mánadagur 4. juni 2012síða 18

Mánadagur 4. juni 2012 · Nr. 63 18 Sosialurin Hugskot og viðmerkingar – send sms til 225000 Ítróttarblaðið u21 landsliðið U21-landsliðið ger aftur um seg: Spældu við eitt ótakandi lið Fótbóltur 1.037 áskoðarar høvdu fríggjakvøldið leitað sær í Gundadal at hyggja at U21-landsliðnum í EM-undankappingardysti ímóti Makedonia. Liðið, sum er klekingarmaskina til okkara flaggskip, nevniliga A-landsliðið, men gongur á odda hvat úrslitum viðvíkur. Aftur hesuferð prógvaðu teir tað. Teir fingu javnleik 1-1 eftir at hava verið á odda og angað øll trý stigini ímóti einum liði, sum næstan er ótakandi og nú ikki hevur tapt í 16 dystum á rað Pætur Albinus Tað er eftir hondini ikki við sørt, at vit av álvara vænta okkum nakað av føroyska U21-landsliðnum. Venj­ ararnir leggja nógv fyri og lívga um spæligleði og áræði hjá ungu leikarunum við at krevja stig, og hetta bæði lýsir úr leikarunum og skyggir í okkum áskoðarum. Teir hava eisini gjørt tað áður. Eitt nú við at púra óvæntað koppa russ­ isku bjørnini við 1-0-sigri fyri trim­ um árum síðani og so sanniliga eisini í longdini við at tryggja Før­ oyum metnógv stig í einari undan­ kapping. Vit fingu bara eina staðfesting av, at U21-landsliðið er í allar mátar fyrimyndarligt og gevur okkum eina vónríka framtíð, tá ið teir treisknu, evnaríku og áhaldnu leikararnir til tíðir spældu runt við Makedonia fríggjakvøldið. Úrsitið var 1-1 eftir ein dyst, har Føroyar kom á odda og leingi hevði tamarhald á dystinum og var nær við at fáa øll stigini. Og tað var ímóti Makedonia, leggið tað til merkis. Eitt lið, sum ikki hevur tapt í nú 16 dystum á rað og fyri tveimum vikum síðani vann 1-0 á útivølli ímóti Hollandi. Løgdu bragdliga fyri Føroyska liðið vísti seg at hava hug­savnað seg um spælskipanina fyrstu løtuna, og vísti hetta seg at hepn­ast sera væl, tí at teir hjá Make­donia høvdu ilt við at síggja nøkur op frammi á vøllinum og loyvdi hetta føroysku spælarunum at koma ímillum. Tað vóru bara tríggir minuttir gingnir, tá ið Føroyar longu høvdu spælt seg til tvey vandamikil inn­ legg. Í báðum førunum var tað einsa­malli áleyparin, Jóan Símun Edmundsson, sum lá framvið. Fyrst gjørdi hann málspark mótvegis málmanninum, og í aðru atløgu var hann um reppið at fáa eitt rimmar skot á bóltin, men hann rakti ikki. Makedonia byrjaði at seta seg meiri og meiri á spælið, og eftir 11 minuttum høvdu teir fyrstu skot­royndina. Talan var um eitt for­kølað langskot, sum Kristian Joensen í føroyska málinum ongar trupul­leikar hevði av at bjarga. Eftir hetta dovnaði spælið nógv og tað var sum áskoðari ikki nøk­ ur fragd fyri eygað. Ein fragd fyri eygað var tað tó at síggja spæli­ skipan føroyinga rigga væl, har javnan menn fóru úr verjuni niðan á miðvøllin at leggja trýst á, fyri síðani at ein miðvallari loysti av í verj­uni. Samstarvið var fyri­ myndar­ligt og var tað við til at halda Makedonia fullkomiliga frá vanda­støðum. Risa møguleiki Eitt, sum kanska er eitt ov føroyskt fyribrigdi, er, at føroysku liðini detta burtur ímillum í dystinum. Hetta hendi to als ikki fyri føroyska U21-landsliðið henda dagin, sum var sera hugagott allan hálvleikin á tamb og røkti sínar skyldur. Tá ið hálvur tími var leiktur, fekk Føroyar størsta møguleikan í dyst­ inum. Gilli Sørensen, Jóan Símun Edmundsson og Hallur Hansson stóðu fyri frálíkum samanspæli, sum endaði við, at Jóan Símun slapp at standa rímiliga leysur í felt­inum, og skotið, sum annars ikki fekk nógva ferð á, fór ein hálvan metur við síðuna av málinum. Fimm minuttir seinni svaraði Makedonia aftur við sínum besta mál­møguleika, men skotið hjá Aleksandar Trajkovski úr 20 metr­ um feyk beint framvið stongini. Føroyar fekk sera nógv fríspørk á miðjum vølli, sum dómarin í alt ov stóran mun loyvdi. Serliga fekk Samir Fazli langa linju og hevði sam­bært almennu hagtølunum framt seks fríspørk tá ið 35min. vóru leiktir. Øll hesi fríspørkini valdu Føroyar at senda langt inn í feltið og úrslitaleyst hvørjaferð. Verjan hjá Makedonia var nevniliga stór og sterk og vann so at siga allar luft­bóltarnar. Løtuna til hálvleiks otaðu make­donar seg longri og longri fram og høvdu onkrar smærri mál­ møguleikar, men Kristian Joensen varð ongantíð av álvara royndur og hálvleiksstøðan gjørdist púra í tráð við leikgongdina málleys 0-0. Undrunarvert mál Sum eitt skot úr bláari luft kom fyrsta málið, og tað var til Føroyar! Níggju minuttir inn í seinna hálv­ leik spældi Kire Ristevski til sín egna málmann, og júst í tí at mál­ maðurin, sum eitur Filip Gachevski, skuldi steðga bóltinum, datt hann. Bólturin rullaði í málið og so var 1-0 til Føroyar! Hetta lívgaði um teir føroysku leikararnar, sum annars løtuna und­an vóru ávegis í tómgongd. Eitt korter fyri leiklok fekk júst innskifti Ilija Nestorovski ein risa møguleika, men hóast leysur í feltinum, so fekk skotið ov lítla ferð og fór beint framvið málinum. Hesa løtuna stríddust føroyingarnir fyri at stilla seg rætt á vøllinum. Tað tóktist eins og teir bæði kropsliga og sálarliga vóru troyttir og gjørdu fleiri mistøk. Venjararnir valdu eis­ ini at gera útskiftingar og settu teir Høgna Eysturoy og Heina Vatnsdal á vøllin fyri ávikavist Klæmint Olsen og Róald Jakobsen. Í 77. minutti helt ikki longur hjá føroysku verjuni. Makedonar høvdu spælt seg inn í vinstru síðu í feltinum, verjan fekk ikki ruddað nógv væl burtur og ein leysur Ilija Nestorovski setti bóltin í nettakið til 1-1. Átta minuttir fyri leiklok fekk Hallur Hansson ein risa møguleika, tá ið hann varð spældur púra leysur av Høgna Eysturoy, men skotið endaði mitt á málverjanum. Hesa løtuna bardust føroyingarnir væl og góvu tað síðsta, teir áttu, og førdi hetta eisini til, at teir megnaðu at leggja trýst á Makedonia. Bara tveir minuttir seinni var aftur sentimetrar frá, at Føroyar løgdu seg á odda, men stútarin hjá Rógva Holm eftir eitt langt innkast endaði í síðunetinum.