mikudagur 30. mai 2012síða 6

Mikudagur 30. mai 2012 · Nr. 61 6 Sosialurin Hugskot og viðmerkingar – send sms til 225000 Røttu fólkini mugu standa í handlunum – Tað er umráðandi, at røttu fólkini standa í handlunum, tá ferðafólk kemur. Er tænastan vánalig, gevur tað alt fyri eitt keðiliga umtalu, og tað kann kosta okkum nógv, sigur Theresa T. Kreutzmann Rannvá G. Fossaberg Fyri góðari viku síðan kom fyrsta ferðamannaskipið inn á Havnina, og í dag hevur tað næsta longu lagt at bryggju. Komandi tíðina vera nógv ferðafólk at síggja kring landið, og tað merkir eisini, at tær ymsu kunningarstovurnar í Før­oyum hava úr at gera við at kunna føroyingar og útlendingar, sum ferðast í Føroyum. Sum heild duga føroyingar væl at taka ímóti ferðafólki, men er tað nakað, vit skulu duga betri, er tað at veita nóg høga tænastu. Tað heldur stjórin á Kunningarstovuni í Havn, Theresa T. Kreutzmann. – Vit hava nógvar professio­ nella veitarar, men sum heild skulu vit øll duga betur at veita ferða­fólkunum tænastur á nóg høgum støði, sigur Theresa T. Kreutzmann. Tænastan má hækka Føroyingar skulu duga betur at taka ímóti øllum teimum út­lend­ ingunum, sum velja at koma til Føroya at ferðast. Sambært stjór­ anum á Kunningarstovuni í Havn er tað av alstórum týdningi, at tey fólkini, sum standa í handlunum, hava vitan um tey ymsu sløg­ini av ferðafólkum og eru tilvitað um týdningin av høgari tænastu­ veiting. – Skulu vit veita røttu tæn­ast­ una til ferðafólk, mugu vit vita, hvørji og hvussu tey eru, tí tjóð­ skapirnir eru ógvuliga ymiskir sum ferðafólk. Harafturat er tað um­ráðandi, at fólkini, sum standa í handlunum, skulu fáa ferða­fólkini at kenna seg væl og fáa høgar tænastuveitingar, sigur Theresa T. Kreutzmann. Hon heldur, at handilsfólk, sum í stóran mun eru andlitið úteftir og um­boða landið, mugu syrgja fyri, at alt gongur, sum tað skal, í handl­unum. – Um eitt ferðafólk fær eina keðiliga uppliving inni í einum handli í Føroyum, fortelur við­ komandi tað alt fyri eitt fyri øðrum ferðafólkum. Eitt nú skulu handils­fólkini verða kunnað um kurs, taxfree, gjaldsmøguleikar og so framvegis, soleiðis at alt tað riggar, sum tað skal, sigur Theresa T. Kreutzmann. Sum dømi nevnir hon, at fleiri útlendingar ikki eru vanir við at nýta PIN-kodu, tá goldið verður við gjaldskortið, og tað kann elva til trupulleikar og møguliga mista sølu, um ikki handils­fólkini eru vitandi um aðrar gjaldshættir. Føroyingar skulu reypa Theresa T. Kreutzmann vísir á, at Føroyar hava tað, sum skal til fyri at verða eitt frálíkt ferða­ mannaland, men at tað áhald­ andi eru viðurskifti, sum gera, at vit ikki eru tað fullkomna ferða­ mannalandið. – Eg sakni, at øll tey, sum onkurs­vegna fáast við ferðavinnu, hava meira vitan um, hvat allir hinir veitararnir fáast við. Alt verður nógv lættari, um vinnan arbeiðir eftir sama leisti og kann leiðbeina, kunna og vísa á tey til­ boðini, sum hóskar best til teir ávísu ferðafólkabólkarnar, sigur Theresa T. Kreutzmann. – Summi ferðafólk vita ótrúliga nógv um Føroyar, meðan onnur