fríggjadagur 8. juni 2012síða 8

Fríggjadagur 8. juni 2012 · Nr. 65 8 Sosialurin Hugskot og viðmerkingar – send sms til 225000 tíðindi Leo Poulsen Hvussu nógv THC fæst burt­ ur úr einari hamp­plantu? Tað er ein av spurning­ unum, sum dómarin í einum rættarmáli móti einum gott 50 ára gomlum skal taka støðu til. THC, ella tetrahydro­ canna­biol, er aktiva evnið í hassji. Á rættarfundi mikudagin stóð ein gott 50 ára gamal maður og ein gott 40 ára gomul kvinna ákærd fyri at hava havt í varðveitslu 10 hampplantur í húsunum, har tey tá búðu í einari bygd á Streymoynni. Maðurin stóð ákærdur í tilsamans fimm viðurskiftum, millum annað stuldur av ein­ ari Winchester høglbyrsu, og tað var í grundini hendan, sum førdi til ákæruna um hampplanturnar. Tann 50 ára gamli og 40 ára gamla kvinnan, sum eru par, høvdu ballast eitt kvøld­ ið, og í ovfarakæti hevði mað­urin skotið upp í loft við byrsuni. Hetta førdi til, at politiið varð boðsent, og komnir á staðið, varnast teir hampplanturnar. Tí varð boð sent eftir narko­politinum, sum síðani kom á staðið. Í rættinum greiddi narko­ politisturin frá, at tá hann kom inn í húsini, kendi hann roykin av hassji, sum ikki er til at taka feil av. 264 gramm Hann bæði máldi og síð­ani vigaði tær 10 hamp­plant­ur­ nar, sum vóru plantaðar í spannir, sum sambært narko­ politistinum er púra vanligt. Planturnar vístu seg at vera millum 6 og 53 senti­met­ rar til støddar, og tær vigaðu tilsamans 264 gramm. Tað eru serliga hon­plant­ ur­nar, ið verða nýttar til at út­vinna hassj, og sambært narkopolitistinum vóru nakr­ar av plantunum klárar at heysta, meðan aðrar vóru nýliga settar niður. Spurdur av ákæru­vald­ in­um, hvat hetta merkir, svar­aði nakropolitisturin, at tað var greitt tekin um eina framhaldandi framleiðslu. Ákærdi var týðiliga ó­samd­ur, og rysti fleiri ferð­ir við høvd­inum, meðan narko­ poli­tisturin vitnaði. Eisini greiddi politisturin frá, at hann hevði funnið nak­að av turkaðum plantum, sum sostatt vóru klárar at roykja. Somuleiðis fann hann ein posa av hampfræi í einari toiloetttasku á WC’num, ballað inn í alufoliu. Ákærdi hevði greitt frá, at hetta vóru fræ, ið hann hevði vrakað, og tey skuldu tí tveitast burtur. Hann kom ikki inn á, hví hann so hevði goymt tað í ein­um posa, ball­að inn í alu­ foliu. Nógv hassj Rættarmedisinsk deild hjá donsku løg­ regluni hev­ur í trý ár gjørt kann­ingar av hamp­plant­um í Jútlandi, og er komin fram til, at tað fæst mill­ um 23 og 84 gramm av mariuhana burtur úr einari hampplantu, ella eitt meðaltal á 43 gramm. Í hampplantunum hjá ákærda var THC konsentra­ tiónin 14%, meðan hassjið, ið vanliga verður selt á gøtuni hevur eina konsentratión á 8%. Úr plantunum fæst mill­ um 15 og 154 gramm av hassji við einum meðaltali á 75 gramm. Ákæruvaldið hevði roknað seg fram til , at hassj­ mongdin var millum 230 og 750 gramm av hassji. Ákærdi helt lítið um út­ rokn­ingarnar hjá ákæru­ vald­inum og tók sum nevnt orðið, áðrenn dómarin segði dómin. Hann helt, at politiið fór ógvuliga lætt um sannleikan og smurdi ríkiligt omaná. Ákærdi helt, at fekst so nógv burtur úr einari hampplantu, so floreraðu Føroyar í hassji. Hann pástóð, at hesar hamp­ planturnar vóru allar settar niður í senn, og at tær høvdu bert staðið í 10 til 14 dagar. Ákærdi helt annars lítið um bæði politi og ákæruvald, og nú er tað so upp til dóm­ar­ an at gera av, hvørjum hann skal trúgva, ákærda ella politi og ákæruvaldi Leo Poulsen Ein av ákærunum móti tí gott 50 ára gamla mann­ inum í Føroya Rætti mikudagin, var stuldur av einari høglbyrsu úr handlinum hjá Jógvan Weihe. Tað kom ikki fram í rættinum, hvussu ákærdi bar seg at við at stjala byrsuna, men tað stutta av tí langa er, at byrsan varð stol­in og ongantíð latin handl­in­ um aftur. Sterkur illgruni var tó um, at tað var ákærdi, sum hevði tikið byrs­una, men tá politiið við rann­ sakingarloyvi í hond skuldi rannsaka hús­ini hjá ákærda, var hes­in fluttur. Málið datt tí á gólvið. Men tá nú ákærdi varð meldaður fyri at skjóta upp í loft við ein­ ari høglbyrsu, rann vitið aftur á politiið, og hald var lagt á byrsuna. Trupulleikin var bert tann, at ákærdi hevði broytt byrsuna so nógv, at hon ikki soleiðis uttan víðari var at kenna aft­ ur – Fyri fyrstu ferð tey 11 árini eg havi starv­ ast við Føroya Rætt, var neyðugt at senda eitt vápn nið­ur til Dan­ markar til nærri kann­ ingar fyri at eyð­merkja tað, segði Linda Hessel­ berg, ákæri. Staðfest varð, at talan var um somu Winchester høglbyrsuna, sum varð stolin frá Jógvan Weihe fyri skjótt fýra árum síð­ ani. Hóast byrsan kostaði 16.000 krónur hevur Jógvan Weihe valt, ikki at krevja endurgjald fyri stuldurin, tí partvís er byrs­an komin aftur íaftur, og partvís er hon at meta sum eitt list­ arv­erk, varð upplýst í rættinum. STULDUR Í november 2008 sá ákærdi sær møguleikan at stjala eina Winchester høglbyrsu úr handlinum hjá Jógvan Weihe Hvussu nógv hassj fæst burtur úr einari meðal hampplantu? Millum annað tað skal dómarin taka støðu til Byrsan er at meta sum eitt listarverk Ákærdi hevðist harð­liga at ákærunum HASSJ Tað er ikki vanligt, at ein ákærdur sigur nakað á einum rættarfundi, áðrenn málið verður tikið upp til dóms, men mikudagin hevði ákærdi nógv upp á hjartað Stjól byrsu frá Jógvan Weihe