fríggjadagur 27. juli 2012síða 30

Fríggjadagur 27. juli 2012 · Nr. 86 30 Sosialurin Hugskot og viðmerkingar – send sms til 225000 Ítróttur KÍ skal standa royndina á heimavølli ÍF hómar málmin Fuglfirðingar fáa í kvøld vitjan av FC Suðuroy. ÍF er fimm stig aftanfyri Víking og seks stig aftanfyri KÍ. Tí er møguleiki fyri, at fuglfirðingar í kvøld kunnu lyfta seg nærri toppinum. Tað gera teir, um tað eydnast at vinna fulla úrtøku ímóti FC Suðuroy. Suðuroyingarnir eiga fram­ vegis fyrsta sigurin til góða. Tað er rættuliga sjáldan, at tað ikki hevur eydnast einum liði at vinna í sekstan um­ førum. Hetta er ikki komið fyri síðani 1994, tá ið tað í 17. umfari eydnaðist EB/Streymi at vinna fyri fyrstu og einastu ferð tað árið (2-1 ímóti NSÍ). Bartal Eliasen hjá ÍF er leikbannaður, og verjuálitið hjá FC Suðuroy, Heini Vatns­ dal, hevur verið skaða­plág­að­ ur í fleiri vikur. Uni R. Peter­ sen er sannlíkur avloysari í ÍF miðverjuni, og Heri Nesá, sum er komin aftur í ÍF, eftir í fleiri ár at hava verið á flat­ londum, er gott boð upp á høgra vongverja. ÍF hevði 6-0 sigur við til hús eftir vitjan á Vágseiði 20. mai. ÍF-FC Suðuroy: Alex Tro­ leis fríggjadagin kl. 20.00. Fótbóltur Tað er óført fótbóltslag í Klaksvík og Norðoyggjum. Fyri fyrstu ferð síðani 1999, tá ið tað eydnaðist at vinna FM, er KÍ er topplið í Effodeildini eftir 16 umfør. Harvið eru øll eygu vend ímóti oddadystinum, sum verður á Eiðinum í kvøld, tá ið Víkingur kemur á vitjan. Jóannes Hansen Tað eru tvey lið á aldukambinum, sum bresta saman. KÍ og Víkingur fara sjáldan stigaleys av vøllinum. Men meðan KÍ bara hevur mist stig í einum av ellivu teimum seinastu umførunum, so hevur tað kostað nógv hjá Víkingi síðani 1-0 tapið á heimavølli ímóti KÍ í Fuglafirði, at tað bara hevur eydnast at vinna tvær ferðir, meðan tað fýra ferðir er endað við javnleiki. Higartil í ár hevur KÍ ikki spælt á heimavølli ímóti trimum teimum fremstu kappingarneytunum – EB­/Streymi, Víkingi og ÍF. Tvey tey næstu í røðini – B36 og HB – hava verið í Klaksvík, og tá royndist tað ikki so væl hjá KÍ, sum tapti ímóti B36 og spældi javnt ímóti HB. Hetta var tíðliga í kappingini, og síðani er nógv vatn runnið í ánni. Sjálvsálitið og yvirskotið, sum eitt nú sæst í, at tað er rár hending, at gul kort verða víst KÍ spælarunum, hevur borið teir bláu upp á topp­ in, og nú skal støðan verjast á heimavølli, har áskoðarafjøldin í kvøld ivaleyst verður størri, enn hon hevur verið nakrantíð nógvu tey undanfarnu árini. Tað verður pinnpakkað kring vøllin í Klaksvík í kvøld, eisini tí Víkingur eigur sera trúfasta áskoð­ ara­fjøld, og tí talan er um granna­ uppgerð. Klaksvíkingar hava seinastu ferð­irnar víst seg at vera alt tryggari við bóltinum, og teir arbeiða øgiligt og flyta eg nógv fyri hvørjum øðr­ um. Allir KÍ spælararnir eru tøkir. At tað er kapping um plássini sást ikki minst síðsta sunnudag í stór­ sigrinum á útivølli ímóti TB, tá ið Heðin Klakstein var nýggjur ímill­ um teir fyrstu ellivu og skoraði, og tá ið Ivan Joensen í 2. hálvleiki avloysti á miðvøllinum og var ein av seks málskjúttum. Hjá Víkingi kemur tað illa við, at liðformaðurin og miðverjin Atli Greg­ersen framvegis er leik­bann­að­ ur, og at vongverjin í høgru, Bárður Hansen, eisini er leik­bannaður. Merkisvert er tað eisini, at Filip Djordjevic, sum inntil fyri lítlari viku síðani var KÍ spælari, nú umboðar Víking. Í Klaksvík halda teir tað ikki hava so stóran týdning fyri teirra lið, at Djordjevic er fluttur til grannarnar. Víkingur hevur ikki spælt síðani summarsteðgin, og tí verður tað ikki fyrrenn í kvøld, at tað verður møguleiki at meta um, hvønn týdning tað hevur fyri teir ljósabláu, at serbiski spælarin nú umboðar teir. B36 er illa spert Tølini siga, at tað gongur einki serligt hjá meistarunum