mánadagur 18. juni 2012síða 21

21 Mánadagur 18. juni 2012 · Nr. 69 Sosialurin Hugskot og viðmerkingar – send sms til 225000 Ítróttarblaðið euro 2012 Bólkur C Dystirnir verða spældir: Gdans og Poznan, Pólland Bólkur D Dystirnir verða spældir: Donetsk og Kiev, Ukraina Spania – Kroatia 19:45: 18/6 (Póllandi, Gdansk) Spania er í eisini støðu har teir koma víðari um teir fáa ein javnleik ella vinna. Spania hevur higartil ikki víst nakað tekin upp á at teir eru mettir ella troyttir. Spania og Xavi settu met í dystinum móti Írlandi, tá teir høvdu fleiri avleveringar sína millum enn nakað annað lið hevur megnað í EM enda­ spæls­samanhangi. 859 avleveringar bleiv tað til. Av teimum hevði Xavi 136 og tað er met fyri ein einstakan spælari í einum dysti. Vinnur Kroatia, so eru teir víðari. Endar dysturin við einum 2-2 javnleiki ella hægri, so koma bæði Kroatia og Spania víðari. Endar dysturin við javn­ leiki 1-1, so skal Italia vinna við 3-1 ella meir fyri at koma víðari. Kroatia er higartil komi væl frá EM og teir hava avgjørt ein møguleika, men spurningurin er nokk meiri hvussu nógv Spania leggur fyri. Havandi í huga, at Spania eisini kann rúka í kvøld svarar nokk tí spurninginum. Italia – Írland 19:45: 18/6 (Pólland, Poznan) Uppgávan hjá Italia er einføld. Teir skulu vinna á Írlandi fyri at hava nakran møguleika fyri at koma víðari. Endar dyst­urin millum Kroatia og Spania við einum 2-2, 3-3, 4-4 ella hægri mál­ skor­aði javnleiki, so er Italia út úr EM. Í 2004 kom Italia út fyri júst hesum, tá Danmark og Svøríki spældu 2-2 í seinasta dystinum í bólkaspælinm. Tað kostaði Italia víðari luttøku og teir vóru ikki blíðir og vildu verða við at talan var um avtala spæl. Hinvegin, tað burdu teir kent alt til. Vinnur Italia 3-1 og Kroatia og Spania spæla 1-1, so er púra javnt millum Kroatia og Italia. Tá kemur Italia víðari, tí teir eru hægri á FIFA styrkilistanum. Írland hevur ongan møguleika at koma víðari. 1 Spania 2 ( 5-1 ) 4 2 Kroatia 2 ( 4-2 ) 4 3 Italia 2 ( 2-2 ) 2 4 Írland 2 ( 1-7 ) 0 Støðan: Svøríki – Frakland 19:45 19/6 (Ukraina, Kiev) Frakland hevur góð kort á hondini. Teir hava fýra stig og møta Svøríki, sum ongan møguleika hevur fyri at koma víðari. Ein javnleikur er nokk til at Frakland við vissu kemur víðari til fjórð­ ings­finalurnar. Frakland hevur til eitt vist fingið upp­reisn eftir skandalurnar í HM endaspælið í HM 2010. Liðið tykist væl samanspælt og menn arbeiða fyri hvørjum øðrum. Tað ljóðar sum ein sjálvfylgja í fótbólti, men við Fraklandi veist tú ongantíð. Tapið fyri Onglandi gjørdi, at Svøríki nú ongan møguleika hevur fyri at koma víðari. Ongland – Ukraina 19:45 19/6 (Ukraina, Donetsk) Ongland skal eins og Frakland bara hava ein javnleik, so eru teir víðari til fjórðingsfinalurnar. Tapur Ongland hin­ vegin, so mugu teir vóna at Frakland tapur so nógv, at teir ikki hava eina betri málúrtøku enn Ongland. Ongland er hægri á FIFA styrkilistanum og hevði tí komi víðari. Fyri Ongland kemur tað væl við, at Wayne Rooney nú er tøkur aftur. Hann hevur sitið uttanfyri við leikbanni tveir teir fyrstu dystirnar. Spurningurin er so hvussu Roy Hodgson velur at blanda kortini. Danny Welbeck skoraði av­ger­ andi málið móti Svøríki, meðan Andy Carroll, sum var við frá byrjan eisini skor­aði. Neyvan verður pláss fyri øllum trimum á vøllinum í senn frá byrjan. Ukraina skal vinna á Onglandi fyri at hava nakrna møguleika at koma víðari. Spæla teir javnt og Frakland tapur, so hava bæði fýra stig, men Frakland vann innanhýsis dystin teirra millum og høvdu tí komu víðari. Í Ukraina halda tey ondini eftir at Andrei Shevchenko mátti gevast í eini venjing. Hann er stóra stjørnan á lið­ num og uttan hann verður ringt at vinna á Onglandi. 1 Frakland 2 ( 3-1 ) 4 2 Ongland 2 ( 4-3 ) 4 3 Ukraina 2 ( 2-3 ) 3 4 Svøríki 2 ( 3-5 ) 0 Støðan: Tekstur: Tróndur Arge, trondur@sosialurin.fo