mikudagur 4. juli 2012síða 24

Mikudagur 4. juli 2012 · Nr. 76 24 Sosialurin Hugskot og viðmerkingar – send sms til 225000 Ítróttur Pætur Albinus Tað vóru 15 hitastig og sum dysturin leið nakað váttligt á Windsor Park týskvøldið, har heimaliðið Linfield bjóðaði føroyameistarunum úr B36 væl­komnum í fyrsta undan­ um­farinum í Champions League. Linfield hevði nakrar skaðar at dragast við áðrenn dystin, og var eitt nú ungi Ross Glendinning í mál­ inum ístaðinfyri Alan Blayney. B36 hevði hinvegin allar mans tøkar til dystin. Odmar Færø, sum var ein av stinnastu leikarunum hjá B36 í fjør, er júst komin heim aftur úr Skottlandi og byrjaði í miðverjuni saman við Jonasi Flindt Rasmussen, sum júst er komin fyri seg eftir ein skaðasteðg. Yvirlivdu brotsspark Tað sást frá dystarbyrjan, at Linfield ikki er mitt í teirra kappingarári og at flestu leikararnir júst eru komnir heim aftur úr summarferiu. Longu í 6. minutti fekk liðskiparin hjá Linfield, Jamie Mulgrew, gult kort fyri eina alt ov seina og harða takk­ ling ímóti Róaldi Jakobsen. Frí­ sparkið, sum var langt útifrá, sendi Súni Olsen við nógvari ferð beint við síðuna av málinum. Tað var annars gjøgnum­gang­ andi fyrsta korterið ella so, at heima­liðið ikki júst fekk spælið at hanga saman vegna óneyvar spæl­ingar. Hetta var eisini nakað, sum venjarin, David Jeffrey hevði gramt seg um undan dystinum - tað, at leikarar hansara ikki vóru í dystar­formi. Sum fyrri hálvleikur leið kom Linfield tó væl betur við í dystin, og hevði Meinhardt Joensen nógv at gera við at bjarga bóltar út til horna­spark. Seks minuttir fyri hálvleik gjørd­ist Meinhardt Joensen aftur lykla­maður, tá ið hann bjargaði einum brotssparki, sum Linfield fekk tillutað eftir at Jonas Flindt Rasmussen hevði felt Jamie Mulgrew í brotsteiginum. Hann bjargaði einum hørðum skoti frá mál­slúkaranum, Peter Thompson. Hálvleiks­støðan var 0-0. Hildu tað heim Seinni hálvleikur var ikki meiri enn tveir minuttir gamal, tá ið Mark McAllister sendir eitt ávar­ingar­ skot úr 20 metrum beint framvið málinum. Hetta var ávar­ingarskotið til ein hálvleik, har Linfield sat á so at siga øllum. Verju­skipanina hjá B36 høvdu teir tó ikki lykilin til at lata upp, og stóð skipanin seg sum heild væl og útihýsti Linfield frá teimum heilt stóru málmøguleikunum. Tað sást á Linfield-leikarunum, at teir vóru um at ótolnast eftir at fáa hol á málskjótingina, sum kundi lagt lunnar undir eitt gott útgangs­ støði til returdystin. Hinvegin var Lukasz Cieslewicz hjá B36 tætt við, tá ið hann í einum mótálopi í vinstru síðu setti mikla ferð á, tók bóltin við sær inn inn ímóti miðjum vølli og royndi seg við einum fløtum skoti. Bólturin stakk á uttaru síðuna av stongini og so var vandin av. Tað var hvørki nógv ferð ella glið á spælinum hjá Linfield. B36 dugdi væl at taka luftina úr dystinum við fleiri smáum fríspørk, somuleiðis sum tey nógvu hornaspørkini hjá Linfield tók eitt sindur av luft. Stríðsmenn sum Rasmus D. Sørensen, Heini í Skorini og Klæmint Matras vórðu í seinna hálv­leiki settir á vøllin at halda 0-inum, og tað mátti sigast at hepn­ ast væl. Hóast Linfield var greitt meiri á bóltinum, so funnu teir ongan­tíð seinastu fríspælingina til at fáa latið B36-verjuna upp, og máttu teir eftir seinasta bríkslið í dyst­inum bara ásanna, at trýstið var úrslitaleyst. Dysturin endaði nevniliga við 0-0-javnleiki. B36 hevur við málleysa javn­ leik­inum tryggjað sær eitt gott út­ gangsstøði undan returdystinum, sum verður spældur á Ovara Vølli í Gundadali komandi týsdag kl.18. albinus@sosialurin.fo B36 fekk gott útgangsstøði í Belfast Fótbóltur Hóast norðurírsku meistararnir úr Linfield royndu at trýsta ímóti føroyameistarunum úr B36 á Windsor Park í Belfast týskvøldið, so fekk B36 við 0-0-javnleiki eitt gott útgangsstøði við sær til Føroya Linfield - B36 0-0 (0-0) Dómari: Wim Smet (Belgia) Linfield: Mark Glendinning - Daryl Fordyce, Steven Douglas, Albert Watson (46. David Armstrong) Jim Irwin - Damien Curran, Jamie Mulgrew, Brian McCaul (65. Michael Carvill) Robert Garrett - Mark McAllister, Peter Thompson (74. Matthew Tipton) B36: Meinhardt Joensen - Høgni Eysturoy, Odmar Færø, Jonas Flindt Rasmussen, Símun Joensen - Bárður Olsen (84. Heini í Skorini) Atli Danielsen, Súni Olsen, Róaldur Jakobsen - Jákup á Borg (67. Rasmus D. Sørensen) Lukasz Cieslewicz (90. Klæmint Matras) Fingu teir at spæla soleiðis, vit vildu Mikkjal Thomassen: Tað var ein væl nøgdur B36- venjari, Mikkjal Thomassen, ið vit fingu orðið á beint eftir 0-0-javn­leikin ímóti Linfield. – Eg eri væl nøgdur við at dyst­urin útformaði seg soleiðis, sum vit væntaðu. Vit hava nýtt ógvuliga nógva fyrireikingartíð upp á at fáa teir at spæla soleiðis, sum vit vildu. Og tað riggaði – tað, at teir spældu upp á innlegg. Meinhardt (Joensen, red.) hevði eina góða brotssparksbjarging eftir eitt brotsspark, sum eg ikki haldi var brotsspark, og so hevði hann nógv góð inntriv í feltinum. Saman um tikið var hetta eitt disciplinerað avrik, har vit vísa teimum aftur so at siga allan dystin, sigur ein væl nøgdur Mikkjal Thomassen eftir dystin. Nú fer Mikkjal saman við restini av hópinum at fyrireika seg upp á returdystin í Gundadali komandi týsdag. Hann væntar ikki, at teir neyðturviliga fara at leggja meiri fyri í álopspartinum fyri at avgera dystin. – Nei, helst ikki. Vit fara at hyggja at dystinum og síðani finna út av, hvar vit skulu leggja trýst á teir. Vit skulu hava eitt meiri mál enn teir, og so eru vit víðari. Ein brotssparkskapping er fyri so vítt eisini í lagi. Vit fingu javnleik í Belfast, og so kunnu vit sanniliga eisini vinna á heimavølli, sigur B36-venjarin at enda. Champions League Savnsmynd: Álvur Haraldsen