fríggjadagur 22. juni 2012síða 51

nr. 71 · 22. juni 2012 11 VIKUSKIFTI – Tað krevur nógva orku av einum unglingi at tora at kasta seg út í tað vaksna lívið. Júst hendan øðin og hendan orkan eru ein sterk megi í hesum, sigur høvundurin. Ræður um samleika og viðurkenning Mikael Niemi sigur, at fólk, sum halda, at tey verða ikki sædd ella ikki tikin fyri fult, brúka harðskap fyri at sleppa av við trongdina, og at hetta er serliga galdandi fyri tey ungu. – Í dag er tað fremsta málið hjá nógvum at blíva kend sum eitt nú sjón­ varpsfólk ella rithøvundar, og eydnast tað ikki, má okkurt annað roynast. Nógv, sum klára seg illa í skúlanum, enda eitt nú sum kriminell, tí tað er ein lættur háttur at fáa ta viðurkenningina, sum teimum tørvar. Hetta sama er galdandi fyri tey, sum vilja verða hoyrd og sædd, sama hvat krevst fyri at røkka mál­inum, sigur Mikael Niemi. – Onkur fær hugskotið at skjóta onkran, tí tað gevur umrøðu í fjøl­miðl­ unum. Tað ræður um at fáa ein sam­ leika. Hugsa bara um tann norska hóp­ dráps­mannin. Hann verður ongantíð gloymdur. Samfelagið skapar ódjór Mikael Niemi heldur, at vit sleppa ikki av við óndskapin, sum liggur aftan fyri eina gerð sum hópdrápið tann 22. juli. – Hetta var ikki eitt óhapp ella ein náttúruvanlukka, men úrslitið av ónd­ skapinum hjá einum manni. Eg vænti, at tað fer at henda aftur, tí okkara sam­felag skapar slík ódjór. Internetið er tann stóri samskiftarin, sum ger, at tú kanst vísa teg allastaðni, og tað elvir til brell hjá ávísum persónsmenskum, sigur Niemi. – Boðskapurin í míni bók er, at tað ber til at vinna á óndskapinum, tá tað snýr seg um óndskapin inni í tær sjálv­ um. Men tað er ikki lætt. Men at vinna á óndskapinum í einum øðrum per­sóni er nógv torførari, og tað mest óhugna­ liga er, at soleiðis verður tað altíð, sigur svenski rithøvundurin. Mikael Niemi var júst liðugur at skriva bókina, tá Anders Behring Breivik framdi atsóknir sínar Mikael Niemi er borin í heim í Pajala í Tornedalen í Svøríki tann 13. august í 1959. Pojola er nærhendis finska markinum, og fólk har tosa finskt, men Mikael hevur skrivað sínar bøkur á svenskum máli. Hann hevur sjálvur sagt, at sálin er finsk, men tungan svensk. Tað var sum yrkjari, at Mikael Niemi gjørdist kendur. Hansara fyrsta bók var yrkingasavnið »Näsblod under hög-mässan«, sum kom út í 1988, og síðani hevur hann latið fleiri yrkingasaøvn, skaldsøgur og leikrit úr hondum. Í 2000 fekk Mikael Niemi August-virðislønina fyri skaldsøguna »Populärmusik från Vittula«. Bókin fekk sera góða móttøku, og meiri enn ein hálv millión sviar ognaðu sær hana. Seinni er bókin týdd til meiri enn 30 mál, og í 2004 varð hon gjørd til film. Aðrar bøkur hjá Mikael Niemi eru »Svålhålet«, »Kyrkdjävulen«, »Mannen som dog som en lax«, »Blodsugarna« og nú »Skjut appelsinen«. Mikael Niemi Hópdrápið á Jokela-skúlanum Tann 7. november í 2007 skjeyt tann 18 ára gamli Pekka-Eric Auvinen ellivu fólk inni í Jokela-framhaldsskúlanum í finska býnum Tusby. Átta teirra doyðu, teirra millum skúlastjórin, sum var kvinna. Aftaná skjeyt byrsumaðurin seg sjálvan, og hann doyði á einum sjúkrahúsi seinni sama kvøld. Undan atsóknini hevði Pekka-Eric Auvinen lagt eina sjónbandsupptøku út á YouTube við myndum, har hann vandi seg at skjóta við einari skammbyrsu. Tá løgreglan rannsakaði Jokela-skúlan, kom hon fram á flótandi brennievni, og tí varð hildið, at Pekka-Eric Auvinen hevði havt ætlanir um at seta eld á skúlan, áðrenn hann skuldi taka lívið av sær. Heima hjá tí unga manninum fann løgreglan upplýsingar, sum avdúkaðu, at hann hevði ætlað at beina fyri sær. mynd: polfoto – Fólk, sum halda, at tey verða ikki sædd ella tikin fyri fult, brúka harðskap fyri at sleppa av við trongdina, og at hetta er serliga galdandi fyri tey ungu, sigur Mikael Niemi