fríggjadagur 27. juli 2012síða 70

22 SummarFestivalurin Vikutema Hansara fantastiska rødd hevur í nógv ár verið hugtikið fólk kring allan heim. Hann hevur vunnið eina langa røð av heiðurslønum fyri sínar útgávur. Og hann hevur inspirerað, uggað og glett fólk við sínum sangi. Russ Taff telist millum mest virdu gospelsangarar í USA, og seinnu árini hevur hann fingið eitt serligt tilknýti til Føroyar og føroyingar. Hann hevur vitjað í Føroyum fleiri ferðir, hann hevur havt framførslur, og seinasta fløgan hjá honum er framleidd í Føroyum. Hend­an fløgan er tilnevnd til tríggjar so­nevndar Dove heiðurslønir, sum verða lætnar til gospeltónleik í USA á hvørjum ári. Nú vitjar Russ Taff aftur í Føroy­ um, og eftir tætta samstarvið við før­ oy­ingar, skal hann syngja á landsins størsta tónleikatiltaki, Summar Festi­ valinum í Klaksvík. Imperials og Gaither 58 ára gamli Russell Taff er ættaður úr Farmersville í Kalifornia í USA, og hann fekk tíðliga samband við gospel­tónleik. Millum annað átti mamma hansara eitt stórt savn av gospel­plátum, sum Russ dámdi væl at lurta eftir sum smádrongur. Tá ið Russ sum tannáringum flutti til Arkansas at búgva og ganga á skúla, byrjaði hann av álvara at fáast við tónleik sjálvur. Sum sangari kom hann av álvara fram, tá ið hann var sangari í bólkinum The Imperials seinast í sjeytiárunum. Tá fór hansara sterka rødd av álvara um land og landamørk. Taff hevur eisini verið partur av Gaither Vocal Band, har hann hevur sungið í nógv ár. Umframt alt hetta hevur hann eisini givið tónleik út sum solistur, og hann telist millum teir mest virdu gospel­ sangararnar í USA. Fyrsta soloplátan hjá Russ Taff kom í 1983, og síðani hevur hann giv­ ið eina langa røð av fløgum út. Faroe Islands Fyri føroyingar er tann seinasta út­gáv­ an hjá Russ Taff tann mest spenn­andi – í øllum førum í ljósinum av hans­ara til­knýti til Føroyar. Tí tann útgávan er í stór­an mun framleidd og spæld av før­oysk­um tón­leik­ar­um og tón­leika­ fram­leið­ar­um. Jákup Zachariasen hevur staðið fyri ar­beiðnum, og hann hevur eis­ini brúkt aðrar føroyskar tón­ leik­ar­ar og fram­leið­arar í fram­leiðsluni av fløguni. Faroe Islands eitur útgávan, og heit­ ið á fløguni skal uttan ivast skilj­ast sum ein viðurkenning av Før­oyum frá Russ Taff, sum hevur vitjað her fleiri ferðir og hevur havt gott og tætt samstarv við eitt nú Jákup Zacha­ria­sen. – Eg var púra tikin á bóli, tá eg fyrstu ferð hoyrdi tykkara tónleikarar og sangarar spæla saman við mær á Gøtusandi. Tað undrar meg, at tit kunnu hava eitt so ríkt tónleikalív her úti í Atlantshavinum, segði Russ Taff við Sosialin, tá ið hann spældi fløguna inn í Føroyum. Aftur til Føroya Russ Taff hevur í nógv ár eisini verið ein av profilunum á Gaither konsertum, og blaðið Billboard Magazine hevur skrivað, at Taff hevur ein av teimum bestu røddunum í kristnum tónleiki yvir­høvur. Og hesa rødd sleppa føroyingar nú aftur at hoyra á føroyskum palli. Russ Taff spælir á Summar Festi­ valinum fyrsta vikuskiftið í august, og tá heldur hansara samstarv við før­ oyskar tónleikarar fram, tí hann fer sjálv­andi at hava føroyskar tónleikarar í bólk­inum, sum skal spæla saman við hon­um. Framførslan á Summar Festi­valin­ um verður eitt natúrligt framhald av hans­ara samstarvi við føroyingar, og Russ Taff fer at syngja sangir av sein­ astu útgávuni hjá sær, Faroe Islands, umframt at hann eisini syngur aðrar góðar og kendar gospelsangir. Russ Taff hevur í nógv ár verið ein av profilunum á Gaither konsertum, og blaðið Billboard Magazine hevur skrivað, at Taff hevur ein av teimum bestu røddunum í kristnum tónleiki yvirhøvur Framúr gospelrødd Heimskendi gospelsangarin Russ Taff hevur seinnu árini tikið Føroyar til sín, og nú fer hann á landsins størsta pall at syngja Savna góð minnir saman