mánadagur 2. juli 2012síða 16

Mánadagur 2. juli 2012 · Nr. 75 16 Sosialurin Hugskot og viðmerkingar – send sms til 225000 Ítróttarblaðið Tróndur Arge Ongantíð fyrr hevur eitt landslið megnað at endurvunnið EM heitið, og ongantíð hevur eitt landslið megnað at vunnið trý heiti á rað. Tað hevur Spania og tí verður róð framundir at tað, sum hendi í Kiev í gjár, er ein staðfesting av at Spania, frá 2008 til 2012, er eitt tað besta landsliðið heimurin nakrantíð hevur sæð. Spania útspældi Italia í stóru løtum av dystinum og tá skaðar gjørdu at Italia mátti spæla seinasta hálva tíma við tíggju monnum, var alt avgjørt. Eftir finaluna kundi Iker Casillas, sum nú hevur vunnið eitt hundrað landsdystir, lyfta EM-steypið upp um høvd og vísa heiminum hvør er best. Uttan áleypara Tað hevur verið funnist at spanska landsliðsvenjaranum, Vicente del Bosque, tí hann fleiri ferðir hevur sett liðið uttan at hava nakran framherja inni. Tað gjørdi hann eisini til finaluna, men hesa ferð ber ikki til at finnast at avgerðini hja honum. Í staðin fyri eitt nú Fernando Torres ella Alvaro Negredo, so var Cesc Fabregas at síggja í álopinum, men við einum øðrvísi leikluti enn ein vanligur framherji hevur. Tað gekk ikki meir enn eitt korter áðrenn Cesc Fabregas gjørdi um seg. Hann luttók nógv í spælinum og eftir eitt síðuskift endaði bólturin hjá liðfelagnum úr Barcelona, Andres Iniesta. Hann spældi Cesc Fabregas leysan í brotsteiginum. Fyrrverandi Arsenal leikarin kom framvið einum italskum verjuleikara og legði bótin útfrá til David Silva, sum við góðum stútara legði Spania á odda. Eftir málið trýsti Italia og teir vóru nær við at javna. Hesa løtuna var munurin ikki so stórur, men fýra minuttir fyri hálvleik økti Spania. Xavi Hernandez sendi komandi liðfelagin, vinstra bakkin Jordi Alba, avstað í vinstru síðu. Við einari frálíkari bóltnerting legði Jordi Alba bóltin til rættis og leysur móti málmanninum plaseraði hann bóltin framvið Gianluigi Buffon og í mál. Ei undur í, at Barcelona hevur keypa hann. Italsk óeydna Skuldi Italia gera nakað við Spania, so var neyðugt at teir høvdu tað tiltikna hepnið við sær. Tað høvdu teir ikki. Miskeiðis í fyrra hálvleiki mátti verjukempan, Giorgio Chiel­ lini, geva skarvin yvir vegna skaða. Hetta tvingaði Cesare Prandelli at nýta sína fyrstu útskifting. Hetta er bara aður ferð í søguni, at eitt lið hevur skift út í fyrra hálvleiki í eini EM finalu. Í 2004 skifti Portugal út í fyrra hálvleiki í finaluni. Í hálvleikinum vóru góð ráð dýr. Cesare Prandelli valdi at skifta fyri aðru ferð og út fór Antonio Cassano og inn kom Antonio Di Natale. Góðar tíggju minuttir seinni tók italski landsliðsvenjari ein kjans og skifti fyri triðju og seinastu ferð. Út fór Riccardo Montolivo og inn kom Thiago Motta, sum hevur havt trupulleikar við lærinum upp til finaluna. Tað skuldi vísa seg, at gerast endin á italsku mótstøðuni. Tað gingu bara tríggir minuttir, so lá Thiago Motta á vøll­inum og helt um baklæarið. Sjónvarpsmyndirnar vístu., at talan ikki var um nakra takling ella nærdyst, og tí var sannlíkt at talan var um eina fiburspreingin. Sostatt mátti Italia spæla við tíggju monnum seinasta hálva tíman. Var mótbekkan tung áðrenn, so bleiv uppgávan nærmast ómøgulig seinasta hálva tíman. Søguligi Torres Eitt korter fyri tíð kom tann nógv útskeldaði Fernando Torres á vøllin. Smáar tíggju minuttir seinni var Xavi Hernandez aftur arkitekturin aftanfyri eina framúr neyva og góða avlevering. Hann spældi Fernando Torres leysan, sum einsamallur móti málmanninum var tryggur og økti til 3-0. Fernando Torres er tann fyrsti leikarin, ið megnar at skora í tveimum EM finalum. Hóast Fernando Torres er nógv útskeldaður, so er hann bæði Champions League vinnari og EM vinnari 2012. Bara minuttir seinni var Fernando Torres aftur íblandaður, tá Spania setti krúnuna á verkið við málinum til 4-0. Tað vóru teir báðir innskiftu Chelsea leikararnir, Fernando Torres og Juan Mata, sum stóðu fyri málinum. Fernando Torres bleiv aftur spældur leysur í Spania vann í gjár EM finaluna móti Italia heili 4-0. Tað var ein framførsla, sum staðfesti hvussu langt frammanfyri hini spanskur landsliðsfótbóltur er. Spurningurin er nú um spanska landsliðið frá 2008 til 2012 er tað besta landsliðið nakrantíð? Spania er EM vinnari 2012