mánadagur 25. juni 2012síða 26

Mánadagur 25. juni 2012 · Nr. 72 26 Sosialurin Hugskot og viðmerkingar – send sms til 225000 Kjak Sum flestum kunnugt, so eru stórar broytingar hendar í politinum sein­ astu 2 árini. Í de­sember í 2010 skrivaði eg grein, sum bar heiti: ”Eystur­ oyggin í politistaloysi”. Í greinini nevndi eg, at tað tyktist mær sjáldsamt, at Eysturoyggin við sín­ um knapt 11.000 íbúgv­ um, ikki skuldi hava eina mannaða politi­støð, men at allir politist­ arnir skuldu flytast til Klaksvíkar. Hóast heitt var á avvar­andi myndugleikar um at støðga ætlaðu broyt­ing­ ini, so var tað ikki tikið til eftirtektar. 22. september í 2011 var so kunnandi fundur fyri øllum borgarstjórum í Norðurøkinum, har greitt var frá broyt­ing­u­ num, sum skuldu setast í verk fáar dagar seinni. Fyri okkum borgar­ stjórunum í økinum var gjørt greitt, at á politi­ støð­ini í Runa­vík komu politistar ikki at arbeiða dagliga, tí teirra arbeiðs­ staður skuldi flytast til Klaksvíkar. Men, tað var gjørt púra greitt fyri okkum, at opið kom at verða hvønn yrkadag á politistøðini í Runavík, har tær verandi borgara­ tænasturnar kundu av­ greiðast, soleiðis sum tær frammanundan høvdu verið. Eisini var sagt, at sýslumaðurin kom at verða hvønn yrka­dag á politi­støðini, og tá honum barst frá, so kom ein politistur í hans­ara stað. Hetta, at borgaratæn­ ast­urnar, sum høvdu ver­ ið her í mong ár, fram­ haldandi fóru at verða og so at sýslumaðurin ella ein politistur koma at verða á politistøðini hvønn yrkadag, tað var sum plástur á sárið, tá nú allir politistarnir fluttu til Klaksvíkar. Men, hvat nú? Bert lítið ár seinni, so eru aft­ur broytingar á skránni. Eg frætti sum tíðindi í býnum, at nú var ætlanin at niðurlaga virksemið á politistøðini uppaftur meiri. Eg vendi mær tí beinanvegin til økispolitileiðaran fyri Norðurøki, fyri at kanna um nakað var í hesum, sum frættist. Vit hava samskift um hetta mál, og niðurstøðan er púra greið, at sparingar verða í økinum nú, og økispolitileiðarin sigur seg ikki kunna geva lyfti um, at eingin skerjing hendir á politisstøðini í Runavík. Eg kann tí ikki annað enn stúra fyri, at virksemið á politistøðini í Runavík enn einaferð verður skert, og hvat verður so endin! Eg fari tí at heita á avvarandi myndugleikar at gera sítt til, at virk­ semið á politistøðini í Runavík ikki verður niðurlagað enn einaferð, soleiðis at tænastan í økinum aftur versnar og til seinast er burtur! Er ætlanin at steingja politistøðina í Runavík? Magnus Rasmussen borgarstjóri Runavíkar kommuna Miðbýarætlan fyri Havnina, har kreativitetur er í hásæti Andrea Heindriksdóttir Ofta hevur verið frammi at gera miðbýarætlan fyri Havn­ini, og mong munnu tey uppskot vera, sum liggja í skuff­unum á Vaglinum - men hettar ger ikki nýggj­astu ætlanina, sum kom fram fyri kortum, minni áhugaverda. Hendan nýggjasta, er tó á mangan hátt, ein sera kær­komin áminning um, at tað er umráðandi at fáa miðbýin at mennast, so hesin kann gerast eitt kraftsentur, har allir føroyingar og út­ lendingar við, kunnu kenna á sær stórbýardám. Tá miðbýarætlan skal ger­ast, er umráðandi bæði at hyggja frammeftir, men eisini at taka tað við, sum onnur undan okkum hava lagt lunnar undir. Tað er í hesum sambandi eisini umráðandi at leggja eina langtíðarætlan, so miðbýurin yvir ár, veruliga verður útbygdur eftir eini fastsettari ætlan. Fleiri øki eru nevnd í nýggju miðbýarætlanini, og kanska serliga økið, niðri í Vágsbotni, kann við hesi ætlanini, gerast