mikudagur 23. mai 2012síða 31

31 Mikudagur 23. mai 2012 · Nr. 59 Sosialurin Hugskot og viðmerkingar – send sms til 225000 Ítróttur Løgmanssteypið 2. hálvfinala upptakt Jóannes Hansen Í dag verður gjørt av, hvørji liðini skulu vera, sum skulu spæla steypafinalu 25. august. FC Suðuroy fær seinnapartin vitjan av Víkingi, og í kvøld fer EB/Streymur í Gunda­dal, har HB bíðar. Á Vágseiði verður talan um fyrstu royndina hjá FC Suðuroy saman við nýggja venjara­ toym­inum. Tórður Holm, Bogi Mortensen og Egil Steintórsson hava tikið á seg at standa fyri lið­ num í dag og 2. hvítusunnudag. Høvuðs­setningurin hjá teimum verður at lyfta spælararnar upp aftur, eftir at teir sunnudagin løgdu rygg til 6-0 tap ímóti ÍF á sama vølli. Víkingur hevur 1-0 leiðslu frá fyrru hálvfinaluni. Tað vil siga, at heimaliðið skal skora, um hugsningur skal vera um at kvalifisera seg í finaluna. Um Víkingur skorar eitt mál, so skal FC Suðuroy skora tríggjar ferðir. Víkingur hevur tapt tveir teir seinastu landskappingardystirnar, og hvørki ímóti B36 (0-3) ella KÍ (0- 1) eydnaðist tað víkingunum at skjóta mál. FC Suðuroy hevur bara skorað tvey mál ímóti liðum í bestu deildini í ár. Hjá Víkingi er Atli Gregersen eisini í dag leikbannaður. Í Gundadali er mótbrekkan brøtt hjá HB. EB/Streymur vann fyrru hálvfinaluna 4-1. Hjá Sigfríði Clementsen snýr tað seg um at fáa sínar menn uppaftur við høvdinum, eftir at teir leygardagin løgdu rygg til 4-2 tap á útivølli ímóti TB, og ikki minst at fáa verjupartin at rigga, nú fýra mál eru farin ígjøgnum hvørja ferð í trimum teim­um seinastu dystunum – 1-4 ímóti EB/Streymi, 1-4 ímóti ÍF og 2-4 ímóti TB. EB/Streymur hevur verið í steypafinaluni seinastu seks árini. HB hevur ikki verið í finaluni síðani 2007, tá ið havnarliðið tapti dramatiska finalu ímóti júst EB/ Streymi 4-3. Víkingur hevur eina ferð verið í finaluni. Tað var í 2009, tá úrslitið ímóti EB/Streymi var 3-2. FC Suðuroy hevur ongantíð roynt seg í steypafinaluni. joannes@sosialurin.fo FC Suðuroy - Víkingur kl. 15.00 HB - EB/Streymur kl. 18.00 Avgerðin fellur í dag Fótbóltur Víkingur og EB/Streymur, sum eru topplið í landskappingini, hava góða útgangsstøðu undan seinnu uppgerðunum í hálvfinaluni Mótbrekkan er brøtt hjá HB. EB/Streymur vann fyrru hálvfinaluna 4-1 Mynd: Álvur Haraldsen