fríggjadagur 25. mai 2012síða 36

Fríggjadagur25. mai 2012 · Nr. 60 36 Sosialurin Hugskot og viðmerkingar – send sms til 225000 Ítróttur Løgmanssteypið 2. hálvfinala Víkingur so dánt í finaluni Fótbóltur Hóast at kalla einki riggar hjá FC Suðuroy í Effodeildini og venjarin júst er farin til hús, so vóru teir úr Vági um reppið at tveita oddaliðið í deildini úr steypakappingini og spæla seg allan vegin í finaluna. FC Suðuroy vann 2-1 og mátti boyggja seg fyri regluni um útivallarmál Pætur Albinus Teir úr Víkingi vóru nakað skerdir undan dystinum. Gaman í var høgri vongverji, Bárður J. Hansen, við aftur eftir skaða, men Hanus Jacobsen var framvegis skaddur og lið­skiparin, Atli Gregersen, var leik­ bannaður. Stutt undan dystinum mátti Niclas Niclassen eisini taka seg aftur, eftir at hann hevði ein heldur merkisverdan skaða – nevn­ iliga nógva tannapínu. FC Suðuroy hevði hinvegin allar mans tøkar, men á venjara­beink­ inum sá heldur øðrvísi út, eftir at Pól F. Joensen, sum førdi teir upp í bestu deildina, hevði takkað fyri seg sum høvuðsvenjari. Tórður Wiberg Holm, Bogi Mortensen og Egill Steintórsson tóku sær av liðnum hendan dystin og gera tað fram til ein varandi loysn er funnin. FCS leyp á Tað sást alt fyri eitt, at FC Suðuroy ætlaði sær at leypa á og hótta tepru leiðsluna hjá Víkingi. Teir komu langt fram á vøllin og vóru bein­leiðis í sínum spæli mótvegis málinum. Serliga David Asare var eyð­sýndur og hevði hann eisini besta møgu­leikan fyrsta korterið, tá ið hann sendi eitt skot beint fram­við málinum. Eftir einum korteri kom ein um­talað hending í dystinum. Fyrr­ verandi liðfelagarnir báðir, Jón Krosslá Poulsen og Evrard Blé komu í hornatøk, og heimaáskoðarar- og leikarar vildu vera við, at Víkinga- leikarin hevði stútað málrevin hjá vág­bingum, men hetta metti dóm­ arin, Eiler Rasmussen, ikki, og gav teimum eitt gult kort í part. Tað var serliga eitt væl spælandi FC Suðuroy-lið, sum tilspældi sær góðar málmøguleikar. Eftir góðum hálvum tíma fekk Jón Krosslá Poulsen ein risa stóran møguleika og fekk møgu­leikan at renna púra leys­ur mótvegis málinum, men hann misti tamarhaldið á bóltinum. Víkingur lúrdi hinvegin í mótálopunum og Lasse Qvist hevði eisini ein góðan málmøguleika, men hann lyfti bóltin upp um bæði mál­ mann og málið sjálvt. Víkingur kundi vera betur nøgt við, at støðan í hálvleikinum var mál­leysur javnleikur, 0-0. Um reppið Tað, at FC Suðuroy ikki hevði hepn­ið við sær í stóra trýstinum í fyrra hálvleiki, sá ikki út til at hava troyttað leikarar teirra nakað. Hin­ vegin løgdu teir enn betur fyri í seinna hálvleiki og spældir vóru ikki stórt meiri enn tveir minuttir, tá ið Jón Krosslá Poulsen legði FC Suðuroy á odda 1-0 eftir eina góða send­ing frá einum væl uppløgdum Palla Augustinussen. Hesa løtuna brendi av álvara á frammanfyri Víkinga-málinum, og í einu støðuni vardi stongin fyri. Júst sum FC Suðuroy sá út til at hava tamarhald á øllum og kundi økja um leiðsluna, so svaraði Víkingur aftur. Teir fangaðu bóltin í uppspælinum hjá FC Suðuroy, og í einum góðum mótálopi endaði bólturin hjá Lasse Qvist, sum við aftaru stong sendi bóltin í málið til 1-1. FC Suðuroy hevði nú tørv á at fáa tvey mál orsaka av regluni um útivallarmál. Teir roundu at trýsta og í sjálva 90. minutti eydn­ aðist tað Palla Augustinussen at leggja FC Suðuroy á odda 2-1, tá ið hann fiskaði ein bólt frá Geza Turi, sum kom ov langt út og kom púra skeivur av bóltinum. Tað var um reppið, at FC Suðuroy eisini fekk finalugevandi 3-1-málið, men Víkingur vardi væl fyri. FC Suðuroy vann dystin 2-1, men umvegis ein samlaðan 2-2-javnleik og munin í úti­vallarmálum er tað Víkingur, sum nú kann fyrireika seg til steypa­finaluna ímóti EB/Streymi. albinus@sosialurin.fo Lasse Qvist skoraði avgerandi útivallarmálið hjá Víkingi í Vági Savnsmynd: Álvur Haraldsen