mánadagur 21. mai 2012síða 18

Mánadagur 21. mai 2012 · Nr. 58 18 Sosialurin Hugskot og viðmerkingar – send sms til 225000 Ítróttarblaðið champions League So fekk Roman sítt Champions League steyp Fótbóltur Chelsea hevur fleiri ferðir verið dømt úti, men hvørja ferð hava teir svarað aftur. Tað endaði við at stóðu við Champions League steypinum. Roman Abramovich hevur leingi havt Champions League sum sítt høvðusmál, men sjálvt hann má hava ivast um tað fór at bera til í ár Tróndur Arge Hetta kappingarárið hevur verið tað mest turbulenta í nýggjari tíð hjá London felagnum og alíka­ væl stendur Chelsea eftir sum Champions League og FA Cup vinn­ ari. Fleiri ferðir hevur Chelsea verið í at kalla høpileysum støðum, men hvørja ferð komu teir við einum aftursvarið. Í 1/16 finalunum vann Napoli 3-1 á í fyrra dystinum, men í um­ dyst­inum í seinnu dystinum hevði Chelsea vent uppgerðini á høvdið. Í hálvfinaluni var Chelsea trýst í botn av Barcelona, men megnaði við tíggju monnum á Nou Camp at venda einum 2-0 tapi til ein 2-2 javn­ leik ov vinna samanlagt 3-2. Í sjálvari finaluni kom Chelsea afturúr sjey minuttir fyri tíð, men megnaði at javna. Tá Bayern Munchen fekk brotsspark í um­ dyst­inum bjargaði Petr Cech. Tá Bayern Munchen var í odda í brots­ sparkskappingini bjargaði Petr Cech aftur – tvær ferðir. Tað endaði við, at Didier Drogba stóð eftir við ábyrgdini av at tryggja Chelsea fyrsta Champions League heitið í søguni. Maðurin, ið fekk reytt kort stutt fyri brotssparkskappingina í Champions League finaluni í 2008 ímóti Manchester United, sveik ikki. Við einum tryggum brotssparkið sparkaði hann bóltin til sína vinstru síðu. Í somu løtu Manuel Neuer gjørdi av at fara hinvegin í Bayern Munchen málinum var greitt, at Chelsea hesa ferð hevur vunnið Champions League steypið, sum teir vóru so nær við at vinna í 2008 í Moskova. Sjálv finalan Sjálvur dysturin var lítið hend­ ingar­ríkur. Bayern Munchen var leik­liga omaná og hevði fleiri mál­ møguleikar enn Chelsea, sum tó vardi væl. Arjen Robben og Mario Gomez høvdu sínar møguleikar fyri Bayern Munchen, men Petr Cech, verjan og stongin vardu fyri. Í hinum endanum royndi Salomon Kalou seg við skoti, men Manuel Neuer hevði ikki stórvegis trupul­leikar at verja fyri. Í seinna hálvleiki helt Bayern Munchen fram at trýsta og helst skuldi »heimaliðið« havt lagt seg á odda áðrenn Thomas Muller stút­ aði Bayern Munchen á odda sjey minuttir fyri tíð. Toni Kroos sendi bóltin innfyri úr vinstru og har stútaði Thomas Muller bóltin í vøllin og upp í tvør­ stong­ina og í mál. Petr Cech, sum annars eigur ein stóra lut í steyp­ inum, skuldi helst fingið hondina á bóltin Nú var finalan avgjørd. Ella tað mettu tey flestu. Ja, kanska øll uttan Didier Drogba. Tí tveir minuttir fyri tíð fekk Chelsea hornaspark, ið Didier Drogba í besta Drogba-stíli stút­aði í málið. Í umdystinum var Didier Drogba aftur í fokus, tá hann feldi Franck Ribery í brotsteiginum. Brotsspark til Bayern Munchen, men líka løgdu Chelsea leikararnir í. Teir hava ver­ ið í verri støðum enn hetta. Petr Cech bjargaði, sjálvandi freistast ein til at siga, brotssparkinum frá Arjen Robben. Tá dómarin brísklaði fyri seinastu ferð stóð fram­vegis á jøvnum. Tí var farið til brots­ sparkskaping. Fimm ferðir Cech Manuel Neuer prógvaði í hálv­ finlauni í móti Real Madrid, at hann er ein dugnaligur málmaður tá talan er um brotsspørk. Leygardagin var Petr Cech tó omaná. Fimm ferð­ir royndu leikarar hjá Bayern Munchen seg úr ellivu metrum og hvørja ferð valdi Petr Cech røttu síðu. Í fjórðu og fimtu royndini eydn­ aðist tað Petr Cech at verja fyri og so var stóra løtan í hondunum á Didier Drogba. Flestu Chelsea og Manchester United viðhaldsfólk munnu minn­ ast, tá John Terry brendi avgerandi brotssparkið í finaluni í 2008. Søgan sigur, at Didier Drogba skuldi taka tað brotssparkið, men var útvístur fáar minuttir fyri brots­sparks­kapp­ ingina. Hesa ferð var John Terry leik­ bann­aður og Didier Drogba var eirindaleysur úr ellivu metrum og tryggjaði Chelsea fyrsta Champions League heitið í søguni.