als onga vitan hava, men tey hava øll á ein ella annan hátt brúk fyri vegleiðing, greiðir Theresa T. Kreutz­mann frá og leggur afturat, at hóast føroyingar kunnu hjálpa og veg­leiða, er tað alneyðugt, at skelt­ingin kring landið verður betri. Umframt at hava ta neyðugu vitanina um teir møguleikarnar, sum ferðafólkini hava, er eisini týdningarmikið, at vit læra okk­ um at gerast betri til at fortelja øðrum, hví Føroyar er eitt gott land at ferðast í og hvat vit eru góð til. – Vit eru alt ov lítillátin og tora ov illa at fortelja ferðafólki, um hvussu góðar Føroyar eru. Vit eru rímiliga vælfungerandi, og tey allarflestu ferðafólkini, sum hava vitjað okkara oyggjar, lata væl at. Tað er eingin orsøk hjá okkum at vera lítillátin, tí sum heild duga vit væl, greiðir Theresa T. Kreutzmann frá. Brúk er fyri kunningarstovum Nú er er háárstíð hjá ferðavinnuni, og tíðin, har Theresa T. Kreutz­ mann hevur nógv um oyruni. – men vit hava nógv at gera alt árið, tí í vetrarhálvuni og um várið fyrireika vit summarið, sigur Theresa T. Kreutzmann, sum leggur afturat, at tey hava serliga nógv at gera við cruise- vinn­una júst nú. – Orsøkin til, at vit vit satsa so nógv upp á ferðafólkini, ið eru við stóru cruise-skipunum, sum koma inn á Havnina, er tann, at tilsamans koma millum 20.000- 30.000 fólk við hesum skipunum og tískil, er hetta ein av teimum størsti ferðafólkabólkunum vit fáa, og tað skal sjálvandi gagn­nýtast, sigur Theresa T. Kreutzmann. Millum 300 og 3.000 gestir eru við skipunum hvørja ferð, og ein stórur partur av teim­ um kemur inn á kunn­ingar­stov­ una á Vaglinum í Havn. – Hóast stórt sæð øll brúka internet og kunnu finna nógvar upplýsingar umvegis teldu og telefon, koma nógv fólk inn á kunn­ingarstovuna í Havn. Hetta merkir eisini, at vit skulu hava nóg mikið av prentaðum tilfari til ferða­fólk, sigur Theresa T. Kreutzmann, sum heldur, at tað fram­vegis er neyðugt við kunn­ ingar­stovum. – Uttan kunningarstovur hava ferðafólkini einki natúrligt stað at venda sær til. Tey høvdu ivaleyst gingið inn á matstovur, kontór og handlar fyri at fáa kunning, har starvsfólkini hava nóg mikið at gera frammanundan, tí tað er nú einaferð so, at ferðafólk ikki kunnu fáa alla vegleiðing og upp­ lýsingar á internetinum, greiðir Theresa T. Kreutzmann frá. Hon dylur tó ikki fyri, at nýggja tøkn­in eisini setur krøv til kunn­ ingar­stovur og onnur, ið fáast við ferða­vinnu. – Samfelagið broytist støð­ugt, og tí mugu vit eisini broyta kunn­ ingarhættirnar, so sjálvt um vit til dømis ætla at menna onkra serliga app, so skulu vit samstundis ikki undirmeta prentað tilfar, sigur Theresa T. Kreutzmann, sum trívist væl í stjórasessinum á Kunn­ingarstovuni í Havn. – Hetta er ein góð og spennandi tíð. At hyggja at, meðan eitt av stóru ferðamannaskipunum legg­ ur at Havnini, gevur mær eina fan­tastiska kenslu. Við tøttum sam­starvi kunnu vit innan ferða­ vinnuna í Føroyum verða við til at geva teimum vitjandi ógloymandi upp­livingar, sum tey einans kunnu fáa í Føroyum. rannva@sosialurin.fo í meldrinum