í B36. Hvørki í landskappingini ella á Ólavsøku. Fýra tær seinastu ferðirnar í landskappingini hevur samlaða úrtøkan bara verið tvey stig. B36 hevur ikki vunnið síðani grannaupp­ gerðina, tá ið úrslitið ímóti HB var 1-0. Ólavsøkutølini síggja held­ ur einki serlig út. Í fjør eyd­ naðist tað við neyð og deyð at vinna 1-0 ímóti 07 Vestur. Í fyrraárið fór Víkingur av Ólavsøku við 3-1 sigri, og 26. juli 2009 fór B36 úr Runavík við 3-0 tapi. NSÍ kemur á Ólavsøku við stórum sjálvsáliti. Sunnu­dag­ in eydnaðist at vinna 4-2 á HB í Gundadali, og síðani tá er Viljormur Davidsen komin aftr­at. Tað kemur illa við, at sera eyðsýndi Árni Frede­riks­ berg hesa ferð er leikbann­aður. Allir B36 spælararnir eru tøkir uttan Heini í Skorini, sum framvegis er skaða­plág­ aður. Stigatalvan sigur, at tað bara eru tvey stig frá meist­ araliðnum og niður til niður­ flytingarplássið. Avrikið í Streymnesi síðsta sunnudag bar boð um, at tað leikliga gongur rætta vegin, og sam­ stundis bar enn eina ferð til at staðfesta, at marginalirnir, sum í fjør vóru í parti við B36, ikki longur eru á somu síðu! Tølini siga, at tað gongur einki serligt hjá HB á Ólavsøku. Trý tey seinastu árini hevur um­far í landskappingini verið á skránni um tjóðarhátíðina, og higartil hevur tað ikki eydn­ast HB at vinna fulla úrtøku. 26. juli í 2009 endaði tað málleyst, tá ið ÍF var í Gunda­dali, ólavsøkuaftan í 2010 var lagið gott í bygdarskýlinum, tá ið B71 vann 2-1 á HB, og í fjør var úrslitið málleysur javnleikur, tá ið NSÍ ólavsøku­dag vitjaði HB. Onkuntíð hevur verið meiri toppsnitt yvir klassik­ara­num, enn tað er, nú HB ólavsøku­aftan fær vitjan av TB. Eftir lúsingin á heimavølli ímóti KÍ brennur rættuliga undir TB, sum bara er betri málmun frammanfyri B68 og harvið røttu megin niður­ flyt­ingarstrikuna. Tað sá heilt øðrvísi út, tá ið TB í 9. umfari á nýggja heimavøllinum við Stórá vann 4-2 á HB. Síðani tá hevur TB bara vunnið oyggja­uppgerðina ímóti FC Suður­oy. Tað er sjáldan, at HB tríggj­ar ferðir á rað fer av vøllinum uttan fulla úrtøku. Soleiðis hevur tað verið seinastu ferðirnar, og nú eru tað bara fýra stig niður til TB og har­við hóttanina av niðurflyt­ing. Hjá HB kemur tað illa við, at liðformaðurin Fróði Ben­jaminsen er leikbannaður. Hall­ur Hansson, sum var leikbannaður ímóti NSÍ, er upplagdur avloysari. Í TB verður vónað, at tað nú verð­ur loyvt Nenad Stankovic at stýra miðvøllinum. HB-TB: Rúni Gaardbo ólav­ søkuaftan kl. 18.00. 28. mai var 10. umfar á skrán­ ni. Ta ferðina megnaði B68 1-1 á heimavølli ímóti Víkingi, sum var oddalið. Tá varð kanska roknað við, at hetta var fyrsta fetið hjá tofta­monnum úr botninum og fram ímóti plássunum, sum bera altjóða luttøku við sær. Soleiðis hevur tað ikki verið. Síðani eru seks umfør avgreidd, og tað hevur bara eydnast B68 at vinna eina ferð – síðsta sunnudag á heimavølli ímóti FC Suðuroy. Tí er støðan hættislig. 28. mai vann EB/Streymur 3-0 á útivølli ímóti TB. Tað úrslitið saman við javnleiki­num í oyggja­ uppgerðini á Toftum henda sama dagin var orsøk til, at EB/ Streymur varð nýtt oddalið. Inntil síðsta sunnudag, tá ið tað í evstu løtu eydnaðist at bjarga javn­leiki á heimavølli ímóti B36, var EB/Streymur topplið. Nú EB/Streymur og B68 hitt­ ast, eru tað oddasessurin og at sleppa undan hóttanini av niður­ flyting, sum eru á dagsskrá. Fyrr í summar vann EB/Streymur 2-1 á Svanga­skarði. Hjá B68 eru Christian Høgni Jacobsen og Jóhan Dávur Høj­ gaard tøkir aftur eftir leikbann. Miðvallarin Jústinus R. Hansen er farin uttanlands at arbeiða. Miðverjin Marni Djurhuus er leikbannaður hjá EB/Streymi, og tað er ivasamt, hvussu tað verður við toppskjúttanum Arnbirni Hansen. EB/Streymur-B68: Eiler Ras­ mussen fríggjadagin kl. 19.00 Stríðast í hvør sínum enda HB og Ólav­søkan ikki vinir