fríggjadagur 27. juli 2012síða 56

vika 31 l 30. juli 2012 8 SummarFestivalurin Vikutema Ein av fremstu marglistamonnunum í danskari listasøgu, Dan Turèll, segði tað so væl á sinni. “Kim Larsen og TV2 er einasti tónleikurin, sum eg tími at gjalda pengar fyri at hoyra.” Nú er tað eingin loyna, at Turèll dámdi væl at provokera. Men tað er eingin lygn, at TV2 hevur átt heiðurs­ pláss í danskari tónleikasøgu seinastu nógvu árini. Og tí var tað kanska eisini hóskandi, at ein av mongu virðislønum, sum TV2 hevur fingið, fall í 1996, tá teir móttøku Turèll-virðislønina. Og tað var alt fyri eitt, at danir tóku bólkin til sín. Tá Steffen Brandt og vinirnir í 1981 fóru í studio at inn­ spæla Fantastiske Toyota vóru tey ikki nógv, sum kendu til bólkin. Fígging var eingin, og tí máttu limirnir í bólkinum sjálvir taka váðan á seg. Men tað var so eisini einasta ferðin, at tað hendi. Tá útgávan var á gøtuni, stóðu plátu­feløgini mest sum oman á hvørj­ um øðrum í royndunum at fáa sátt­ mála í lag. Og við einum ótrúligum pro­duktiv- og populariteti hava Brandt og hans­ara menn síðani prógvað, at teir teljast millum tað besta, sum danskur tónleikur hevur at bjóða. Endurspegla tíðarandan Størsti parturin av útgávunum hjá TV2 er fólkaogn í Danmark, og tað sama er bólkurin, tá teir eru á palli. Við eini hit- paradu, sum neyvan verður matchað av nøkrum øðrum í ríkinum hava teir bæði dygd og evnini til at fanga fjøld­ ina, sum vanliga tekur væl undir við nógvu og kendu songunum. Tónleikurin er rockutur poppur upp á tann einfalda mátan, meðan tekst­ ir­nir endurspegla tíðarandan, sum teir eru gjørdir í. Og aloftast upp á tann speiska mátan, soleiðis at samfelags- ella kanska samtíðarrevsanin eisini kemur til sín rætt. Og teir eru langt ífrá lidnir enn. Hóast árini á donsku tindunum hava verið nógv, so er TV2 framvegis sprelllivandi. Og Brandt prógvar fram­vegis, at hann er toppurin av dansk­ari sangskriving. Tekstirnir eru nýskap­andi, hann dugir at spæla sær við orð­unum, og javnan síggjast frasur frá hon­um nýttar, tá blaðfólk royna at smíða sær nýggjar og spennandi yvirskriftir. Nógvar stjørnur Fleiri mundu halda, at bólkurin hevði sæð sínar bestu dagar, tá teir rundaðu tey 25 árini, men við “De første kær­ ester på månen” mótprógvaðu teir øllum. Útgávan kom ikki á marknaðin fyrr enn í november í 2005, men kort­ ini gjørdist talan um mest seldu út­ gávuna í Danmark hetta árið. Ikki færri enn 150.000 eintøk vórðu tveitt um handilsdiskarnar í bara tveir mánaðir. Og sjálvt tey mest atfinningarsomu eru eisini givin við at fella deyðadóm yvir bólkin. TV2 er framvegis ein tann størsti faktorurin innan dansk­ an tónleik, og framvegis er tað regl­an heldur enn undantakið, at ummæl­ ar­arnir geva teimum fimm av fimm stjørn­um, tá metast skal um avrikið á pal­linum. Og tað er eingin orsøk at halda, at tað sama ikki skal gera seg galdandi, tá teir eru høvuðsnavnið á Vágsbøi leygarkvøldið. Sjálvsspeið er ongantíð at forsmáa. Hóast TV2 vanliga rópar seg “Danmarks kedeligeste orkester”, so hevur bólkurin í trý áratíggju prógvað, at teir eru alt annað enn keðiligir á palli Trý áratíggju á tindunum Manningin í TV2 Steffen Brandt (ljómborð, guitar og sang) Hans Erik Lerchenfeld (guitar) Georg Olesen (bass) Sven Gaul (trummur) Útgávur Fantastiske Toyota 1981 Verden er vidunderlig 1982 Beat 1983 Om sommeren er alting anderledes 1983 (bólkurin nevndist her The Beautifuls) Nutidens Unge 1984 Rigtige mænd – gider ikke høre mere vrøvl 1985 En dejlig torsdag 1987 Nærmest lykkelig 1988 Vi blir alligevel aldrig voksne 1990 Slaraffenland 1991 Verdens lykkeligeste mand 1994 Kys bruden 1996 Yndlingsbabe 1998 Amerika 2001 På kanten af småt brændbart 2002 De første kærester på månen 2005 For dig ku’ jeg gøre alting 2007 Showtime 2011 Live-útgávur Fri som fuglen 1987 Verdens lykkeligeste band 1999 Manden der ønskede sig en havudsigt 1999 Uppsamlingar Greatest – De unge år 1992 Hits 2004