mánadagur 2. juli 2012síða 4

Mánadagur 2. juli 2012 · Nr. 75 4 Sosialurin Hugskot og viðmerkingar – send sms til 225000 Vilmund Jacobsen Vinnulívið í Klaksvík hevur aftur spent seg út, og enn einaferð er tað JFK-samtakið, sum ger vart við seg. Nú hevur felagið keypt norska nótabátin Kanstadfjord, sum er á veg heim til Føroya. Á skrivstovuni hjá JFK- Troli verður upplýst, at skipið bæði skal fiska og eisini taka móti makreli í summar frá trolbátunum. Ætlanin er, at øll veiðan skal leggjast upp til Faroe Pelagic í Kollafirði, sum JFK- samtakið er ein partur av. Tað er norska felagið Ytter­stad, sum hevur selt JFK nótabátin, men einki verður upplýst um prís. Kanstadfjord, sum er smíð­aður í 1995, er góðar 57 metrar langur, 12 metrar breiður og lastar 1500 tons. Hann fær navnabroyting til Slættaberg, ið er gamalt skipanavn hjá JFK-Troli. Ikki greitt Tá Sosialurin hevði orð á JFK-Trol í morgun, vistu tey ikki neyvt, nær Kanstadfjord er í Føroyum, og á Havnar­ skrivstovuni í Klaksvík høvdu tey onga fráboðan fingið um, nær skipið er væntandi á Klaksvík. Sum skilst á Havna­skriv­ stovu­ni, tekur túrurin heim úr Noregi helst eini 2-3 sam­ døgur, tí skipið er so norðar­ liga. Árni Joensen Av teimum knappliga 236.000 íslendingunum, sum høvdu valrætt leygardagin, vóru heldur fleiri enn 163.000 á vali, og ongantíð áður í fullveldistíð landsins hava veljararnir havt so mong valevni at velja ímillum á einum forsetavali. Ikki færri enn seks fólk stillaðu upp, men longu síðani uppstill­ ingarfreistin var úti, var tað greitt, at valið fór at standa ímillum verandi forsetan og kringvarpskvinnuna Þóru Arnórsdóttir. Men meininga­ kanningarnar avdúkaðu líka skjótt, at íslendingar ætlaðu sær ikki at skifta forseta. Kanningarnar hildu rætti­ liga væl. Tá uppteljingin var liðug gjáramorgunin, hevði Ólafur Ragnar Grímsson fingið 52,78 prosent og Þóra Arnórsdóttir 33,16 prosent. Hetta var næstan neyvt tað, sum tann seinasta kanningin hjá Ríkisútvarpinum hevði víst. Umframt heildarúrslitið kundi forsetin fegnast um, at hann vann í øllum teimum seks valdømunum. Valluttøkan var góð 69 prosent, og bara eina ferð áður er tað hent, at færri enn 70 prosent av veljarunum hava verið á forsetavali. Fyrru ferð var í 2004, tá Ólafur Ragnar Grímsson hevði tveir avbjóðarar. Sjálvur heldur forsetin ikki, at tað er nakað óvanligt, at færri fólk fara á val. Hann vísir á, at gongdin er tann sama í øðrum londum. Harafturat var tað serliga í høvuðsstaðnum, at valluttøkan var minni, enn hon plagdi at vera, og soleiðis hevur tað eisini verið í sambandi við onnur val tey seinnu árini. Ikki bara forsetaval Eingin íslendskur forseti hevur verið so virkin í tí al­ menna kjakinum í Íslandi sum Ólafur Ragnar Gríms­ son, og hann hevur ongar ætlanir um at gera minni við tann partin av embætinum í komandi tíð. Heldur tvørtur­ ímóti, og í hansara eygum var valið leygardagin ikki bara eitt val um forsetan, men eisini um leiklut for­ setans í samfelagnum. – Kjarnin í málinum er, at tann demokratiska koll­velt­ ingin, sum kom við fólka­ atkvøðuni um Icesave-málið, hevur havt sera stóran týd­ ning fyri tað demokratiska kravið hjá fólkinum um at sleppa at siga sína hugsan, segði Ólafur Ragnar Gríms­ son í einari samrøðu í gjár. Forsetin segði, at vantandi álit á Altingið ger, at fólkið í størri mun enn fyrr vil hava forsetan at siga sína hugsan um politisk viðurskifti. Hann segði, at hann ætlar sær tó ikki at fara út um tann leik­ lut, sum liggur í forseta­em­ bætinum. Ósigur fyri stjórnina Júst luttøkan hjá forsetanum í tí almenna kjakinum og eitt nú avgerð hansara at koyra Icesave-málið til fólkaat­ kvøðu hava gjørt, at stjórnin hjá Jóhonnu Sigurðardóttir vildi havt annan forseta enn Ólaf Ragnar Grímsson aftan á valið leygardagin. Eitt nú er tað alment kent, at Jóhanna Sigurðardóttir styðjaði Þóru Arnórsdóttir undir valstríð­ num. – Sigurin hjá Ólafi Ragnari var ein ósigur fyri stjórnina og ein sigur fyri andstøðuna, skrivaði Hannes Hólmsteinn Gissurarson, professari á stjórn­málafrøði, á síni heima­ síðu í gjár. Ein annar professari í stjórn­málafrøði, Gunnar Helgi Kristinsson, segði við Ríkis­ útvarpið, at tann afturvaldi forsetin verður tungur hjá stjórnini at dansa við og helst tyngri, enn hann hevur verið, nú veljararnir hava víst honum, at teir styðja hann og hansara tulking av leiklutinum hjá forseta­em­ bæti­num. Val Leygardagin valdu íslendingar Ólaf Ragnar Grímsson til forseta fyri eitt fýra ára skeið afturat teimum trimum valskeiðunum, sum hann longu hevur røkt embætið. Men valið ikki bara eitt forsetaval Skip Nótabáturin, Kanstadfjord, sum JFK-samtakið hevur keypt úr Noregi, kemur á Klaksvík fyrst í hesi vikuni og fær navnabroyting til Slættaberg Valdu forsetan og leiklutin aftur Enn eitt skip til Klaksvíkar val Sum forseti hevur Ólafur Ragnar Grímsson gjørt seg eitt slag av einum fólkains talsmanni og varðhundi mótvegis tí politiska valdinum Mynd: Polfoto Klaksvíkingar hava aftur spent seg út og hava keypt nótabát úr Noregi, sum bæði skal fiska og taka ímóti makreli frá trolbátum ... Kanstadfjord, sum er smíðaður í 1995, er góðar 57 metrar langur, 12 metrar breiður og lastar 1500 tons...