fríggjadagur 15. juni 2012síða 84

vika 25 l 18. juni 2012 28 Jóansøka Vikutema Vilmund Jacobsen Ungu hjúnini, Rakul og Arni Bratta­berg, sum eiga tveir trið­ingar av handilsmiðstøðini Torg­inum í Vági, gleða seg til jóan­søku, sum í ár verður í Vági. – Jú, vit plaga at síggja nógv nýggj andlit her suðuri, tá jóan­søka er, og vit gleða okkum at taka ímóti vitjandi, bæði nær og fjar. Tað ger eisini mun, at tað er summar, og at veðrið er vorðið betri. Fólk keypa okkurt at leggja á grillina, okkurt at leska sær við – og kanska okkurt søtt at hugna sær við. Arni Brattaberg vísir á, at meiri lív sum heild kemur í fólk, tá sólin skínur, og at jóansøka nú stundar til, ger eisini, at við­ skiftaskarin fer at veksa. – Vit hava altíð onkur góð jóansøkutilboð, og soleiðis verður eisini hesaferð, sigur hann. Fýra handlar Í snotuligu og innbjóðandi hand­ilsmiðstøðini í Vági eru fýra handlar undir somu lon. Hesir hús­ast á umleið 700 fermetrum í niðaru og á umleið 400 fer­metr­um í ovaru hæddini. Í niðaru hæddini er stórur Sam­keyp- matvøruhandil, sum er hin størsti í Suðuroy. Her er eisini kiosk við vanligum kioskvørum, bakstri og góðari og umtóktari salatbarr. Teir tríggir handlarnir á loft­inum eru mótahandilin Skotið, sum er hin eystasti og selur klæð­ir til gentur, dreingir, kvinnur og menn. Í miðjuni er Zone, sum er stórur gávuhandil og síðan er handilin Hjá Jenny, sum í fyrsta lagi selur barnaklæði av merk­ inum, Name-It. Umboða Okkara Torgið hevur nú fingið endaligt loyvi frá loyvisnevndini at selja og útflýggja Okkara, sum tey umboða í Vági, úr hølum í vestara enda á handilsmiðstøðini. Arni Brattaberg sigur, at tey júst hava sett eina hurð í vestara enda, soleiðis at tey, sum koma inn at keypa Okkara, kunnu hava sína egnu inn-og útgongd. – Vit hava skorið í betongið fyri hurðini, og nú arbeiðið er liðugt, er hetta ein íløga, sum við øllum liggur um einar 25.000 krónur. Hann vísir á, at nú sølan av Okk­ara er í vestara enda í Torg­inum, hevur hann høvi at sita aftan fyri veggin, sum er í sølu­búðini og avgreiða ymiskt pappírs­arbeiði. – Áður var sølan á øðrum staði, og tá kundi eg ikki vera í hand­ilsmiðstøðini, meðan eg út­flýggjaði vørur hjá Okkara, sigur Arni Brattaberg. Arni og Rakul gleða seg til jóansøku í Vági – Vit hava altíð onkur góð jóan­søku­tilboð, og soleiðis verður eis­ini hesaferð. Vit vænta at síggja nógv nýggj andlit teir næstu dag­ arnar, sigur Arni Brattaberg. Sølan av Okk­ara fer nú fram í vest­ara enda á Torg­inum í Vági Tað er úr vestara enda á Torginum í Vági (sí mynd), at hurð nú er sett í, soleiðis at viðskiftafólk, sum keypa Okkara, hava egna inn- og útgongd Mynd: Vilmund Jacobsen