fríggjadagur 15. juni 2012síða 88

vika 25 l 18. juni 2012 32 Jóansøka Vikutema Dygdar trol­ lemmar úr Vági Tað er felagið, Sp/f Rock Trawldoor, sum rekur virksemi í Vági við framleiðslu og umvælingum av trollemmum og við veitingum av jarn-og stálvørum til trolaraflotan Vilmund Jacobsen Framleiðslan, sum í dag er á virkinum í Vági, hevur sín uppruna aftur til 1. oktober í 2004, tá Sp/f Rock varð stovnað. Teir, sum stovnaðu felagið, høvdu allir mist pening í Injector International og Injector Door, sum bæði vóru farin á húsagang. Byrjanin hjá felagnum var tung, men teir fyrstu 15 mánaðirnar megn­ aði fyritøkan tó at koma við einum hampiligum úrsliti, og árið 2006 roynd­ist heldur ikki so galið. Sum tíðin gekk, kom felagið við ein­um nýggjum modelli av flótitrols­ lemmum sum flakatrolarin, Enniberg, royndi. Hesir lemmar royndust sera væl á kongafiskaveiði. Hetta førdi við sær, at uppsjóvarskipið Finnur Fríði eisini keypti eitt sett, og skjótt skuldi tað vísa seg, at fiskiskapurin hjá teimum gekk óføra væl. Stóri norski trolarin, Havstrand, keypti sær eisini Sea-Bat flótitrols- og botntrolslemmar í Vági. Í november í 2006 kom felagið á marknaðin við einum nýggjum modelli av lemmum til botntrol, og hesir fingu sera góða móttøku. Nógvir trollemmar eru framleiddir av hesum slag, og bæði føroyingar, íslendingar, norðmenn og fransmenn hava gjørt sær sínar royndir við teimum, og afturmeldingarnar gjørdust serstakliga positivar. Endamálið hjá Sp/f Rock Trawldoor er alla tíðina at gera betringar, bæði á trollemmar til uppsjóvarveiði og til botnveiði. Sløg og støddir Hans í Líðini í Vági, sum er stjóri á Sp/f Rock Trawldoor, sigur, at lemmarnir, sum fyritøkan ger til botnfiskaveiði, eru alt úr einum fermetri upp í 18 fermetrar – og lemmarnir til upp­ sjóvarveiði eru úr fimm fermetrum upp í 19 fermetrar. Spurdur, um vónir eru um, at makrel­fiskiskapurin, sum nú stundar til, fer at skapa økt virksemi á virkinum í Vági, sigur stjórin, at tað væntar hann ikki. – Makrelur verður veiddur heilt uppi í vatnskorpuni, og tað hevur víst seg hini árini, at skipini partrola eftir makreli. Tá brúka tey bara søkk og ikki lemmar. Hann leggur aftrat, at trollemm­ arnir, sum annars verða brúktir á makrelveiði, liggja vanliga millum 5 og 7,5 fermetrar í stødd. – Men, tá uppsjóvarskipini royna eftir svartkjafti, brúka tey stórar trol­ lemmar. Hans í Líðini ásannar, at í Føroyum eru so fá skip eftir sum fiska við lemmum, tí so stórur partur av flot­ anum partrolar. – Tað eru mest skipini, sum fiska í Barentshavinum, ið brúka trol­ lemmar, og her levera vit til øll skipini. Trolbátarnir, sum nú royna á land­ leiðini, brúka eisini lemmar, og her levera vit til flestu teirra. Selja av landinum Men til alla eydnu fyri Sp/f Rock Trawl­door er ein stórur marknaður uttan fyri Føroyar. – Vit hava ein stóran marknað í Íslandi, og vit hava eisini ein góðan marknað í Noregi. Síðan hava vit eisini selt nógvar trollemmar til eitt nú Kanada og Grønlands, umframt at einstøk sett eisini eru farin longur út í heim – ja, heilt til Ný Sælands. Hans í Líðini sigur, at felagið í Vági ger ymisk sløg av trollemmum og sløgini, sum fyritøkan serliga arbeiðir við, ganga undir heitunum Super Shark, sum felagið hevur gjørt í fleiri ár - og Sea Lion. Tað, sum sermerkir trollemmarnar úr Vági, er, at teir verða framleiddir úr sera góðum tilfari og eru rættiliga handbarir. – Vit hava ongan møguleika at kappast í prísi við eitt nú Kina og Litavia, men vit kappast hinvegin í dygd. Tað er óhoyrt, at skip royna við somu lemmum í fleiri ár. Tá eg gjøgnum fleiri ár var skipari á trolarum, var vanligt at skifta lemmarnar