fríggjadagur 15. juni 2012síða 85

vika 25 l 18. juni 2012 29 Jóansøka Vikutema Bjartskygni á Vágs Skipasmiðju Teir vóru skúlafelagar í 10 ár í Vágs skúla, og síðan 1993 hava teir átt Sp/f Vágs Skipasmiðju saman. – Vit hava líka sum ”hingið” saman øll hesi ár, sigur stjórin, Gudmund Kárason Jacobsen Vilmund Jacobsen Teir, sum eiga Sp/f Vágs Skipasmiðju, eru Gudmund Kárason Jacobsen, ið er stjóri, Hans Ziskasen, sum eisini starvast á skipasmiðjuni og Mortan Mortensen, sum annars er stjóri á Tangavirkinum í Vági. – Vit eru allir vágbingar og vóru floksfelagar øll árini í Vágs skúla, heilt úr 1. flokki upp í 10. flokk. Eg eri útbúgvin skipstimbrari, Hans er útbúgvin bilmekanikari, men hann hevur arbeitt sum maskinsmiðjur og hevur siglt sum meistari – og Mortan er eisini maskinsmiðjur og hevur sína egnu fyritøku á Tangavirkinum. Gudmund sigur, at teir tríggir líka sum hava ”hingið” saman, sum hann tekur til, øll árini síðan 1. flokk, og í dag liggja teir um 43 ára aldur. Teir tríggir keyptu Vágs Skipasmiðju frá Ídnaðargrunninum hin 7. juli í 1993 og hava rikið hana síðan. Upp og niður Gudmund Kárason Jacobsen sigur, at vanliga ”stamman” av arbeiðsfólki á skipasmiðjuni liggur um 15, men tað er serliga í summarhálvuni, at nógv virksemi er. Í løtuni eru teir einir 12 mans til arbeiðis – og tríggir lærlingar eru í skúla. – Um summarið er vanliga nógv at gera, og síðan er minni at gera aftur um veturin. Tíbetur hava vit fólk, sum vit kunnu heita á, tá mest er at gera, og tí hava vit eisini møguleikar at arbeiða við nøkrum monnum færri í lágárstíðini. Stjórin sigur, at ísfiskatrolararnir, Brestir og Vesturleiki, sum nú verða umbygdir til frystiskip, hava verið uppi, og tá Vikublaðið vitjaði í Vági, vóru teir um at verða lidnir við Vesturleika, sum var hin seinni á bedingini. Gudmund Kárason Jacobsen sigur, at síðan teir tríggir keyptu Vágs Skipa­ smiðju í 1993, hevur raksturin verið á einari leið. – Okkurt árið hava vit ligið beint undir linjuni – og onnur ár lógu vit beint omanfyri. Eg vil siga, at sam­ an­lagt hevur raksturin staðið upp og niður, sum hann tekur til. Góð beding Stjórin á Vágs Skipasmiðju sigur, at teir hava eina góða beding til stóru skipini, og síðan hava teir eina minni beding til smærri deksfør og glastrevjabátar. – Vit byrjaðu at yvirhála og dagføra sjálva bedingina fyri umleið tveimum árum síðan, og hydraulikkurin er eisini skiftur fyri nøkrum árum síðan. Weirurin er júst endavendur, og vit halda, at sjálv bedingin er í sera góð­ um standi. Hann vísir á, at Vesturleiki, sum hendan dagin stóð uppi, vigar eini 1000-1100 tons, men annars kann bedingin taka skip upp sum viga upp í eini 1500 tons. – Kjalarlongdin, sum pláss er fyri á bedingini, er 62 metrar, men tá skipini eru so stór, gerast tey gjarna eisini ov tung, sigur stjórin. Gott samstarv Nú Vágs Skipasmiðja hevur havt Brest og Vesturleika uppi, er hetta í sam­ starvi við Klaksvíkar Sleipistøð, sum eigur høvuðsarbeiði at umbyggja hesi bæði skip – frá at vera ísfiskaskip til at gerast frystiskip. – Vit hava havt eitt sera gott sam­ starv við klaksvíkingar um hesi skip­ini, sigur Gudmund Kárason Jacobsen. Við bedingina í Vági stóðu hendan dagin, tá Vikublaðið vitjaði, tveir bilar hjá Klaksvíkar Sleipistøð, og her hittu vit fólk, sum dagliga starvast á bedingini í Klaksvík, sum søgdu, at samstarvið millum bedingarnar er fyrimyndarligt. Vágs Skipasmiðja og Klaksvíkar Sleipistøð í góðum samstarvi. Gudmund Kárason Jacobsen, sum er maðurin høgru megin, er stjóri og ein av eigarunum av Vágs Skipasmiðju Mynd: Vilmund Jacobsen