mikudagur 6. juni 2012síða 16

Mikudagur 6. juni 2012 · Nr. 64 16 Sosialurin Hugskot og viðmerkingar – send sms til 225000 Vilmund Jacobsen Í gjár løgdu 125 hval beinini á Sandi. Tað var hav­rann­sókn­ar­ skipið Magnus Heinason, sum fann grindina einar fimm fjórðingar úr Søltuvík. Skip­ið lá og tóvaði, og tí boð­ aðu teir bara frá grindini. Bát­ur­in Orion, sum er ein kanad­isk­ur glastrevjabátur, fór at leita og fann grindina. Jóhan F. Clementsen, grinda­formaður, sigur, at tað gekk bæði skjótt og væl at reka grindina á Sand. - Tað var viðrák, og onkun­ tíð hevði grindin eina ferð á sjey sjómíl. Eg haldi, at sjálvt dráp­ið var fyrimyndarligt og vardi neyvan í meiri enn eitt korter. Grindin gjørdi land­ gongd í einum, og tí varð neyð­ugt at hála teir ytstu hvalir­n­ar, ið líka sum skolaðu oman­av aftur, upp á sandin. Væl av fólki var og tók ímóti, og eg haldi, at alt gekk so væl, sum tað kundi, sigur hann. Góð grind Jóhan F. Clementsen sigur, at miðalstøddin á hvalunum í grindini á Sandi var níggju skinn, og tað eru stórir hvalir. - Her vóru eingir livandi grinda­hvølpar, og hetta var góð og feit grind, sum varð býtt í húsapartar kring um alla oynna – og bátspartar. Grindaformaðurin sigur, at hvørt húsarhald í oynni fekk stívliga eitt skin í part. - Fólk, sum í slíkum førum koma úr øðrum oyggjum, tekna seg og fáa soleiðis tað, sum svarar til ein húsapart, sig­ur Jóhan F. Clementsen. Tað eru trý ár síðan, at grindir løgdu beinini í Húsa­ vík og á Sandi – við umleið tveim­um mánaðum ímillum hvørja grind. Eitt skinn í part til hvørt húsarhald í Sandoynni - Hvalirnir vóru 125 í tali, og í miðal vóru teir níggju skinn hvør, sum er stórur hvalur. Her vóru eingir livandi grindahvølpar, og hetta var góð og feit grind, sigur grindaformaðurin, Jóhan F. Clementsen á Sandi Tað eru trý ár síðan, at grind seinast legði beinini í Húsavík og á Sandi. Hvørt húsarhald í Sandoynni fekk stívliga eitt skinn í part í grindini, sum doyði á Sandi týsdagin Myndir: Beinta Vilmundsdóttir drápið var fyri­ mynd­ar­ligt og vardi neyvan í meiri enn eitt korter