ein sonn perla. Eitt annað øki sum er sera spennandi er økið mill­um Sjónleikarahúsið og Komm­ unuskúlan. Her verður lagt upp til, at gera eitt torg har skúli og mentan kunnu sam­ starva. Nógv hevur verið frammi um, hvat skal gerast við Kommunuskúlan, men hví ikki hava skúla á hesum øki, har skúli hevur verið í eina øld ? – sjálvandi skal Havnin hava ein miðbýarskúla. Mið­ býarborgarar hava tørv á einum nýhugsaðum og fram­ sóknum miðbýarskúla eins og høvustaðurin hevur tað. Søguliga staðið har Komm­unuskúlin liggur í dag, eigur ikki bara at gerast til okkurt hissini, heldur eigur staðið at nýtast til tað, sum upprunaliga ætlanin er, nevniliga skúla har ung- dómur flokkast - eisini aft­ aná skúlatíð. Kommunuskúlin hevur, til allar tíðir, verið ein skúli fyltur við mentanar - og listatilboðum. Hettar hóskar væl saman við ætlanini at gera mentanartorg millum Sjónleikarahúsið og skúlan. Arbeiðið við at leggja Venjingarskúlan og Komm­ unuskúln saman í eina eind er gleðiligt og gongur sum skilst væl. Hesin samanlagdi skúlin, fer at hava nógvar nýggjar møguleikar við sær. Guli bygningurin sum har standur í dag eigur at tak­ast niður, og nýggjur skúli byggjast, við atliti til, at skúlin eisini kann ger­ast eitt mentanarligt kraft­sentur í miðbýnum, har havnar­borg­ arar kunnu savnast. Havandi í huga at heim­ urin hungrar eftir kreativum fólki, og at allar kanningar vísa at list saman við ítrótti, eru fremstu átøk, fyri at menna innlæringina hjá børn­um, eiga vit at ganga und­an á hesum øki. Her mitt í Havnini er møguleikin at byggja ein skúla sum ein kreativan depil, har rúm fæst fyri skúla, frí­tíðarskúla, framførslum, fram­sýningum og øðrum krea­tivum virksemi. Á henda hátt kann virksemi fyri ung, sum í dag heldur til í ótíðar­ hóskandi hølum í Margarin­ fabrikkini eisini, sum ein heilt nattúrligur partur, hava rúm her. Nútíðar skúlin skal byggj­ ast eftir nútíðarleisti, og tí krevst opinleiki, nýhugsan og árræði at bróta uppúr nýggjum. Vit eiga, nú vit skriva 2012, at tora at hugsa nýtt, tora at hugsa skúla inn í eina nógv breiðari eind, har pláss er fyri aktiviteti allan sólarringin - eina eind sum liggur mitt í býnum, og tí fær gagn av tí sum miðbýurin hevur at bjóða, og miðbýurin fær gagn av tí sum hesin hevur at bjóða. Sjónvarpið og eldsbrunin Bjarti Thomsen Nólsoy Sjónvarpið er farið dekan ov langt av leið í síni jagstran av Heðin Mortensen, og skuldi heldur viðgjørt viðkomandi spurningar, sum syndarligi eldsbrunin á Ravnsoyarvegi setir. Byggimyndugleikin eigur ikki alla ábyrgdina av, at vind­ eygu eru hóskandi. Um so er, eigur umsókn og góðkenning at fyriliggja hvøjraferð eitt vindeyga skal skiftast, og tá er 'byrokratiið' farið ov langt. Tí hevur eigarin, og tann sum ger arbeiðið, ábyrgd av, at reglur verða fylgdar. Tann mest álvarsami spurn­ingurin, eftir sorgar­ leik­in á Ravnsoyarvegi, er, um tað er skilagott ella ikki at hava barnasikring á vind­ eygum, og um hetta kann gerast á annan og betri hátt. Tað nyttar onki, at vind­ eyga­opið er nóg stórt, um barnasikring forð­ar fyri, at børn sleppa út í eini neyð­ støðu. Hetta er høv­uðs­ spurningurin, sum eitt hósk­ andi svar skal finnast til. Tá miðbýarætlan skal ger­ ast, er umráðandi bæði at hyggja frameftir, men eisini at taka tað við, sum onnur undan okkum hava lagt lunn­ar undir. Tað er í hes­um sambandi eisini um­ráð­andi at leggja eina lang­tíðarætlan, so miðbýurin yvir ár, veruliga verður útbygdur eftir eini fastsettari ætlan