mánadagur 25. juni 2012síða 4

Mánadagur 25. juni 2012 · Nr. 72 4 Sosialurin Hugskot og viðmerkingar – send sms til 225000 Randi Jacobsen 9. flokkur í Skúlanum við Løgmannabreyt er liðugur við allar próvtøkurnar, og næmingarnir hava einki at skammast við. Eingin veit um, at nakar flokkur nakrantíð hevur megnað at fingið so góð úrslit. Upp í 10 í miðal í summum lærugreinum, og eitt ótal av 13-tølum. Summi fólk tala ímóti at hava stórar skúlaflokkar, men hesin flokkurin og skúl­ in hava prógvað tað øvugta. Í 9. flokki í skúlanum við Løgmannabreyt eru nevni­ liga 50 næmingar. Hetta er fyrstu ferð, at hes­in skúlin hevur 9. flokk. – Orsøkin er fyrst og fremst dugnaligir lærarar og nær­lagdir næmingur, sigur Høgni Joensen, skúlastjóri. Við skúlaársenda í fjør vóru somu næmingar til van­liga 9. floksroynd fyri at venja seg til royndina í ár. Sjálvstøðugir næmingar Høgni Joensen rósar eisini lær­arunum fyri at hava dug­ að at gera undirvísingina spenn­andi við nógvum verk­ ætlanum og bólkaarbeiði, og næmingarnir hava dugað væl at stuðlað hvør øðrum. – Til próvtøkurnar fingu allir næmingarnir ovurhonds góð skotsmál, og tað fingu teir eisini fyri verkætlanirnar, sigur Høgni Joensen. Hann sigur, at próv­dóm­ ararnir vóru royndir lærarar, og teir vóru eisini ovfarnir av dugnaligu næmingunum. Næmingarnir sjálvir vóru greiðir yvir, at væl stóð til, men eingin hevði væntað so avbera góð úrslit. Onkrar verkætlaninir vóru so væl eydnaðar, at tær komu í fjølmiðlarnar. Tá ið næmingarnir komu aftur úr starvsvenjing, vóru afturmeldingarnar, at næm­ ingarnir dugdu væl at ar­ beiða sjálvstøðugt. Góð skipan – Flokkurin hevur bara alla tíðina góður, líka síðan hann varð lagdur saman í fjør, sigur Bjørg Nolsøe, sum hevur undirvíst hesum flokkinum bæði árini. Hon sigur, at frá fyrsta degi ráddi ein jaligur andi í flokk­inum. Tey settu sær mál fyri. Við 50 næmingum í flokk­ inum hevur ongantíð bara ein lærari undirvíst. Tað hava altíð verið minst tveir lærarar, og hetta samstarv millum lærarar hevur eisini givið teimum nakað. Tá ið nýtt skúlaár byrjar, fara flestu næmingarnir í NámX. Nøkur fara í Hoydalar og nøkur á eftirskúla. Onkur velur at fáa sær arbeiði. Hetta skúlaár hava um­ framt 9. lokk 1. til 5. flokk verið stórir. Hinir flokkarnir hava vanliga stødd. Óvanliga góður skúlaflokkur Skúlin við Løgmannabreyt hevur væl og virðiliga prógvað, at næmingarnir í stórum flokki kunnu fáa góð úrslit Í góða veðrinum í morgun lógu nakrar av yngru næmingunum í túninum og roknaðu Í dag vórðu myndir tiknar av næmingunum, og hvør flokkur hevði sín lit á blusunum Myndir: Álvur Haraldsen