki so einfalt. Vit noyðast at fara eftur um spurningin fyrst. Tá Eva bað Adam bíta í súr­eplið ( 8 fyri 20 kr. í lágprís­ handlinum Eden), svaraði Adam ikki bara ja alt fyri eitt. Hann fór heilt aftur til Adam og Evu fyri at finna eina grundgeving fyri svarinum, sum jú at enda gjørdist ja. Har var heldur ikki so langt hjá honum at fara aftur. Hann svaraði ja, hóast hann heldur vildi hava ein burgara og eina cider enn eitt súrt epli. Men Adam var fyrsti tuflaði maðurin, so hann tordi ikki annað enn at gera, sum konan gav honum frúuboð um. Bít og halt kjaft, tenninar grísla. Og tey vórðu ikki afturvald, men blakað út í æviga myrkrið uttan eftirløn og heiður. Allir politikarar eru giftir. Føroyski veljarin er svartasta íhaldsbukka, so hon velur ikki fólk, sum liva í synd. Eg ímyndi mær brúdleypið hjá politikara. Vilt tú hava...? Nú er tað soleiðis, at hasin spurningurin kann ikki svarast antin ja ella nei ella uttan eina frágreiðing, sum er minst 1000 orð. Tá eg var í andstøðu, hevði eg uppskot, sum bleiv felt og so framvegis 17 ferðir, ein rúgvu, sum einki er, tá hon verður greinað. Spurningurin var, vilt tú hava...? Atkvøði blankt. Ja og nei eru avgjørdastu svør, sum eru til. Tey krevja dirvi og førleikan at taka og hava eina støðu. Tí kunnu vit ikki krevja av føroyskum politikarum, at tey svara ja ella nei ella hvørki og ella bæði og. Tey kunnu bara gera sum fótbóltsspælarar og svara, at bólturin er trillrundur. Ella sum Linie 3, tá teir hermdu eftir Erhardt Jacobsen: »Lad mig gentage, hvad jeg aldrig har sagt.« Men ikki bara politikarar duga illa at svara stutt. Í veljara­kanningum og øðrum spurnarkanningum er altíð stórur partur, sum svarar veit ikki. Álvaratos, tað er ov ússaligt. Í einum hálovaðum fólkaræði eiga øll at taka støðu til alt og vera antin fyri ella ímóti. Ja ella nei. Har sum einaræði er hava øll eina støðu. Men har verða fólk ikki spurd. So tey hava ikki brúk fyri at svara hart ja ella nei. Tak fólkaatkvøðuna herfyri her hjá okkum. Bara ein triðingur av fólkinum helt seg til yvirhøvur at svara. Og av tí triðinginum var so aftur ein triðingur, sum ikki megnaði at svara antin ja ella nei, men svaraði bæði ja og nei ella krutlaði onkra óbegávaða andstøðupropaganda á lepan. Hvat læra vit av tí? Einki, vit plaga ikki at læra nakað av nøkrum. Í øðrum londum høvdu tey lært, at tað nyttar einki at spyrja fólkið. Tað er tó ikki altíð líka lætt at svara antin ja ella nei. Heldur ikki, tá tú hevur eina støðu og veit, um tú ætlar at svara ja ella nei. Nakrar heimasíður eru so snildar, tað er hjá tí, sum eigur heima­síðuna, at svarar tú nei, so verður svarið skrásett sum ja. Og tú hevur keypt okkurt, sum tú ikki ætlaði at keypa. Tí spurn­ ingurin er soleiðis orðaður, at tú svarar ja, hóast tú meinar nei. Best hevði verið bara at strika orðini ja og nei og jú og brúka kanska í staðin fyri øll trý. Taka tygum undir við, at Sandoyggin fer upp í Skúvoyar kommunu? 1.Kanska. 2.Kanska ikki. Umafturafturum høgni djurhuus Móðurmálsviðursløn 2012 Elsebeth Mercedis Gunnleygsdóttir lagt til rættis: Leo Poulsen Orðatøkini er sera góður vegleiðari Tað sigur Elsebeth Mercedis Gunnleygsdóttir, sum altíð hevur Bíbliuna liggjandi á náttborðinum. Politikkur hevur altíð havt hennara áhuga, og so dámar henni at kopla úr við Gjógv. Og familjan og vinkonurnar fylla nógv hjá nýggja løgtings­liminum hjá Fólkaflokkinum Ja ella nei og Adam og Eva