út eftir einum ári. Hans í Líðini tekur flakatrolaran Vesturvón sum dømi. – Tað eru fimm ár, síðan teir fingu Super Shark lemmar undir, og við hesum hava teir fiskað eini 15.000 tons í flaki. Tá Vesturvón hevði havt sínar lemmar umborð í eini tvey ár, keyptu teir sær eitt sett aftrat, men hesir hava bara staðið umborð - til at taka - hesi árini síðan, sigur stjórin á Sp/f Rock Trawldoor. Á heimasíðuni www.rock.fo er neyvari kunning um virksemi hjá fyri­ tøkuni í Vági. Vilmund Jacobsen Tangavirkið í Vági er ein rætti­ liga fleksibul fyritøka við dugna­ lig­um fólki. Arbeitt verður bæði við rustfríum stáli, jarni og alu­ min­ium. Ein týðandi partur av virk­seminum er framleiðsla av rekkverkum og trappum. Har­ um­framt ger fyritøkan eisini HVS-arbeiði. Tangar telja í dag eini 10% av framleiðsluni hjá fyritøkuni í Vági. Mortan Mortensen, stjóri á Tangavirkinum, sigur, at nú før­ oyskt skrásetta felagið, TG-Verk, byggir ítróttarhøll á Sandi, hava teir gjørt galvsúlur og trekk­ stengur, ið eru stengurnar millum dragararnar, sum eru úr límtræi. Men fyritøkan í Vági hev­ur eisini fingið hita-og sanitets­ arbeiði at gera í ítróttarhøllini á Sandi. Gongur væl Poul Augustinussen, maskin- smiður, sum hevur starvast hjá Tangavirkinum síðan 1988, er formaður fyri virkseminum, sum fyritøkan í dag ger fyri TV Verk á Sandi. – Okkara arbeiði við hvs byrjaði tíðliga í hesum árinum, og eg haldi, at tað hevur gingið væl. Í byrjanini vóru vit einir tveir mans á Sandi, men í seinastuni hava vit verið tríggir. Nú arbeiði skal verða liðugt til heystar, og nógv verður, sum skal gerast uppundir endan, verða vit helst einir fimm mans, sum burtur av fara at arbeiða á Sandi. Hann sigur, at tað eru tveir ketlar, sum dríva hitan í Sandoyar Meginskúla, og tað er hesin hiti, sum eisini skal leiðast út í nýggju ítróttarhøllina. – Báðir ketlarnir skulu skiftast og kanska onkur annar útbúnaður eisini, men hetta verður ikki gjørt, fyrr enn skúlin fer í sumarfrí. Tangavirkið skal eisini syrgja fyri allari ventilatión, vatni, eins og fyritøkan skal gera nýggju wc’ini. Gott samstarv Poul Augustinussen sigur, at veðrið í vetur hevur verið strævið hjá teimum, sum byggja høllina, men hann heldur, at teir, ið hava verið við í hesum virksemi, hava verið og eru rættiliga óførir. – Vit eru sera væl nøgdir við samstarvið við TG Verk, og vit eru sera væl móttiknir á Sandi yvirhøvur. Nú bilarnir hjá okkum hava koyrt her suðuri, samstundis sum Tangavirkið hevur verið um­ røtt í Vikublaðnum, hava vit eisini fingið ymiskar aðrar uppgávur at gera í Sandoynni við eitt nú rekkverkum, altanum og øðrum til privatfólk í oynni. Hann leggur aftrat, at nógv kann keypast úr útlandinum, men tað vil altíð vera høgligari, tá fyritøkan, sum ger arbeiði, kann taka mátini sjálv og annars syrgja fyri, at tingini verða gjørd eft­ir egnum ynski. – Jú, vit hava fingið fleiri ym­ iskar uppgávur, nú vit eru her suð­uri, sigur Poul Au­gustinus­ sen. Tangavirkið er í góðum sam­starvi við TG Verk Tá skúlin fer í summarfrí, fer Tangavirkið í Vági at taka gomlu ketlarnar í Sandoyar Meginskúla niður og seta nýggjar upp. Tangavirkið ger nevniliga hvs arbeiði í nýggju ítróttarhøllini á Sandi sum skal verða liðug til heystar Tangavirkið í Vági hevur havt eitt gott samstarv við TG Verk, sum stendur fyri byggingini av ítróttarhøllini á Sandi – Vit hava ongan møguleika at kappast í prísi við láglønarlond, men vit eru væl og virðiliga kappingarførir í dygd, sigur Hans í Líðini, stjóri á Sp/f Rock Trawldoor í Vági Tað, sum sermerkir trollemmarnar úr Vági, er, at teir eru rættiliga handbarir. Lemmarnir roynast eisini óføra væl í veiði